Wugubule 7:17 - Luganuzi Luswanu Kuli Wanhu Wose 2002

¹⁷ hambi u Mwana we ngholo mono yali haciligati ye ligoda lyo wutemi, nha yo kolowa yo mudimi wawo, nayo kowatonga sunga ko ku mivwilo ye malenga go wumi. No Mulungu kogapatila lukulu mahozi gose ga mu meso gawo.”

I CILAGANE CIPYA 1991

¹⁷ hambi u Mwana we ngholo mono yali haciligati ye ligoda lyo wutemi, nha yo kolowa yo mudimi wawo, nayo kowatonga sunga ko ku mivwilo ye malenga go wumi. No Mulungu kogapatila lukulu mahozi gose ga mu meso gawo.”

Wugubule 7:17 ပူးပေါင်းရင်းမြစ်များ

Zabuli 22:26

I waciwa wolya sunga wegute, nawo wono wakumulondola u Muwaha Mulungu, womukumya. Ale, wamoteswe cibitilila!

Zabuli 23:5

Wukunhenjela ndigwa hamwande ye walugu wangu, wukumbaka ne mafuta mu mutwe wangu, sunga ne cikombe cangu wukucimemya twaa no mwitiko.

Zabuli 28:9

Gwe go Muwaha Mulungu, wuwaponye wanhu wako, wuwalugute i wanhu wono yo sawo yako, wuwadime no kuwacitila sunga cibitilila.

Isaya 12:3

Ne wanhu wo Mulungu wasangalalaga lono yawaponya, nha vyono malenga ge mbeho gamusangalazaga mono yena nyhilu mwizuwa likali.”

Isaya 25:6

Nayo Muwaha Mulungu we mihanga, kolowikaniza ndigwa mwi'tunda lili lya Sayuni, so makungugo gose ga mono'nze. Ndigwa yono yolowa ndigwa swanu muno, hamonga na divayi swanu muno.

Isaya 25:8

Muwaha Mulungu kololiwusiza lukulu lifwa cibitilila! Kanyhi kolopatila lukulu mahozi mu meso ge wanhu wose, no kuwawusiza cevu wanhu wakwe, cono wali wakondya kukozwa mu yinze yose. Muwaha Mulungu mweneco yo yazilonga zizi!

Isaya 30:19

Nanye nyo wanhu mono mwikaye mu Yelusalemi, hamba si mololila kanyhi yaye. Hambi Muwaha Mulungu nha komululenyi, na kolo mukumulilila mukusaka wutazi kuli mwene, nayo komutazenyi.

Isaya 30:25

Na mwi'zuwa lyono golokumulwa magomawakali ge walugu wenyu, ne wanhu wawo wakuwulagwa, mwi'zuwa lilyo, vikolongo vye malenga vyolohuluma vikulawilila mucanyha ye matunda gose na mu vigongo vyose.

Isaya 35:10

Nawo wolokwinjila mu Yelusalemi wasangalaye, wakwimba ne mazi mawaha so nyemo, wolowa wasangalaye cibitilila, hambi wukalale no wusungu nha vyolowucila lukulu muli wene.

Isaya 40:11

Kololidima litewa lyakwe nho mudimi. Kolozikongholela hamonga zinyana ze zingholo, yazidinghule mu mawoko gakwe. Kolozitonga mhola mhola zono zikosa.

Isaya 49:9

Nane lulo nolowalonjela wono wali mu jela nitye, ‘Ale, muwuce mubite, mwakondya kuwopolelwa!’ Nawo wono wali mu wutitu, nolowalonjela nitye, ‘Ale, nanye muwuce mulawile ku wuzelu!’ Hambi nha wolowa wenha zingholo zono zikudima mu matunda,

Isaya 51:11

Ne wanhu wose wono wawakomboza, wolofika ku Yelusalemi wena nyemo akuno wakwimba ne mazi mawaha ko wusangalale. Nawo wosangalala cibitilila, kanyhi wolowa wasina wukalale no wusungu cibitilila.

Isaya 60:20

Ne vilo vyenyu vyo wusungu, vyoloduma, ane no Muwaha Mulungu yo nolowa wuzelu wenyu cibitilila, mono nikalaga cibitilila si nhe lizuwa no mwezi.

Isaya 65:19

Sunga na nene no mweneco nolowa memile nyemo ku soko ya Yelusalemi, hamonga ne wanhu wayo. Hambi nha molowa musina cililo mumo, hamba wulondola wutazi.

Yelemiya 2:13

Hambi i wanhu wangu nha wetuma wubi wuli hejete, wandeka 'ne mono nili muvwilo we malenga go wumi. Wene wehimbila visima vyono vikung'welela mbela mbela, vyono si vyosuma kwikala na malenga.

Yelemiya 31:9

Nawo i wanhu wangu, wolowa kulila, akuno wakulomba, mu cipango cono ane nolowa niwalongoze. Nane nowatonga sunga ko ku vikolongo vye malenga, nolowakoza mu nzila yono yitelemeye, ho walece kwikobala yaye. Hambi ane, nha nihwanile sogo yo munhu kuli Isilayeli, nayo Efulayimu, nha yo mwanangu mulongozi kulelwa.”

Ezekiyeli 34:23

Nozipela mutemi mono yehwanile mutemi Dawudi, yo yawe mudimi wazo. Nayo kozilanjilila muno.

Mika 5:4

Nayo yalaza kuza, kolowatema wanhu wakwe, kwe vilungo vyono vikulawa kuli Muwaha Mulungu, hamonga ne nhojo yo Muwaha Mulungu mweneco. Ne wanhu wakwe, wolokwikala wapolile, hambi wanhu wose wa kono'nze, nha wolowuvumila u wuwaha wakwe, nayo yo kololeta mulamu.

Mika 7:14

Gwe Muwaha Mulungu, weze mudimi kuli wanhu wako, iwanhu wono wawahagula. Hamba wawe wekaye kutali mwi'bago. Ninga yisi yose yono yiwapilime yina moso muno. Walekaje wabite wakaliswe ku Bashani na ku Gileyadi nha vyono wanoza mu vilo vye katali.

Matayo 2:6

‘Nagwe go Betelehemu go yisi ya Yuda, agwe si wuli mudodo hali walongola wose wa Yuda, Hambi muli gwegwe, nha mokolawila u mulongola mono kowatonga iwanhu wangu waisilayeli.’ ”

Matayo 5:4

Wamoti wono wena wukalale, hambi nha wosindamikwa.

Yohana 10:11

Ane yo nene mudimi muswanu. U mudimi muswanu, kawusuzaga u wumi wakwe ku soko ye zingholo zakwe.

Yohana 10:14

Ane yo nene u mudimi muswanu. Iwangu niwamanyile, nawo iwangu, wamanyile'ne,

Yohana 4:10

Yesu yakamupitula yakamutya, “Mhali wuwe wumanyile i cipegwa ca kuli Mulungu, nayo yo nani mono yakukutya, wumhele malenga ning'we, nagwe wali wumulombe, nayo yali yakupele malenga go wumi.”

Yohana 4:11

U mucekulu yuyo, yakamutya, “Muwaha, agwe wusina ciya co kunejela, ne lisima nalyo yitali, alu kogasola hayi gago malenga go wumi?

Yohana 4:14

Ninga muli wose mono kong'wa malenga gono nomupela, si kokalucila lukulu. Malenga gono nomupela gowa muli mwene nha muvwilo wa malenga, gakuvwila sunga ku wumi we cibitilila.”

Metumo ge Watumwa 20:28

Mwikamisaje mo weneco, mulikamisaje na lilyo i litewa lyose, lyono u Muhe Mono Yelile yamuwicenyi anye ho mulidime. Mulidimaje ilikanisa lyo Mulungu, lyono yaligula ne sakami yo Mwanagwe.

1 Petelo 5:2

muyidimaje yiyilya imhuga yo Mulungu yono mwapegwa, muyilanjilile, si ne dindimiza langa kwe nhumbula, nha vyono kasakaga Mulungu. Muwitumaje u mulimo wuwo si kwe masulumizi ge zipesa, langa kwe nhumbula zenyu zose.

Wugubule 14:4

I wanhu wawo, wo wanhu wono weyikamisa mu wele wose, wono siwetuma makani go wusulumizi na we cicekulu, hambi wene nha wasindile. I wene wawo, wamutyatyaga Mwana we ngholo ko kose kono yakubita. Wawo wo wagulwa kulawa muli wanhu wanji, kanyhi wakawa wo walongozi kulavywa kuli Mulungu na kuli Mwana we ngholo.

Wugubule 21:22

Hamba si nawona wuhembelo mwikaya lilyo, hambi u Muwaha Mulungu, u Mudaha vyose, hamonga na yuyulya u Mwana we ngholo, nha wo wuhembelo walyo.

Wugubule 21:23

Ne likaya lilyo si likusaka izuwa, hamba mwezi, vilimulicile, hambi u lukumyo lo Mulungu nha lolukuwa kulimulicila, ne zitala zalyo, yo yuyo u Mwana we ngholo.

Wugubule 21:4

U Mwene kogapatila lukulu mahozi gawo gose, mu meso gawo, kowa kusina lifwa, hamba wukalale, hamba cililo, hamba wusungu si vyolokwijela yaye, hambi zihuma nha zakondya kupuluta!”

Wugubule 21:6

Hanyuma yakawa kunonjela yakutya, “Zose 'lu, zakondya! Ane yo nene wo Mwamulizo na wo Mudumo. Nayo mono yakaluce, ane nomupela co kung'wa bwete, ku wulawa mu mivwilo ye malenga go wumi.

Wugubule 22:1

Hanyuma kanyhi malayika yakandajila i likolongo lye malenga go wumi gono gakung'alala nha cilole, gakulawilila he'goda lyo wutemi lyo Mulungu, hamonga no Mwana we ngholo.

Wugubule 4:11

“Agwe yo gwegwe go Muwaha nago Mulungu wetu, mono wunojeye lukumyo, ne lilumbo ne vilungo, hambi nha yo gwegwe muwumbi we vinhu vyose, na ku so wuhile wako, vyose vikawa, na vyose vyapegwa wumi no kuwumipa.”

Wugubule 5:6

Hanyuma nghawona u Mwana we ngholo yemile haciligati ye ligoda lyo wutemi, yapilimwe mbavu zose na vivilya viwumbwa vyumi, hamonga na wawalya wawaha. Na yuyo Mwana we ngholo yakawa kwijela nha muwulagwe. Yali yena mahembe mupunghati, ne meso mupunghati, nayo yo myuhe mupunghati yo Mulungu, i myuhe yono yali yategulwa hanhu hose mono'nze yose.