Wugubule 7:12 - Luganuzi Luswanu Kuli Wanhu Wose 2002

¹² wakutya, “Heya! I lilumbo no lukumyo, ne mahala, no wulumbe, ne cogopo, ne vilungo no wuwaha, viweze kuli Mulungu wetu cibitilila ne cibitilila! Heya!”

I CILAGANE CIPYA 1991

¹² wakutya, “Heya! I lilumbo no lukumyo, ne mahala, ne wulumbe, ne cogopo, ne vilungo no wuwaha, viweze kuli Mulungu wetu cibitilila ne cibitilila! Heya!”

Wugubule 7:12 ပူးပေါင်းရင်းမြစ်များ

Nehemiya 12:46

Wulawilila mu vilo vyo mutemi Dawudi, no mulongola we wembi Asafu, mu vilo vye katali, i wembi wembaga zinyimbo zo lukumyo na ze lilumbo kuli Mulungu.

Nehemiya 12:8

Walawi awa nawo wono watyatyizye, wali wapejigwe wulajilize wo kwimba zinyimbo zono zelile, ze lilumbo hali Mulungu. Yeshuwa, Binuyi, Kadimiyeli na Shelebiya, Yuda na Mataniya, mono yali yo mulanjilizi mu zinyimbo zo wulumbe hamonga ne wanduguze.

Zabuli 100:4

Mwinjilaje mu milango ye Nyumba yakwe, akuno mukulumba, mwinjilaje mu wikalo wakwe no wulumbe. Mumupelaje lilumbo, no kulikumya litagwa lyakwe.

Zabuli 106:48

Yalumbwe Muwaha Mulungu, Mulungu wa Isilayeli, ku wulawa cibitilila, sunga cibitilila! Ne wanhu wose walonje watye, “Heya!” Yalumbwe Muwaha Mulungu!

Zabuli 107:22

Wamulavizye vilavya hamonga ne lilumbo, wasimulile ze metumo gakwe ko wimbe we nyemo.

Zabuli 116:17

Holeka nane lu, nokulavizya likumbiko lyo wulumbe, kanyhi nowa nghogopile muno muno.

Zabuli 147:7

Ale, mwimbilenyi Muwaha Mulungu, zi nyimbo zo wulumbe, mutowelenyi ndonondo Mulungu wetu!

Zabuli 41:13

Yalumbwe Muwaha Mulungu, u Mulungu we Waisilayeli wulawa cibitilila ne cibitilila! Heya! Heya!

Zabuli 50:14

Lilumbo lyako, liweze lyo likumbiko lyako, kuli Mulungu wumufisilizize wilahe wako, u Mulungu Mono Yalawiliciye Muli Vyose.

Zabuli 72:19

Ilitagwa lyakwe lye nhojo, likumywe cibitilila. No lukumyo lwakwe lumeme mu yinze yose. Heya, heya!

Zabuli 89:52

Muwaha Mulungu yalumbwe cibitilila! Heya! Heya!

Zabuli 95:2

Cinjile kuli mwene ne zinyimbo zo wulumbe, cimusangalalile ne zinyimbo zo lukumyo.

Isaya 51:3

“Nane noyiwonela lusungu Yelusalemi, hamonga na wose wono wekaye mumo mu matongo. Ne yisi yawo hamba yiwe yawa nha nyika, ninga ane noyinoza yiwe busitani, yiwe nhe busitani yono nayihadika ku Adeni. Nayo nyemo hamonga no wusangalale vyowa mumo, hamonga ne zinyimbo zo kunumbiza, ne malumbo ga kuli'ne.

Yelemiya 33:11

mazi ge nyemo, hamonga no wusangalale. Hamonga ne mazi nyemo ge zindigwa ze halusi. Kanyhi kolowahulika wanhu wakwimba lono wakulavya vilavywa vyo wulumbe mu Nyumba yangu. Wolowa kwimba wakutya nhavi, ‘Mulumbenyi Muwaha Mulungu u Mudaha vyose, hambi mwene nha muswanu no lusungu lwakwe lwa cibitilila.’ “Nane noloyimotya yisi yiyi, yiwe nha vyono yali sonje. Vyo nghutya, ane no Muwaha Mulungu.”

Yelemiya 33:9

Naho ha Yelusalemi, holowa wo mwamulizo wo wusangalale, ne cogopo, hamonga no lukumyo ku soko yangu. Ne makungugo gose ga mono'nze, golokwinjilwa no woga no kucicima, kolo gakuzihulika ziswanu zose zono nghuwatendela i wanhu wa Yelusalemi, hamonga no wumoteswe wono nghuliletela likaya.”

Yona 2:9

Ninga ane nokwimbila gwegwe lwimbo lo lukumyo, nokulavizya ne likumbiko, kanyhi nokwituma nha vyono nehuwiza. Hambi mhonelo nha yikulawa kuli Muwaha Mulungu!”

Matayo 6:13

Wulece kucitegula mu wujelwe, Langa wuciponye na yulya u Mubi.’ ” [Hambi u wutemi ne vilungo, no wuwaha nha vyako, sunga ku cibitilila. Heya.]

Walumi 11:36

Hambi i vinhu vyose nha vilawaga kwakwe, na vyose vikawa so vilungo vyakwe, na ku soko yakwe. U lukumyo lweze kuli mwene sunga cibitilila! Heya.

1 Wakolinto 14:16

Na hono wumukumizye u Mulungu mu muhe wako du, alu u munhu mono si yayimanyile nonga yiyo baho mu wihangulize wenyu, ho kosuma nhawule kuvumiza u wulombe wako wo wulumbe, no kutya, “Heya” hono si yakucimanya cono wukulonga?

2 Wakolinto 4:15

Na zizi zose zili ku soko ye cambuzi cenyu nyenye, ho yiwe nha kotya, lihewa lyo Mulungu, likuwaficila wanhu wenji muno muno, nawo ho wasume kulavya lilumbo muno muno ko lukumyo lo Mulungu.

Wakolosayi 2:7

Kanyhi munojeye muhomele milela muli mwene no kwizenga muli mwene kanyhi musikame mu wihuwilo wenyu nha vyono mwejizwa. Muweze ne lilumbo iwaha.

Wakolosayi 3:17

Na zose zono mukwituma, mu wulonje, hamba mu witume, mwitumilaje zose mwitagwa lyo Muwaha Yesu, akuno mukumulumbila u Mulungu Baba muli mwene.

Yuda 1:25

kuli u Mulungu mono yali wene, u Mukombozi wetu, lweze lukumyo, Wuwaha, vilungo, hamonga no wutemi, muli Kilisito Muwaha wetu, kulawa i katali na katali, na lulu hose, na ku cibitilila. Heya.

Wugubule 1:18

Ane yo nene mono nili mumi! Nali fwiye, ninga'lu nili mumi cibitilila ne cibitilila. Nina wulajilize we lifwa sunga na wa mu yinze ye wafu.

Wugubule 19:4

Nawo i wawaha wawalya makumi mejete na wane, hamonga ne viwumbwa vine vyumi, wakagwa hasi, wakamuhemba Mulungu mono yekaye mwigoda lyo wutemi, akuno wakutya, “Heya! Mulungu yalumbwe!”