Wugubule 4:5 - Luganuzi Luswanu Kuli Wanhu Wose 2002

⁵ I mamuli, ne lizi, hamonga ne madidimo mawaha, vyalawaga baho he'goda lyo wutemi. Sunga ne zitala mupunghati zo moto, nazo zakaga baho he'goda lyo wutemi. Ne zitala zizo, yo myuhe mupunghati yo Mulungu.

I CILAGANE CIPYA 1991

⁵ I mamuli ne lizi hamonga ne madidimo mawaha, vyalawaga baho heʼgoda lyo wutemi. Sunga ne zitala mupunghati zo moto, nazo zakaga baho heʼgoda lyo wutemi. Ne zitala zizo, yo myuhe mupunghati yo Mulungu.

Wugubule 4:5 ပူးပေါင်းရင်းမြစ်များ

Mwamulizo 15:7

U Muwaha Mulungu yakamulonjela Abulamu, yakatya, “Ane yo nene Muwaha Mulungu mono nakuleta bahano ku wulawa ku Uli, likaya lye Wakalidayo, ho nghupele yisi yiyi yiwe yako.”

2 Zinghomo 4:20

Hamonga no wuwiko we zitala, ne zitala zono zali nozwe ne zahabu nengu lwe, ziwe kwaka ku mwande ye Hanhu Hono Helile, Helile muno, nha vyono zategwa.

Zabuli 68:35

Mulungu yo we cogofyo muno, i hanhu hakwe hono helile, heya, mwene yo Mulungu wa Isilayeli! Nayo kawapelaga wanhu wakwe vilungo no wuwaha. Mulungu yalumbwe!

Wutuluce 19:16

Ale, wali weza kwela mwizuwa lye kadatu hakali mitondo, likaza livunde yizito hacanyha ye litunda, hamonga ne mabalalusi ne mamuli. Kanyhi likahulikwa lizi yiwaha lya ndulele, lyono lizozize muno muno, no wuzoze wayo, wukawogofya wanhu wose wa mu nghambi, sunga wose wakacicima muno.

Wutuluce 20:18

Nawo Waisilayeli wali weza kulihulika libalalusi, no kugawona ne mamuli gakoleye, hamonga ne lizi yiwaha lye ndulele mumo mwi'tunda mucanyha, sunga ne lyosi lyono lyafunghaga, hodu wose wakenjilwa no woga, wakawa kucicima muno, ninga wose wali wemile kutali.

Wutuluce 25:37

Kanyhi, wunoze tala mupunghati ku soko yo wuwiko wuwo we zitala. Wuzijelece mucanyha yayo, ho zisume kuleta wuzelu ku mwande yayo.

Wutuluce 37:23

Yakanoza zitala zayo mupunghati, hamonga ne mibato yayo, hamonga ne viwicilo vyayo vya zahabu nengu.

Ezekiyeli 1:13

Na muli viwumbwa vivyo vyumi, mwali mocili cinhu cinji cono cejelaga cihwanile mamuli, cono camulikaga ako na ako. No moto nawo wakaga no kulavya mamuli.

Yoweli 3:16

Muwaha Mulungu yakulonga ne lizi yiwaha ku wulawa mwi'tunda lya Sayuni, ne lizi lyakwe likudidima ku wulawa mu Yelusalemi, sunga ne yisi hamonga no wulanga navyo vikucicima, ninga mwene Muwaha Mulungu yo kowadima.

Zakaliya 4:2

Yakambuza yakutya, “Alu wukuwona cici?” Nane nghamupitula nghamutya, “Nghuwona ciwicilo ce ziala cinozwe na zahabu. Kanyhi mucanyha, mo yili bakuli yono yina mafuta, a mu ciwicila ce zitala, mozili tala mupunghati, zono zina vitajililo vye mafuta mu zitala zizo.

Matayo 25:1

“Lulo baho, u Wutemi wa ku wulanga wolokwihwananizwa ne wahinza yikumi, wono wasola zitala zawo, wakawa kubita kumuhinjiliza bwana halusi.

Matayo 3:11

Ane nghumubaputizizenyi mu malenga, kulajila nha vyono mwanena. Ninga ayulya mono yakuza mu nyuma yangu, yo we vilungo yanyhizize na nene. Nane si nghwiliye hamba kugadinghula ne malatu gakwe. U Mwene komubaputizenyi ko Muhe Mono Yelile no ko moto.

Metumo ge Watumwa 2:3

Hobaho zikawalawila zinimi, zikegawa nha malambi go moto ako na ako, zikawatimila yumonga yumonga.

Wugubule 1:4

Ane yo nene Yohana mono nghugandicila makanisa mupunghati, gono gali mu yisi ya Asiya. Ilihewa no mulamu vyeze kuli'nye ku wulawa kuli mwene mono hoyuli, mono yali ho yali, kanyhi mono yakuza, na kanyhi ku wulawa kuli i myuhe mupunghati yono yikalaga he'goda lyakwe lyo lukumyo,

Wugubule 10:3

Nayo yakawa kucema kwe'zi 'waha muno muno, nha simba yikukoloma. Nayo yali yeza kuzoza muno, mabalalusi mupunghati nago gakabocelela ko mulizo muwaha muno muno.

Wugubule 11:19

I Nyumba yo Mulungu ku wulanga yikadigulwa, ne lisanduku lye cilagane cakwe, likejela mumo mu wuhembelo wakwe. Hanyuma vikawa kuza limuli, ne lizi, mabalalusi, ne matulo ge yisi, hamonga ne mvula mbaha ye mabwe.

Wugubule 3:1

“Kuli malayika we likanisa lya Salidisi wandice nhavi, “ ‘Ayi yo nghani yono yikulawa kuli mwene mono yena myuhe mupunghati yo Mulungu, hamonga ne zinyelezi mupunghati. Nigamanyile i metumo gako gose, manyile vyono wumanyice nha wuli mumi, kumbe ho wufwiye!

Wugubule 5:6

Hanyuma nghawona u Mwana we ngholo yemile haciligati ye ligoda lyo wutemi, yapilimwe mbavu zose na vivilya viwumbwa vyumi, hamonga na wawalya wawaha. Na yuyo Mwana we ngholo yakawa kwijela nha muwulagwe. Yali yena mahembe mupunghati, ne meso mupunghati, nayo yo myuhe mupunghati yo Mulungu, i myuhe yono yali yategulwa hanhu hose mono'nze yose.

Wugubule 8:5

Hanyuma yuyo, yakasola cifusizo, yakacimemya moto wono yawusola mu cikumbicilo, yakacigumila kono'nze. Baho hakawa na mabalalusi, ne mazi, ne mamuli, sunga ne litulo lye yisi.