Wugubule 7:14 - Luganuzi Luswanu Kuli Wanhu Wose 2002

¹⁴ Nane nghamupitula nghamutya, “Muwaha, gwegwe wumanyile!” Nayo yakanonjela yakutya, “Wawa awa, wo wawalya wono wakola wapolile mugati yo wugaye wuwaha. Ne myenda yawo, wakayezeza mu sakami yo Mwana we ngholo, nayo yikawa mizelu swee.

I CILAGANE CIPYA 1991

¹⁴ Nane nghamupitula nghamutya, “Muwaha, gwegwe wumanyile!” Nayo yakanonjela yakutya, “Wawa awa, wo wawalya wono wakola wapolile mugati yo wugaye wuwaha. Ne myenda yawo, wakayezeza mu sakami yo Mwana we ngholo, nayo yikawa mizelu swe.

Wugubule 7:14 ပူးပေါင်းရင်းမြစ်များ

Jobu 11:16

Ne magayo gako gose gowuka mu mahweso gako, gokwihwana mahwazi ge malenga gono gapulutaga hamba kukumbucilwa kanyhi yaye.

Wutuluce 37:3

Yakalinozeza kanyhi ne zinyamwidole yine za zahabu zo kulidinghulila, yakaziwicila monga monga mu zinhuzi zalyo.

Isaya 1:18

Alu Muwaha Mulungu yakutya nhavi, “Ale, muze cilongane cizimale. Vyono hamba masutya genyu gawe madunghu ninga ane nomukwemenyi muwe wazelu swee nha seluji. Hamba gawe madunghu kasu, gowa mazelu swee, nho wukunzeje we ngholo nzelu.

Danyeli 11:35

Sunga na wanji wa muli walongola we mahala, nawo wolowulagwa. Na ku soko ya zizo, wanhu wolokwiyeza. Na zizi zolojendelela du, sunga kono wolokuziza mudumo, mu vilo vyono Mulungu yaviwaga.

Danyeli 12:1

Nayo malayika mono yali yavwalile myenda ye bafuta, yakanonjela nene Danyeli, yakatya, “Mwi'pango lyono kolokuziza Mikayeli u mulongola we Wamalayika, mono kawadimaga wanhu wako, baho lyolowa yipago lyo wugaye wuwaha muno. Wugaye wono wukali nejela mu madaha go gose, ku wulawa vyono lyamuliziza likungugo, sunga mu madaha gago. Na kolo likuza lidaha lilyo, i wanhu we nghungugo yako, wono matagwa gawo gandicigwe mu citabu co Mulungu, wose wolopona.

Danyeli 7:16

Nghawa kumubitila yumonga wa muli wono wali wemile baho, nghamulomba yandoloseze zose zo wugubulilwe wuwo. Nayo yakanonjela nhunizo yayo yakatya,

Zakaliya 13:1

“Muwaha Mulungu we Mihanga yakutya, vilo vivyo kolo vyafika, mumvilo wolodigulwa, wuweze wanhu we ndelo ya Dawudi, ne wanhu wa ha Yelusalemi, u wubi wawo hamonga no wuhemba milungu yinji.

Matayo 24:21

Hambi mu vilo vivyo nha vyolowa vyo wugaye wuwaha muno muno, wono wukali si nejela hamba hadodo kuwulawa ku mwamulizo we yinze sunga nalu, hamba si wulejelela lukulu kanyhi.

Maluko 13:19

Hambi mwipango lilyo, nha kolowa no wugazwe wono wukali sinejela ku wulawa vyono u Mulungu yayiwumba yinze sunga nalu, hamba siwulejela kanyhi.

Yohana 16:33

Nimulonjelenyi zizi, ho muwe no mulamu, mu wilunze wenyu na nene. Mononze heya, motuga wugaye, ninga mwisindamice! Ane niwasumile we yinze.”

Metumo ge Watumwa 14:22

Wakawasinyhimika zinhumbula i wejizwa, no kuwasikamya wekalaje mu wihuwilo. Wakawalonjela wakutya, “Yicinojeye ase wose kukolela mu magayo menji, mu winjile mu wutemi wo Mulungu.”

Walumi 5:3

Kanyhi si nhavivyo du, ninga cikusangalala nhavivyo sunga na mu magayo, akuno cimanyile vyono imagayo galetaga wukangalile,

1 Wakolinto 6:11

Nanye wanji muli nyenye vyo mwali, ninga aluno mwahovugwa mu wubi, mukanozwa muwe mwelile, no kusiwanulwa so Mulungu, mukalamulwa no Mulungu, mwi'tagwa lyo Muwaha Yesu Kilisito na ko Muhe wo Mulungu wetu.

2 Watesalonike 1:4

Holeka nase cikwilumbila muli nyenye mu makanisa go Mulungu, cikuwona lukumyo luwaha, vyono mukujendelela mu wihuwilo hamonga no wukangalizi wenyu wa mu wuwingwe, hamonga ne magazo gono mukugatuga.

Wahebelaniya 13:12

Yo soko, nayo Yesu, yagazizwa kunze ye likaya, sunga yakafwa, ho yaweze i wanhu so sakami yakwe mweneco.

Wahebelaniya 9:14

Ninga mu sakami ya Kilisito zitumwaga nghani mbaha kuciza! Vyono mu vilungo vyo Muhe we cibitilila, Kilisito yelavya mweneco ho yawe likumbiko lyono likwilaniciye kuli Mulungu. I sakami yakwe yocikwema i viselinji vyetu mu metumo gono gakuleta u wufwe, ho cimwitumamile u Mulungu u mumi.

1 Petelo 1:19

langa mwakombozwa kwe sakami yo lukumyo ya Kilisito, mono yali yenha nyana ye ngholo yono yisine'lema hamba ma namha.

1 Yohana 1:7

Langa hono cikale mu wuzelu, nha vyono u mwene yali mu wuzelu, baho langa cowa no wumonga sese kwa sese, ne sakami yakwe Yesu Kilisito u Mwanagwe, yocikwema mu wubi wose.

Wugubule 1:5

kanyhi na ku wulawa kuli Yesu Kilisito, u muhomelezi mwihuwilwa, u mulongozi kuzukulwa muli wafu, mono yatemile i watemi we yinze. Mwene yacendile, na so isakami yakwe, yakaciwopola kulawa mu wubi wetu,

Wugubule 12:11

Nawo iwandugu zetu wakamusuma ku so sakami yo Mwana we ngholo, na kwe vilungo vye nghani yono wayiganula, kanyhi wawuwona no wumi wawo si cinji, hamba wafwe.

Wugubule 15:2

Nghawona cinhu cihwanile lilenga nha cilole, lyono lihangahanjile no moto. Nghawawona ne wanhu wa walya nhavivyo, wono walisuma lilimu lilya, hamonga ne cihwani calyo, i lilimu lyono litagwa lyalyo likutambulwa mu nzila ye liwalo lililya. Ne wanhu wawo wali wemile he'lenga lye cilole, akuno wena ne masumbi gono Mulungu yawapela.

Wugubule 17:6

Nghamuwona mucekulu yuyo yagalile i sakami ye wanhu wo Mulungu, ne sakami ye wanhu wono wawulagwa ku soko yo kumuganula Yesu. Nane nali muwona, nghezina wizine wuwaha muno muno.

Wugubule 2:9

Nigamanyile magayo gako, kanyhi sunga no wuciwa wako, ninga imbeka agwe ho wuli mugoli. Kanyhi niwumanyile no wutovulwe wono watovulwa na walya wono wakwiyitya Wayahudi, ninga ho si Wayahudi we mbeka, langa yipuga lye Setani.

Wugubule 22:14

Wo wamoti wawo wono wakuvikanza i vivwalo vyawo, hambi wawo nha wo wowa ne ling'ani yo kulya mana go mubici wo wumi, kanyhi wo wowa ne ling'ani yo kukolela mu milango yalyo, no kwinjila mwi'kaya.

Wugubule 5:9

Nawo wakemba u lwimbo aluno lupya. “Agwe yo gwegwe mono wunojeye wucisole citabu cico, no kubena vinamatizo vyayo. Vyono agwe wakondya kuwulagwa, wukamugulila Mulungu ne sakami yako, wose we zimbeyu zose, we zinonga zose, ne wanhu wose ne zinghungugo zose.

Wugubule 7:9

Hanyuma naza kulanga, nghawona yipuga yiwaha lye wanhu si wakuwala, wanhu we zimbeyu zose, ne zinghungugo zose, na we zinonga zose. Nawo wali wemile he'goda lyo wutemi, na hali Mwana we ngholo, akuno wavwalile vivwalo vizelu, kanyhi webate ne manhambi ge mitende mu mawoko gawo.