Wugubule 4:9 - Luganuzi Luswanu Kuli Wanhu Wose 2002

⁹ Na lono viwumbwa vivilya vine vyembaga zinyimbo zo kumukumya, na ze cogopo, hamonga no kumulumba yuyo mono yekaye mwi'goda lyo wutemi, mono kekalaga cibitilila ne cibitilila,

I CILAGANE CIPYA 1991

⁹ Na lono viwumbwa vi vilya vine vyembaga zinyimbo zo kumukumya, na ze cogopo, hamonga no kumulumba yuyo mono yekaye mwigoda lyo wutemi, mono kekalaga cibitilila ne cibitilila,

Wugubule 4:9 ပူးပေါင်းရင်းမြစ်များ

Zabuli 47:8

Mulungu yatemile makungugo gose nayo yekaye, mwi'goda lyakwe lyo wutemi lyono lyelile.

Zabuli 48:14

“Ayu yo Mulungu, Mulungu wetu cibitilila! Nayo kowa mutonji wetu sunga cibitilila!”

Wutuluce 15:18

Gwegwe, agwe go Muwaha Mulungu kotema cibitilila ne cibitilila.”

Isaya 6:1

Mu mwaka, lono yafwila mutemi Uziya, ane nghamuwona Muwaha Mulungu, yali yekaye mwi'goda lyakwe lyo Wuwaha lya mucanyha, yali yali mwi'lumbo no lukumyo. Ne vivwalo vyakwe vyo wutemi, vyali, vitandaye hose mu Nyumba yo Mulungu.

Danyeli 12:7

Nayo malayika yuyo, yakenula miwoko yakwe yose ku wulanga, yakelahiza mwi'agwa lyo Mulungu, mono kekalaga cibitilila. Nane nghamuhulika yakutya, “Yowa myaka midatu na nusu. Na kolo wugazwe we wanhu wo Mulungu wapuluta, baho na zizi zose zolowa zakondya kwijela.”

Danyeli 4:34

Mutemi yakatya, “Na lono myaka mupunghati yali yakondya kupuluta, nghenula meso gangu kucanyha, ne mahala gangu gakambuyila kanyhi, nghamulumba Mulungu Mono Yalawiliciye, nghamupela lilumbo no lukumyo mwene mono kekalaga cibitilila. “Mwene kolotema cibitilila. No wutemi wakwe hamba siwuladuma yaye.

Wukumbucize wo Wulajilize 32:40

Na mbeka vyono yo nene Mulungu mumi, nghunyasula muwoko wangu, nghwilahiza,

Wahebelaniya 7:25

Holeka u mwene, yadahile nhondo zose kuwaponezya lukulu wose wono wakumubitila u Mulungu muli mwene, hambi u mwene nha kekalaga cibitilila yakuwalombela hali Mulungu.

Wahebelaniya 7:8

Kanyhi na wawo i wakohani wono wakubocela lilyo lipinga lye likumi, nha wanhu wono wafwizaga, ninga ahano mono yakubocela lye likumi, nha cinji Melicizedeki, yikulongwa vyono si kafwizaga.

Wugubule 1:18

Ane yo nene mono nili mumi! Nali fwiye, ninga'lu nili mumi cibitilila ne cibitilila. Nina wulajilize we lifwa sunga na wa mu yinze ye wafu.

Wugubule 10:6

yakelahiza mwi'tagwa lyo Mulungu mono kekalaga cibitilila ne cibitilila, u Mulungu mono yawumba wulanga ne vinhu vyose vyono vili mumo, sunga ne yinze na vyose vyono vili mumo, ne lilenga na vyose vyono vili mumo. Malayika yakatya, “I cipango co wulindila muno, alu camalika!

Wugubule 15:7

Hanyuma ciwumbwa cinji ciyagwe ne viwumbwa vivilya vine vyumi, cikawapela wawalya wamalayika mupunghati, mabakuli ga zahabu gono gamemile likuwo lyo Mulungu, mono kekalaga cibitilila ne cibitilila.

Wugubule 21:5

Ayulya mono yali yekaye mwigoda lyo wutemi, nayo yakatya, “Lanje ta! Ane nghuzinoza zose ziwe 'mhya.” Yakanonjela kanyhi yakutya, “Yandikaje yiyi, hambi i zinghani zizino nha zo huwilwa, kanyhi za mbeka!”

Wugubule 4:2

Ho baho baho du nghawa mu Muhe. Kumbe kuko ku wulanga holili yigoda lyo wutemi, na mucanyha yalyo, yali yekaye yunji.

Wugubule 4:8

Ne viwumbwa vivyo vyose vyono vine, vyali vina mabawa mutandatu mutandatu, kanyhi vyali vimemile meso, mugati na mudeha. Navyo vikalaga vikwimba hamba kuceha cilo ne misi, vikutya, “Welile, welile, welile, yo Muwaha Mulungu u Mudaha vyose mono yali, mono hoyuli, na mono yakuza.”

Wugubule 5:1

Hanyuma nghawona citabu mu muwoko wo kulume wa yuyo mono yali yekaye mwigoda lyo wutemi, ne citabu cico, cali candice mugati na kunze yayo, naco cali ciwopwe ne vinamatizo mupunghati.

Wugubule 6:16

Wakawa kugalonjela matunda na gago mabwe mawaha muno muno wakutya, “Ale, cigwilenyi si, mucihundicize ha yuyo mono yekaye mwigoda lyo wutemi, kanyhi ho ciwe kutali ne likuwo lyo Mwana we ngholo!

Wugubule 7:15

Holeka wukuwawona wali he'goda lyo wutemi lyo Mulungu. Nawo wamwitumamilaga u Mulungu mu wuhembelo wakwe, misi ne cilo, nayo mono yekaye mwi'goda lyo wutemi, kokoma lihema lyakwe muli wene ho yawadime.