Wugubule 6:2 - Luganuzi Luswanu Kuli Wanhu Wose 2002

² Nane nali neza kulanga, nghawona kumbe baho hoyili fwalasi monga nzelu. Na mono yali yali mucanyha yayo, yali yena wupinde, kanyhi yakapegwa no mukumbo. Nayo yakawuka baho nha mono yakondya kusuma, ho yajendelele kusuma.

I CILAGANE CIPYA 1991

² Nane naza kulanga, nghawona kumbe baho hoyili fwalasi monga nzelu. Na mono yali yali mucanyha yayo, yali yena wupinde, kanyhi yakapegwa no mukumbo. Nayo yakawuka baho nha mono yakondya kusuma, ho yajendelele kusuma.

Wugubule 6:2 ပူးပေါင်းရင်းမြစ်များ

Zabuli 110:2

Hambi Muwaha Mulungu nha kotandaza, vilungo vyako wulawilila ku Sayuni, yakutya, “Ale wuwatemaje walugu wako!”

Zabuli 76:7

Agwe go Mulungu, mbeka wuli wa kogofya muno, alu nani kanyhi 'mbi, mono kosuma kukangalila hono wuwe wakolwa likuwo?

Zabuli 98:1

Mumwimbile Muwaha Mulungu lwimbo lupya, hambi nha ketuma nghani zo wizine! Nayo ketujila wusume, so vilungo no wuwaha wakwe vyono vyelile.

Isaya 25:8

Muwaha Mulungu kololiwusiza lukulu lifwa cibitilila! Kanyhi kolopatila lukulu mahozi mu meso ge wanhu wose, no kuwawusiza cevu wanhu wakwe, cono wali wakondya kukozwa mu yinze yose. Muwaha Mulungu mweneco yo yazilonga zizi!

Zakaliya 1:8

Nghamuwona malayika wo Muwaha Mulungu, yali yali mucanyha ye fwalasi ndunghu, yali yemile behi ne mibici ye mihadasi mwi'lolo. Mu nyuma yakwe hali hozili fwalasi zinji ze liwala lidunghu, na ze liwala lye 'hali ne zinzelu.

Matayo 28:18

Nayo Yesu yakaza sunga behi nawo, yakawatya, “Ane mhegwa u wulajilize wose, wa ku wulanga, sunga na wa kono'nze.

1 Wakolinto 15:25

Hambi Kilisito nha si koleka kutema, sunga u Mulungu kolo yakondya kuwasuma i walugu wakwe, no kuwawika hasi ye magulu gakwe.

Wugubule 11:15

Hanyuma, nayo malayika wo mupunghati yakayitowa ndulele yakwe. Ne mazi mawaha gakahulikwa ku wulanga gakutya, “Alu u wutemi wa mononze, weza wo Muwaha wetu na Kilisito wakwe. Nayo kotema cibitilila ne cibitilila.”

Wugubule 11:18

Wanhu wono si wamumanyile Mulungu wakakolwa likuwo, vyono lidaha lye likuwo lyako lyakondya kuza, lyo kuwaling'aniza i wafu. Naco co cipango co kuwapelela ligawo lyawo wetumami wako wawizi wanhu wako, na wose wono walikumyaga, litagwa lyako, wawaha ne wadodo. Kanyhi co cipango co kuwongomeza wono wakuyongomeza yinze.”

Wugubule 14:14

Nane naza langa, kumbe baho hakawa ne 'vunde yizelu. Na mucanyha ye livunde lilyo mwali mocili ciwumbwa cono cali cihwanile munhu. Yali yavwalile mukumbo wa zahabu mu mutwe wakwe akuno yebate ne hengo nghali mu muwoko wakwe.

Wugubule 15:2

Nghawona cinhu cihwanile lilenga nha cilole, lyono lihangahanjile no moto. Nghawawona ne wanhu wa walya nhavivyo, wono walisuma lilimu lilya, hamonga ne cihwani calyo, i lilimu lyono litagwa lyalyo likutambulwa mu nzila ye liwalo lililya. Ne wanhu wawo wali wemile he'lenga lye cilole, akuno wena ne masumbi gono Mulungu yawapela.

Wugubule 17:14

Nawo wokwihoma no Mwana we ngholo, ningo Mwana we ngholo, hamonga na wawala wono yawacema, kanyhi yakawahagula, i wanhu wehuwilwa, kowasuma wawo, vyono u mwene yo Muwaha we wawaha, kanyhi yo Mutemi we watemi.”

Wugubule 19:14

Ne mapuga ga wa ku wulanga, gakamutyatya akuno wali mucanyha ye zifwalasi zinzelu, nawo wali wavwalile vivwalo vye bafuta nzelu, kanyhi yelile muno.

Wugubule 3:21

“Wono wosuma, wawo nowekaza hamonga nane mwi'goda lyangu lyo wutemi nha vyono ane no mweneco nasuma, nghawa kwikalana hamonga na Baba mwigoda lyakwe lyo wutemi.

Wugubule 9:7

I zinzije zizo ku wulangwe, zali zinha zifwalasi zono ziwikanizwe so wulugu. Na mu mitwe yazo, zali zina mikumbo yinha kotya ya zahabu, no wusu wazo, wali wihwanile nha wusu we wanhu.