Wugubule 5:6 - Luganuzi Luswanu Kuli Wanhu Wose 2002

⁶ Hanyuma nghawona u Mwana we ngholo yemile haciligati ye ligoda lyo wutemi, yapilimwe mbavu zose na vivilya viwumbwa vyumi, hamonga na wawalya wawaha. Na yuyo Mwana we ngholo yakawa kwijela nha muwulagwe. Yali yena mahembe mupunghati, ne meso mupunghati, nayo yo myuhe mupunghati yo Mulungu, i myuhe yono yali yategulwa hanhu hose mono'nze yose.

I CILAGANE CIPYA 1991

⁶ Hanyuma nghawona u Mwana we ngholo yemile haciligati ye ligoda lyo wutemi, yapilimwe mbavu zose na vivilya viwumbwa vyumi, hamonga na wawalya wawaha. Na yuyo Mwana we ngholo yakawa kwijela nha muwulagwe. Yali yena mahembe mupunghati, ne meso mupunghati, nayo yo myuhe mupunghati yo Mulungu, i myuhe yono yali yategulwa hanhu hose mononze yose.

Wugubule 5:6 ပူးပေါင်းရင်းမြစ်များ

2 Zinghomo 16:9

Ninga wumanye nha vyono, Muwaha Mulungu kayilangaga yinze yose, ho yawapele vilungo wose wono wamogopile mwene. Ninga agwe kunoza wulele. Holeka ku soko yiyo agwe ku wulawa lulu, kokwikalila milewo du.”

Danyeli 7:14

Yakawa kupegwa vilungo ne lilumbo, hamonga no wutemi, i wanhu wose we zinghungugo zose, na we zimbeyu zose, na we milonjele yose, ho wamwitumamile mwene. Ne vilungo vyakwe vyokwikala cibitilila, no wutemi wakwe si wuladuma yaye.

Danyeli 8:3

Na lono nali nili baho he kolongo lya Ulayi, nghawona nduwilu yono yina mahembe matali muno mejete. Na muli mahembe gago, limonga lyali yitali si nhe liyagwe, kanyhi lyali yipya, lyono lyacindika lono liyagwe lyali lyakondya kucindika.

Mika 4:13

Muwaha Mulungu yakutya, “Anye nyo wanhu wa Yelusalemi, ale, mubite mukawalipicize walugu wenyu, nane nomunozenyi muwe ne vilungo nhe nghambaku, yono yina mahembe ga cuma ne mabangho ga shaba. Nanye mogahoma makungugo menji no kugasumiza, ne sawo yawo yose yono wayituga kwe vilungo, ayo mondavizya nene, ane no Muwaha Mulungu we yinze yose.”

Habakuki 3:4

Kazaga hamonga no wuzelu we limuli, no wuzelu wubulilaga ku wulawa mu muwoko wakwe, baho ho vihundikwe vilungo vyakwe.

Zakaliya 3:9

Nane nghuwika ha mwande ya Yoshuwa yibwe limonga, lyono lina wusu wuli mupunghati. Nokakata mandiko mucanyha yalyo, na mwi'zuwa limonga, nolowusiza lukulu u wubi wa mu yisi yiyi.

Zakaliya 4:10

Aluno wakukalala lono wakuwona luzengo lukubita luli mhola mhola. Ninga luno wowona vyono zelubabeli yakulujendeleza luzengo lwe Nyumba yo Mulungu, nawo wosangalala muno muno.” Malayika yakamhitula yakatya, “Zitala mupunghati, go meso mupunghati go Muwaha Mulungu gono gakusuma kuyiwona yinze yose.”

Wuwale 7:39

Nzeku monga, nduwilu monga, nyana ya ngholo nume monga ya mwaka monga, so cilavywa cinyanye.

Wuwale 7:57

Nzeka monga nduwilu monga, nyana ya ngholo nume, monga ya mwaka monga, so cilavywa cinyanywe.

Luka 1:69

Kacipela Mukombozi we vilungo mu mhuga ya Dawudi u mwitumami wakwe.

Yohana 1:29

I mitondo yaco, Yohana yakamuwona Yesu yakumuziza, yakatya, “Mulanje, ayu Mwana Ngholo wo Mulungu, mono yakuwusa, wubi we yinze!

Yohana 1:36

Yaza kumuwona Yesu yakukola, yakatya, “Mulanje ayu Mwana Ngholo wo Mulungu!”

Metumo ge Watumwa 8:32

Ale, ihanhu hono yasomaga mu Mandiko Gono Gelile, hali aha, “Yategulwa nha ngholo ku wuwulagwe. Na kotya nyana ye ngholo hali wono wakuyicenyenha wukunzeje wayo, yene yinyamaye. Nha vivyo nayo siyenula mulomo wakwe.

Wugubule 1:4

Ane yo nene Yohana mono nghugandicila makanisa mupunghati, gono gali mu yisi ya Asiya. Ilihewa no mulamu vyeze kuli'nye ku wulawa kuli mwene mono hoyuli, mono yali ho yali, kanyhi mono yakuza, na kanyhi ku wulawa kuli i myuhe mupunghati yono yikalaga he'goda lyakwe lyo lukumyo,

Wugubule 12:11

Nawo iwandugu zetu wakamusuma ku so sakami yo Mwana we ngholo, na kwe vilungo vye nghani yono wayiganula, kanyhi wawuwona no wumi wawo si cinji, hamba wafwe.

Wugubule 13:8

Na wose wono wekaye mono'nze wolihemba, ninga awalya wono matagwa gawo mandikwe mu citabu co wumi co Mwana we ngholo, mono yawulagwa ku wulawo mwamulizo we yinze, wawo langa si wolihemba yaye.

Wugubule 14:1

Hanyuma nghawona ilitunda lya Sayuni, no Mwana we ngholo yemile mucanyha ye litunda lilyo, hali howali ne wanhu yigana limonga na makumi mane na yine elufu, wono wali wemile hamonga nayo, wono wali wandikwe mu wusu wawo, litagwa lyo Mwana we ngholo hamonga ne litagwa lyo Sogwe.

Wugubule 17:14

Nawo wokwihoma no Mwana we ngholo, ningo Mwana we ngholo, hamonga na wawala wono yawacema, kanyhi yakawahagula, i wanhu wehuwilwa, kowasuma wawo, vyono u mwene yo Muwaha we wawaha, kanyhi yo Mutemi we watemi.”

Wugubule 21:22

Hamba si nawona wuhembelo mwikaya lilyo, hambi u Muwaha Mulungu, u Mudaha vyose, hamonga na yuyulya u Mwana we ngholo, nha wo wuhembelo walyo.

Wugubule 21:23

Ne likaya lilyo si likusaka izuwa, hamba mwezi, vilimulicile, hambi u lukumyo lo Mulungu nha lolukuwa kulimulicila, ne zitala zalyo, yo yuyo u Mwana we ngholo.

Wugubule 22:1

Hanyuma kanyhi malayika yakandajila i likolongo lye malenga go wumi gono gakung'alala nha cilole, gakulawilila he'goda lyo wutemi lyo Mulungu, hamonga no Mwana we ngholo.

Wugubule 22:3

Na hasina hamba cinji co cose cono cilijitwe no Mulungu, cono cosuma kuwa mwikaya lilyo. Ligoda lyo wutemi lyo Mulungu na lyo Mwana we ngholo, lyo lyowa mwikaya lilyo, ne wetumami wakwe womuhemba.

Wugubule 4:8

Ne viwumbwa vivyo vyose vyono vine, vyali vina mabawa mutandatu mutandatu, kanyhi vyali vimemile meso, mugati na mudeha. Navyo vikalaga vikwimba hamba kuceha cilo ne misi, vikutya, “Welile, welile, welile, yo Muwaha Mulungu u Mudaha vyose mono yali, mono hoyuli, na mono yakuza.”

Wugubule 5:11

Hanyuma nghalanga, nghahulika lizi lya wamalayika wenji muno wono si wakuwala, maelufu na maelufu. Wali wekaye walipilime ligoda lyo wutemi, navyo viwumbwa vine vyumi, hamonga na walye wawaha,

Wugubule 5:12

wakalonga wenuye mazi gawo wakutya, “U Mwana we ngholo mono yawulagwe, yo yanojeye yabocele vilungo, wugoli, mahala, wusume, lukumyo ne lilumbo.”

Wugubule 5:13

Nghavihulika viwumbwa vyose vya ku wulanga na vya mono'nze, na vya kusi ye yinze, sunga na vya mu malenga, viwumbwa vyose du vya mono'nze, vikutya, “Kuli mwene mono yekaye mwigoda lyo wutemi, na kuli Mwana we ngholo, viweze wumoti, ne lilumbo, no lukumyo, no wuwaha cibitilila ne cibitilila!”

Wugubule 5:14

Na vilya viwumbwa vine vyumi, vikatya, “Heya vyo yiweze.” Na awalya wawaha wakagwa funama wakamuhemba.

Wugubule 6:16

Wakawa kugalonjela matunda na gago mabwe mawaha muno muno wakutya, “Ale, cigwilenyi si, mucihundicize ha yuyo mono yekaye mwigoda lyo wutemi, kanyhi ho ciwe kutali ne likuwo lyo Mwana we ngholo!

1 Samwili 2:10

Nawo wono wesumanizaga no Muwaha Mulungu wokongomezwa, hambi nha kowatowa ne limuli lya ku wulanga, Muwaha Mulungu koyiling'aniza yinze yose, no komupela mutemi wakwe vilungo, komupela wusume u mutemi wakwe muhagulwa.”