Wugubule 6:9 - Luganuzi Luswanu Kuli Wanhu Wose 2002

⁹ Hanyuma kanyhi u Mwana we ngholo yakacinamatula i cinamatizo ce hano. Ale, hasi ye cikumbicilo co kufusiza wuvumba, nghawona awalya wono wawulagwa ku soko ye nghani yo Mulungu, na ku soko yo kuyiganula.

I CILAGANE CIPYA 1991

⁹ Hanyuma kanyhi u Mwana we ngholo yakacinamatula i cinamatizo ce hano. Ale hasi ye cikumbicilo co kufusiza wuvumba, nghawona awalya wono wawulagwa ku soko ye nghani yo Mulungu, na ku soko yo kuyiganula.

Wugubule 6:9 ပူးပေါင်းရင်းမြစ်များ

Mwamulizo 4:10

Nayo u Mulungu yakamutya Kayini, “Alu nghanici yiyi yono wuyinozize? Hambi isakami yo mwanakwenyu Habeli, nha yikundilila wulawa mu muhangha.

Wutuluce 29:12

Wuwe kusola sakami ndodo no kuyibaka mu zinhuzi ze cikumbicilo kwe cidole cako, ne sakami yose yono yosigala, wuyimwagaje baho hasi ye cikumbicilo.

Walawi 4:7

Hanyuma yuyo mukohani yasole sakami yinji kanyhi, yayitajile mu mahembe ge cikumbicilo, mu zinhuzi zose ze cikumbicilo co kufusiza wuvumba mumo mugati ye Lihema. Ne sakami yono yowa yikali yisigaye, yayite hasi ha cikumbicilo ce vilavywa vinyanywe cono cili hanze yo mulango we Lihema lyono lyelile.

Yohana 16:2

Wanhu wolowa kumuwinjenyi mu matang'anilo gawo go wuhembelo. Kanyhi icidaha cikuza cono, muli wose mono kolomuwulajenyi anye, kowona nha yakumwitumamila u Mulungu.

2 Wakolinto 5:8

Ninga hamba nhavivyo, cikamile du. Kanyhi cali cende cihame mu wikalo wuwuno wa mu muwili no kuhamila kuli Muwaha.

Wafilipi 1:23

Ninga ha mwande yangu ho zili nghani nyejete. Nghusulumila kuwuka mu wumi wuwu, ho nghekale hamonga na Kilisito, hambi nha yo nghani swanu muno,

Wafilipi 2:17

Ninga hamba ndavywe hamonga no wihuwilo wenyu wono lye kumbiko kuli Mulungu, hodu nosecelela muno kanyhi nosangalalana na nyenye wose mu nyemo yiyo.

2 Timoteyo 1:8

Ale, holeka wulece kuwona cevu kumuhomelela u Muwaha wetu Yesu, hamba wulece kuwona cevu ku soko yangu nene no mufungwa, mono funjigwe ku soko yakwe, Yesu. Ninga wuhanje magazo ku soko yo Luganuzi Luswanu, mu nghango ye vilungo vyono Mulungu yakukupela.

2 Timoteyo 4:6

Ninga ane ku lubavu lwangu, niwikanize du, ku wulavywa niwe yikumbiko, ne lidaha lyo wufwe wangu nha lyasejelela.

Wahebelaniya 12:23

Mwaficila ku wutang'ano wuwaha we walelwa iwalongozi wo Mulungu, wono matagwa gawo gandicigwe ku wulanga. Mwimile hali Mulungu u muling'anizi wa wose, na hamwande ye myuhe ye wanhu we ling'ani wono wanozwa wakwilaniciye.

Wugubule 1:2

nayo Yohana yakazilonga zose zono yaziwona. Awuno wo wuhomelezi wakwe kuli ze nghani yo Mulungu, ne mbeka yono yagubulwa na Yesu Kilisito.

Wugubule 1:9

Ane yo nene Yohana u ndugu yenyu, na mu wilunza na Kilisito, nghuhanga hamonga nanye mu wukangalila magayo gono gakuwagana wose wono wali mu wutemi wakwe. Ane nawikwa mu cizingwa ca Patimo, ku soko yo kuyiganula nghani yo Mulungu ne mbeka ya Yesu.

Wugubule 14:18

Yakaza malayika yunji nayo, yakulawa mu cikumbicilo, mono yo mulanjilizi muwaha wo moto. Nayo yakamulonjela kwe'zi 'waha yu yulya mono yene hengo nghali muno, yakumutya, “Ale, nagwe wubite wukayitumamile yiyo hengo yako inghali muno, wukadudule mavunda ge zabibu ye yinze, hambi zizabibu zayo nha zakondya kupya!”

Wugubule 16:7

Hanyuma nghahulika lizi kulawa mu cikumbicilo, likutya, “Heya go Mulungu u Mudaha vyose, i ning'aniza yako yo ye mbeka kanyhi ye ling'ani.”

Wugubule 19:10

Ale, nane nghagwa hasi funama ha magulu gakwe, nghuhila nimuhembe. Ninga mwene yakanonjela yakutya, “Leka! Ane nane nili mwitumami du nha gwegwe, hamonga ne wanduguzo, ase wose mono ciyikamisaga i mbeka yiyilya yono Yesu yayigubula. Muhembo Mulungu!” Hambi i mbeka yono Yesu yayigubula, nha yo yikuwamulicila wawizi.

Wugubule 2:13

Manyile kono wikaye. Agwe wikaye ku wikalo wuwaha wa Setani! Ninga hamba nhavivyo, wukali wibatiliye litagwa lyangu, hamba si wakana u wihuwilo wako wa kuli'ne, sunga na mu vilo vya Antipa, muhomelezi wangu mwihuwilwa, lono yawulajilwa i hanhu hono kekalaga Setani.

Wugubule 20:4

Nghawona magoda ge citemi hamonga ne wanhu wono wali wagekaliye. I wanhu wawo, wakapegwa vilungo vyo kuling'aniza. Nghawona kanyhi ne zinhumbula za wono wadumulwa mitwe yawo ku soko yo kumuganula Yesu, na ku soko yo kuyiganula nghani yo Mulungu. Wawano wo wawo wono si walihemba lilimu lililya hamonga ne cihwani calyo, kanyhi hamba si wawicilwa citanjilo mu mahanda go wusu wawo, hamba mu miwoko yawo. Wakawumipa kanyhi, no kutema hamonga na Kilisito myaka elufu monga.

Wugubule 8:3

Na malayika yunji yakaza, akuno yadinghuye cifusizo ca zahabu mu muwoko wakwe, nayo yakema ha cikumbicilo co kufusiza wuvumba. Nayo yakapegwa wuvumba winji ho yawulavye cilavywa hamonga ne malombo ge wanhu wose wo Mulungu, ho yagalavizye mu cikumbicilo ce zahabu cono cili he'goda lyo wutemi.

Wugubule 9:13

Hanyuma nayo malayika wo mutandatu, yakayitowa ndulele yakwe. Nane nghalihulika yizi linji likulawilila mu zimbavu yine zo wukumbicilo we zahabu, wono wali wuli hali Mulungu.