Wugubule 7:2 - Luganuzi Luswanu Kuli Wanhu Wose 2002

² Kanyhi nghamuwona malayika yunji yakulawilila ku lubavu lwe cilima yakubita kucanyha, akuno yena no mutozo wo Mulungu u mumi. Nayo malayika yuyo yakazoza kwe'zi 'waha, yakuwalonjela wawo wamalayika wane, wono wali wapejigwe vilungo vyo kuhodanga yisi ne malenga,

I CILAGANE CIPYA 1991

² Kanyhi nghamuwona malayika yunji yakulawilila ku lubavu lwe cilima yakubita kucanyha, akuno yena ne cinamatizo co wo Mulungu u mumi. Nayo malayika yuyo yakazoza kweʼzi ʼwaha, yakuwalonjela wawo wamalayika wane wono wali wapejigwe vilungo vyo kuhodanga yisi ne malenga,

Wugubule 7:2 ပူးပေါင်းရင်းမြစ်များ

2 Watemi 19:4

Hambi u mutemi wa Ashuli, nha kamutuma mwitumami wakwe mulongola, yaze yamutovule Mulungu mumi. Holeka Muwaha Mulungu, u Mulungu wenyu, yagahulikaje matovulo gaga, yawalipicize wanhu wono wali kutovula. Alu wumulombe Mulungu ku soko ye wanhu wetu wono wakali womi.”

Lwimbo Luswanu muno 8:6

Wumbice nha mutozo mu nhumbula yako, nha citanjilo mu muwoko wako. Hambi wendo nha wina vilungo kotya lifwa, no wivu nawo, wukali kotya citenjelo. No wukolele wayo, winha wukolele wo moto, wunyanyaga nho moto mukali.

Isaya 41:2

Mwene nani lo mono yaleta wusume ku wulawa kucilima no kumupela vilungo vyo wusume hanhu ho hose hono yakubita? Hamba nani mono kamupelaga vilungo vyo kuwasumila watemi, hamonga ne makungugo? No mumaje wakwe, wukuwatemanga wagwa ho hasi, wawa nha manghundi. Ne zisonga zakwe zikuweyagaza nhe mawaje, gono gakupemheluswa ne mbeho.

Ezekiyeli 9:4

“Alu, wubite wukole muciligati ye likaya lyose lya Yelusalemi, wukawawicile vitanjilo mu vihanda vyo wusu wawo, wanhu wose wono wakuwona wusungu no kugazika mu zinhumbula zawo, ku soko ye makani ge mawifyo gono getumwagwa mwi'kaya lili.”

Malaki 3:1

Nayo Muwaha Mulungu yakupitula yakutya, “Ane, nomutuma mutumwa wangu yanozelezeze nzila. Nayo Muwaha Mulungu mono mukumulanjilila, kolokuza nhinicizo mu Wuhembelo wakwe. No mutumwa mono mukumulanjilila, kolokuza no kuganula icilagane cangu.”

Malaki 4:2

Ninga kuli'nye mono muhulicile 'ne, i vilungo vyangu vye mhonelo, vyolomulawilenyi nhe'zuwa, no kumuletelenyi mhono, nhe nyhenjezi ye lizuwa. Mowa muli welecele, akuno musangalaye, kotya nyehe ndigulile mu wulawa mwi'kumbo.

Matayo 16:16

Simoni Petelo yakapitula yakatya, “Agwe yo gwegwe Kilisito u Mwana wo Mulungu mumi.”

Matayo 26:63

Ninga Yesu yakanyamala twii du. Nayo u Mukohani Muwaha yakamutya, “Nghukwilahiza kuli u Mulungu mumi, wucilonjelaje hono yo gwegwe Kilisito u Mwana wo Mulungu!”

Yohana 6:27

Mulece kuyipiligalila indigwa yono yihodanjikaga, langa muyipiligalilaje indigwa yono yikalaga sunga ku wumi we cibitilila. U Mwana wo Munhu mono u Sogwe yamuwicila i citanjilo, yo komupelenyi indigwa yiyo.”

2 Wakolinto 1:22

kanyhi yo yaciwicila mutozo wo kuwela cili sawo yakwe mweneco, kanyhi yakacipela no Muhe Mono Yelile mu zinhumbula zetu, ho ciwe co cipingo ca zose zono yaciwiciye.

Waefeso 1:13

Nanye nyo wanhu we makungugo ganji, mwayihulika inghani ye Mbeka, wo wutya u Luganuzi Luswanu lono lwamuletelenyi u wukombozwe, mukamwihuwila Kilisito, nayo u Mulungu yakamuwicilenyi citanjilo so kumupelenyi u Muhe Mono Yelile mono yacihuwiziza, ho yalajile vyono ase cili wakwe.

Waefeso 4:30

Mulece kumukalaza u Muhe Mono Yelile wo Mulungu, hambi yuyo u Muhe nha yo citanjilo co Mulungu kuli nyenye, vyono anye muli wanhu wakwe, kanyhi co cihomelezi vyono ilizuwa lyokuza lono u Mulungu kolomukombozenyi.

Wukumbucize wo Wulajilize 5:26

Alu mwene, mbeka ho yuli munhu wo wose we nghuli, mono yekala mumi mono yahulika Mulungu mumi yakulonjela mu wulawa mu moto?

1 Watesalonike 1:9

Hambi i wanhu wawo weneco nha wakuciganulila nha vyono caza kwenyu, ne nghango ya vyono mwacibocela, na vyono mukaleka vihwani, no kumupitucila u Mulungu mumi na we mbeka,

2 Timoteyo 2:19

Ninga musinji wono wukamile, wono wawikwa no Mulungu si wusinjisikaga yaye, na mucanyha yo musinji wuwo, zandikwe zinghani azi, “U Muwaha yawamanyile i wakwe,” na kanyhi, “Na muli wose mono yakwiyitya, mwene yo wo Muwaha, yimunojeye yeleje no wavu.”

Wahebelaniya 12:22

Ninga anye muficile mwi'tunda lya Sayuni, ku kaya yo Mulungu mumi. Muficile Yelusalemi, ilikaya lya ku wulanga, kono wekonghoye wa malayika maelufu menji si wakuwala.

Wugubule 1:3

Yo mumoti munhu mono yakucisoma i citabu cicino, kanyhi wamoti wono wakuzihuliciza zinghani ze nghani yiyi yo wuwile, no kwibata zono zandicigwe mumu! Hambi cidaha nha casejelela, lono i zinghani zizi sizoleka kwijela.

Wugubule 10:1

Hanyuma kanyhi nghamuwona malayika yunji mono yali vilungo, yakutima ku lawa kuwulanga. Nayo yali muvwikwe yivunde, hamonga ne licilalyambwa lye mvula mu mutwe wakwe. Wusu wakwe wali wihwanile lizuwa, ne migulu yakwe yali yinha masumbili ga moto.

Wugubule 10:4

Na gago i mabalalusi mupunghati lono galongaga, ane nghasaka kuzandika. Ninga nghahulika lizi likulawa ku wulanga, likutya, “Izinghani zizo ze mabalalusi mupunghati, zo nghani za cinyele, holeka wulece kuzandika!”

Wugubule 16:12

Nayo Malayika wo mutandatu yakalijidila libakuli lyakwe mwikolongo liwaha lyono likucemwa Efulata. Ne malenga galyo gakawa kunyala, na mu nzila yiyo, yinzila yikawa kunozwa so watemi wono wazaga wakulawa kucilima.

Wugubule 5:2

Kanyhi nghamuwona malayika we vilungo yakulonga ne'zi 'waha yakutya, “Nani 'mbi mono yanojeye kubena vivyo vinamatizo, sunga yacigubule ne citabu cico?”

Wugubule 8:3

Na malayika yunji yakaza, akuno yadinghuye cifusizo ca zahabu mu muwoko wakwe, nayo yakema ha cikumbicilo co kufusiza wuvumba. Nayo yakapegwa wuvumba winji ho yawulavye cilavywa hamonga ne malombo ge wanhu wose wo Mulungu, ho yagalavizye mu cikumbicilo ce zahabu cono cili he'goda lyo wutemi.

Wugubule 9:14

Ne lizi lilyo likamulonjela malayika wo mutandatu mono yali yena ndulele, likutya, “Ale! Wuwawopolele awalya wamalayika wane wono wawopwe kwi'kolongo liwaha lya Efulata!”

Wugubule 9:4

Zinzije zizo zikalonjelwa vyono, zilece kuhodanga mahanze ge yinze, hamba dedede yose, hambe mibici yose, langa zibite zikawahodanje wanhu wawalya du wono wasina citanjilo co Mulungu mu vihanda vyo wusu wawo.

1 Samwili 17:26

Dawudi yakawawuza i wanhu wono wali wemile behi nayo yakawatya, “Ati, u munhu mono komuwulaga u Mufilisiti yuyu, yawakomboze ne Waisilayeli mu wulawa mu cevu cici, kotuga cici? Hamba nhavivyo mwene yuyu yo nani mwene u Mufilisiti mono si yalame, mono yakuwatovulanga lipuga lye wasilikale wo Mulungu mumi?”

1 Samwili 17:36

Ane nakondya kugawulaga masimba sunga ne madubu, holeka nomunoza nhavivyo no Mufilisiti yuyu mono si yalame, mono yakulitovulanga lipuga lye wasilikale wo Mulungu mumi.