Wugubule 7:9 - Luganuzi Luswanu Kuli Wanhu Wose 2002

⁹ Hanyuma naza kulanga, nghawona yipuga yiwaha lye wanhu si wakuwala, wanhu we zimbeyu zose, ne zinghungugo zose, na we zinonga zose. Nawo wali wemile he'goda lyo wutemi, na hali Mwana we ngholo, akuno wavwalile vivwalo vizelu, kanyhi webate ne manhambi ge mitende mu mawoko gawo.

I CILAGANE CIPYA 1991

⁹ Hanyuma naza kulanga, nghawona ipuga yiwaha lye wanhu si wakuwala, wanhu we zimbeyu zose, ne milango yose, na we zinonga zose. Nawo wali wemile heʼgoda lyo wutemi, na hali Mwana we ngholo, akuno wavwalile vivwalo vizelu, kanyhi webate ne manhambi ge mitende mu mawoko gawo.

Wugubule 7:9 ပူးပေါင်းရင်းမြစ်များ

Mwamulizo 13:16

No lulelo lwako nowanoza wawe wenji muno muno kotya muhangha we yinze. Nha vyono muhangha si wosuma kuwalwa, ale, nhavivyo no lulelo lwako nalo, si losumika ku wuwalwe!

Mwamulizo 49:10

Ne nghome ye citemi, si yowucila lukulu kuli'gwe Yuda. Ne zindelo zako zotema cibitilila, sunga kono kolokuziza mweneco. Yu yulya mono makungugo gose gomuhulika.

Zabuli 2:8

Ale wulombe kuli'ne nane nokupela makungugo gawe wuhazi wako, ne yinze nayo yose yiwe sawo yako.

Zabuli 22:27

Ne yinze yose yokumbucila, no kumuwuyila Muwaha Mulungu, ne zimhuga zose ze makungugo, zomuhemba.

Zabuli 76:4

Agwe wina nhojo, wulawiliciye, si nhe matunda ge cibitilila.

Zabuli 77:2

Nane nimulombaga Muwaha Mulungu, lono nili mu wugaye, nghumwinulila miwoko yangu ne cilo, hamba kukatala yaye, ninga si nhugaga wutuzwe wo wose.

Zabuli 98:3

Kawukumbucila wuswanu wakwe, no wihuwilwa wakwe kuli wanhu wa Isilayeli. Nazo zimbavu zose ze yinze zakondya, kuwuwona wusume ne vilungo vyo Mulungu wetu.

Yelemiya 16:19

Gwe o Muwaha Mulungu, yo gwegwe du mono kundimaga, no kumhela vilungo, kanyhi yo gwegwe du mono kumhelaga wutazi mu mapango go wugaye. Ne makungugo nha golokuziza gakulawa mu zimhelo zose ze yinze wawe kutya, “I walezi wetu hamba si wahala cinji, langa wahala i milungu yo wulambi, hamonga ne vihwani viseswe, vyono visina hamba cambuzi co cose.

Yelemiya 3:17

Ne vilo vivyo kolo vyakondya kuza, Yelusalemi nhondo, yolocemwa, ‘I ligoda lyo wutemi lyo Muwaha Mulungu.’ Ne makungugo gose golokwikongholela baho gawe kuhemba nene du. Nawo lulo, hamba si wolokwitumila lukulu kanyhi za mu cibede cawo, hamba i zimbi za mu zinhumbula zawo.

Ezekiyeli 47:5

Yakajendelela kanyhi, yakapima mita zinji kanyhi, magana mahano. Ne hanhu baho hakawa hatali muno muno, nane hamba si nasuma no kulowocela baho yaye. Hambi malenga nha gali matali muno, gono munhu si kosuma kujenda yalowoce, langa sunga yiwe mu nzila yo kojela du.

Danyeli 4:1

Mutemi Nebukadineza yakategula mulamu kuli wanhu we makungugo gose, na we zimbeyu zose, na we milonjele yose wa mu yinze yose, yakatya, “Mulamu weze kuli nyenye.

Danyeli 6:25

Baho mutemi Daliyo, yakawandicila baluwa zinghungugo zose, ne zimbeyu zose, na we milonjele yose ya kono'nze, yakawatya, “Mulamu kuli 'nye!”

Hoseya 1:10

Ninga i wanhu wa Isilayeli wolowa wenji liwalo lyawo nho musawawa wa mwi'lenga, wono siwusumikaga ku wupimwe hamba ku wuwalwe. Aluno Mulungu yakuwatya, anye si muli wanhu wangu, ninga lizuwa likuza lyono mwene kolowatya, “Anye muli wana wo Mulungu mumi!”

Walawi 23:40

Na mwi'zuwa lilyo, musole mikalo yinji miswanu ya mu mibici yenyu, ne manhambi ge mitende, ne manhambi ge mibici, gono gena mahamha menji, ho muwe kwanza kunoza sikukuu ze cidini, so kumupela cogopo u Muwaha Mulungu wenyu.

Zakaliya 10:8

Nowacema wanhu wangu no kuwakongholela hamonga. Nowakomboza kanyhi nowanoza wonjelezece ho wawe wenji nha vyono wali wenha ha mwamulizo.

Zakaliya 2:11

Na mu vilo vivyo makungugo menji golokuza kuli Muwaha Mulungu, nawo wowa wanhu wakwe. Nayo Muwaha Mulungu kolokwikala hamonga na nyenye. Nanye ho molomanya vyono mwene yo yanhuma kuli'nye.

Luka 12:1

Baho lono wanhu maelufu menji wali wetang'anila, sunga wakawa kwikanyanjila, Yesu yakamula kuwalonjela wejizwa wakwe, “Musuje kuli cisase ce wafalisayo wo wukoci.

Luka 21:36

Ninga mwikalaje meso mu mapango gose, mweze kulomba, ho mutuje vilungo vyo kusumila kugatiza gaga gose gono golowa, no kwima hali Mwana wo Munhu.”

Yohana 12:13

ale, wakasola i manhambi ge mitende, wakalawila, wakabita kumuhinjiliza, wakazoza wakutya, “U Mulungu yalumbwe! Mumoti mono yakuziza mwitagwa lyo Muwaha. Mumoti mutemi wa Isilayeli.”

Walumi 11:25

Wandugu zangu, nghuhila muyimanye imbeka yiyi yono hundikwe, ho mulece kwiwona nha muli we mahala. I cibede ce Wayahudi, cali ca cipango cidodo du, sunga kolo iwanhu wono si Wayahudi wamuziza u Mulungu.

Waefeso 6:13

Ku soko yiyo holeka muvwale vitwalo vyo Mulungu, ilizuwa lilyo kolo lyeza kufika, ho musume kuwimila u wihomi wo mulugu, na lono muwe mwehoma sunga ko ku mudumo, mwijele mukali mukamile.

Wahebelaniya 11:12

Holeka mu wulawa mo munhu yuyo yumonga, Abulahamu hamba yawe yali yeza nha yafwiza, walelwa i wanhu wono si wakuwala, wenha i zinyelezi za ku wulanga no musawawa wa mwi'lenga.

Wahebelaniya 12:22

Ninga anye muficile mwi'tunda lya Sayuni, ku kaya yo Mulungu mumi. Muficile Yelusalemi, ilikaya lya ku wulanga, kono wekonghoye wa malayika maelufu menji si wakuwala.

Wugubule 11:15

Hanyuma, nayo malayika wo mupunghati yakayitowa ndulele yakwe. Ne mazi mawaha gakahulikwa ku wulanga gakutya, “Alu u wutemi wa mononze, weza wo Muwaha wetu na Kilisito wakwe. Nayo kotema cibitilila ne cibitilila.”

Wugubule 22:3

Na hasina hamba cinji co cose cono cilijitwe no Mulungu, cono cosuma kuwa mwikaya lilyo. Ligoda lyo wutemi lyo Mulungu na lyo Mwana we ngholo, lyo lyowa mwikaya lilyo, ne wetumami wakwe womuhemba.

Wugubule 3:18

Alu ane nghukupela yihala nhavi, wugule kwangu zahabu swanu muno, ho wuwe wuli mugoli mbeka. Kanyhi nghukunena, dedede, wugule ne vivwalo vizelu, wuvwale, ho wugubicize cevu ce cipwi cako. Wugule kanyhi ne mafuta, wibace mu meso gako ho wuwone.

Wugubule 4:4

Hakawa hogali magoda makumi mejete na mane gono gali galipilime ligoda lyo wutemi, na mu magoda gago, wali wekaye wawaha makumi mejete na wane, nawo wali wavwalile vivwalo vizelu, na mu mitwe yawo, wali wavwalile mikumbo ya zahabu.

Wugubule 5:11

Hanyuma nghalanga, nghahulika lizi lya wamalayika wenji muno wono si wakuwala, maelufu na maelufu. Wali wekaye walipilime ligoda lyo wutemi, navyo viwumbwa vine vyumi, hamonga na walye wawaha,

Wugubule 5:9

Nawo wakemba u lwimbo aluno lupya. “Agwe yo gwegwe mono wunojeye wucisole citabu cico, no kubena vinamatizo vyayo. Vyono agwe wakondya kuwulagwa, wukamugulila Mulungu ne sakami yako, wose we zimbeyu zose, we zinonga zose, ne wanhu wose ne zinghungugo zose.

Wugubule 6:11

Nawo wakapegwa yumonga yumonga civwalo cizelu, wakalonjelwa vyono walindile lindile hadodo, sunga kolo lyakondya kuficilicila i liwalo lye wetumami wayawo, kanyhi ne wandugu zawo wono wowulagwa nha vyono wawulagwa weneco.

Wugubule 7:8

Wo mulango wa Zabuloni, elufu yikumi na nyejete. Wo mulango wa Yusufu, elufu yikumi na nyejete. Wo mulango wa Benyamini, elufu yikumi na nyejete.