Wugubule 4:3 - Luganuzi Luswanu Kuli Wanhu Wose 2002

³ Nayo yuyo mono yali yekaye mwi'goda lilyo, ku wulangwe, yali yehwanile alimasi, ne libwe yidunghu yiswanu muno. Kanyhi kwali kolili licilalyambwa lye mvula, lyono likung'alala, na kuwulanje, linha lili dedede, nalyo likawa lipilime ligoda lyo wutemi mbavu zose.

I CILAGANE CIPYA 1991

³ Nayo yuyo mono yali yekaye mwigoda lilyo, ku wulanje, yali yehwanile alimasi ne libwe yidunghu yiswanu muno. Kanyhi kwali kolili icilalyambwa lye mvula, lyono likungʼalala, na kuwulanje, linha lili dedede, nalyo likawa lipilime ligoda lyo wutemi mbavu zose.

Wugubule 4:3 ပူးပေါင်းရင်းမြစ်များ

Wutuluce 24:10

Wakamuwona Mulungu we Waisilayeli. Na hasi ye magulu gakwe, kwali kocili cinhu cono cinha sakafu ya mabwe gono gakung'alala, maswanu kotya wulanga wono wukulengalenga.

Wutuluce 28:18

no mucilili we kejete, weze wa zamalidi, yakuti samawi, na alimasi,

Wutuluce 39:11

No mucilili we kejete nawo, wali wa mabwe ga zumalidi, yakuti samawi, na alimasi.

Isaya 6:1

Mu mwaka, lono yafwila mutemi Uziya, ane nghamuwona Muwaha Mulungu, yali yekaye mwi'goda lyakwe lyo Wuwaha lya mucanyha, yali yali mwi'lumbo no lukumyo. Ne vivwalo vyakwe vyo wutemi, vyali, vitandaye hose mu Nyumba yo Mulungu.

Ezekiyeli 1:26

Na mucanyha yo mwanya wa mu mitwe yavyo, hali na cinhu cono cejelaga nhe 'goda lya nhojo, yinozwe ne vibwe vyo wuguzi wukamu vye liwala lye dedede. Na mwi'goda lilyo lye nhojo, cali cikaye cinji cihwanile futa ya munhu.

Ezekiyeli 1:28

wung'alale we mawala gose gono yali yina, wali wihwanile ne mawala ge licilalyambwa. Na wuwu wali wo wijele we nhojo wono walajilaga nha vyono Muwaha Mulungu yali baho. Nane nali neza kuziwona zizi, nghagwa wugubama. Hanyuma nghahulika lizi lyo Muwaha Mulungu likunonjela likutya,

Ezekiyeli 10:1

Nane nali neza kulanga ha mwanya wono wali wuli hacanyha ye makelubi, nghawona cinhu cinji cono cejelaga cihwanile libwe lye liwala lyo wulanga cejelaga mucanyha yawo, kotya wijele we hwani ye 'goda lye nhojo.

Ezekiyeli 28:13

Hambi nha wekalaga mu Adeni, busitani yo Mulungu, wavwalaga vibwe vye mawala gose vyo wuguzi wukamu, ne yakuti, ne alimasi, ne belulo, na zumaladi, na shohamu, na yashibu, ne yakuti-samawi, na zumaladi ne bahalamani, ne zahabu. Na vyose vivyo, wakunozeza gwegwe mwi'zuwa lyono wawumbilwa.

Wugubule 10:1

Hanyuma kanyhi nghamuwona malayika yunji mono yali vilungo, yakutima ku lawa kuwulanga. Nayo yali muvwikwe yivunde, hamonga ne licilalyambwa lye mvula mu mutwe wakwe. Wusu wakwe wali wihwanile lizuwa, ne migulu yakwe yali yinha masumbili ga moto.

Wugubule 21:11

likung'alala ku so lukumyo lo Mulungu. No wung'alale walyo, wukawa nha wung'alale we'bwe yiwaha lyo wuguzi wukamu, lyono likulengalenga nha cilole.