Wugubule 7:11 - Luganuzi Luswanu Kuli Wanhu Wose 2002

¹¹ Nawo wamalayika wose wakenuka, wakalipilima ligoda lyo wutemi, hamonga na wa walya wanyamhala hamonga na vivilya i viwumbwa vine. Wose wakagwa funama he'goda lyo wutemi, wakamuhemba Mulungu,

I CILAGANE CIPYA 1991

¹¹ Nawo wamalayika wose wakenuka, wakalipilima ligoda lyo wutemi, hamonga na wa walya wawaha hamonga na vi vilya i viwumbwa vine. Wose wakagwa funama heʼgoda lyo wutemi, wakamuhembo Mulungu,

Wugubule 7:11 ပူးပေါင်းရင်းမြစ်များ

Zabuli 45:11

Lanje ta wuswanu wako vyono wukumwendeza mutemi, mwene yo mulume wako, holeka yikunojeye wumuhulice.

Zabuli 97:7

Na wose wono wakuhemba vihwani, wakukozwa cevu, heya, sunga na wose wono wakwikumizya milungu, yono yisina cambuzi, milungu yose nha yimuhembaga Muwaha Mulungu du.

Matayo 4:10

Baho nhondo, Yesu yakamulonjela Setani yakatya, “Bita ko Setani! Hambi nha yandikwe vyono, ‘Komuhemba Muwaha u Mulungu wako, nagwe komwitumamila u mweneco yali wene du.’ ”

Yohana 5:23

ho wanhu wose wamogope u Mwana, nha vyono wamogopaga u Sogo yo munhu. Mono siyakumogopa Mwana, si yakumogopa no Sogo yo munhu mono yamutuma.

Wahebelaniya 1:6

Ninga u Mulungu lono yamutumila kononze u Mwanagwe mulelwa mulongozi, yatya nhavi, “Ne wamalayika wose wo Mulungu, yiwanojeye wamuhembe.”

Wugubule 11:16

Nawo i wawaha wa walya makumi mejete na wane, wono wali wekaye hali Mulungu, mu magoda gawo go wutemi, wakagwa funama, wakamuhemba Mulungu, wakutya,

Wugubule 15:4

Go Muwaha, alo nani'mbi mono si yakogopile gwegwe? Hamba nani'mbi mono si yakulikumya ilitagwa lyako? Agwe yo gwegwe mono welile du wuli wene. Ne makungugo gose gokuza kwako ho gakuhembe, hambi i metumo gako, nha gali ling'ani kanyhi gejeye ne wanhu wose.”

Wugubule 22:9

Ninga mwene malayika yakanonjela yakutya, “Lece noza nhavivyo. Ane nane nha nili mwitumami muyago du, hamonga ne wanduguzo i wawizi, na wose wono wakugakamisa i malajilizo gono gali mu citabu cicino. Muhembaje Mulungu!”

Wugubule 4:10

awalya i wawaha makumi mejete na wane, nawo wakagwa ha mwande ya yuyo mono yekaye mwi'goda lyo wutemi no kumuhemba yuyo mono kekalaga cibitilila ne cibitilila, nawo wakuyiwika mikumbo yawo ha mwande ye ligoda lyo wutemi akuno wakutya,

Wugubule 4:4

Hakawa hogali magoda makumi mejete na mane gono gali galipilime ligoda lyo wutemi, na mu magoda gago, wali wekaye wawaha makumi mejete na wane, nawo wali wavwalile vivwalo vizelu, na mu mitwe yawo, wali wavwalile mikumbo ya zahabu.

Wugubule 4:6

Na ha mwande ye ligoda lyo wutemi, hali ho cili cinhu cinji cono cihwanile malenga ga cilole, ne malenga gago gakawa gakung'alala kotye'bwe lyono likung'alala muno muno. Na mu mbavu zose ze ligoda lilyo lyo wutemi, mu wupilime walyo, kwali kovili viwumbwa vine vyumi. Ne viwumbwa vivyo vikawa vimemile meso, ku mwande na ku nyuma.

Wugubule 4:8

Ne viwumbwa vivyo vyose vyono vine, vyali vina mabawa mutandatu mutandatu, kanyhi vyali vimemile meso, mugati na mudeha. Navyo vikalaga vikwimba hamba kuceha cilo ne misi, vikutya, “Welile, welile, welile, yo Muwaha Mulungu u Mudaha vyose mono yali, mono hoyuli, na mono yakuza.”