Wugubule 4:2 - Luganuzi Luswanu Kuli Wanhu Wose 2002

² Ho baho baho du nghawa mu Muhe. Kumbe kuko ku wulanga holili yigoda lyo wutemi, na mucanyha yalyo, yali yekaye yunji.

I CILAGANE CIPYA 1991

² Ho baho baho du nghawa mu Muhe. Kumbe kuko ku wulanga holili yigoda lyo wutemi, na mucanyha yalyo, yali yekaye yunji.

Wugubule 4:2 ပူးပေါင်းရင်းမြစ်များ

1 Watemi 22:19

Nayo Mikaya yakajendelela kulonga yakutya, “Alu Ahabu, wuhulicize zono Muwaha Mulungu yakuzilonga! Nane namuwona Muwaha Mulungu yekaye mwi'goda lyakwe ku wulanga, hamonga ne wamalayika wakwe wamupilime.

Zabuli 11:4

U Muwaha Mulungu, yali mu Nyumba yakwe yono Yelile, ne ligoda lyo wutemi lyo Muwaha Mulungu, lili ku wulanga. Meso gakwe gakuwalanga wanhu wose, nayo yazimanyile zose zono wakwituma.

Isaya 6:1

Mu mwaka, lono yafwila mutemi Uziya, ane nghamuwona Muwaha Mulungu, yali yekaye mwi'goda lyakwe lyo Wuwaha lya mucanyha, yali yali mwi'lumbo no lukumyo. Ne vivwalo vyakwe vyo wutemi, vyali, vitandaye hose mu Nyumba yo Mulungu.

Yelemiya 17:12

Ne Nyumba yo Mulungu wetu, yihwanile ligoda lye nhojo, lyono lyasimywa mucanyha ye litunda ku wulawa na katali.

Ezekiyeli 1:26

Na mucanyha yo mwanya wa mu mitwe yavyo, hali na cinhu cono cejelaga nhe 'goda lya nhojo, yinozwe ne vibwe vyo wuguzi wukamu vye liwala lye dedede. Na mwi'goda lilyo lye nhojo, cali cikaye cinji cihwanile futa ya munhu.

Ezekiyeli 1:28

wung'alale we mawala gose gono yali yina, wali wihwanile ne mawala ge licilalyambwa. Na wuwu wali wo wijele we nhojo wono walajilaga nha vyono Muwaha Mulungu yali baho. Nane nali neza kuziwona zizi, nghagwa wugubama. Hanyuma nghahulika lizi lyo Muwaha Mulungu likunonjela likutya,

Ezekiyeli 10:1

Nane nali neza kulanga ha mwanya wono wali wuli hacanyha ye makelubi, nghawona cinhu cinji cono cejelaga cihwanile libwe lye liwala lyo wulanga cejelaga mucanyha yawo, kotya wijele we hwani ye 'goda lye nhojo.

Danyeli 7:9

Na lono nali nghali nanjile, nghawona magoda go wutemi gakuwikwa hanhu hayo. Na mono kekalaga mumi cibitilila, yakekala mwi'goda limonga lya muli magoda gago. Nayo yali yavwalile myenda mizelu swee, kotya seluji. Ne zimvwili zakwe, zali zinha wukunzeje wa ngholo, wuswanu muno. Ne ligoda lyakwe, lyali yinozezwe maguludumu ga moto, gang'alalaga nha moto.

Matayo 22:43

Nayo Yesu yakawatya, “Alu ho yosumika nhawule, vyono Dawudi, mu vilungo vyo Muhe Mono Yelile, yakumucema yakumutya, mwene ‘Muwaha?’ Nha vyono yatya. [

Wahebelaniya 8:1

Ale ne nghani mbaha yono cikuyilonga nha yoyi: Ase cina u Mukohani Muwaha we nhavivi, mono yali ku wulanga mono yekaye ku muwoko wo kulume we ligoda lyo wuwaha lyo Mulungu u Mudaha vyose.

Wugubule 1:10

Ale, mwizuwa linji, lizuwa lyo Muwaha, nghawa mu Muhe, nghahulika yizi yiwaha mu nyuma yangu linha mulilo we ndulele.

Wugubule 12:5

Nayo mucekulu yuyo yakalela mwana wa cilume, mono kotema muli makungugo gose no kuwadimila nghome ya cuma. Ninga u mwana yuyo, yakasukulwa no kutegulwa kuli Mulungu, kwi'goda lyakwe lyo wutemi.

Wugubule 17:3

Hanyuma nghasolwa no Muhe, yakanhegula sunga ko ku nyika. Na kuko, nghawona mucekulu yekaye mucanyha ye lilimu yidunghu. Ne lilimu lilyo lyali lyandicigwe matagwa ge nhovu hose, mu muwili walyo wose, nalyo lyali lina mitwe mupunghati ne mahembe yikumi.

Wugubule 19:4

Nawo i wawaha wawalya makumi mejete na wane, hamonga ne viwumbwa vine vyumi, wakagwa hasi, wakamuhemba Mulungu mono yekaye mwigoda lyo wutemi, akuno wakutya, “Heya! Mulungu yalumbwe!”

Wugubule 20:11

Hanyuma nghawona ligoda liwaha lyo wutemi, yizelu, na mono yekaye mwi'goda lilyo. I yinze hamonga no wulanga, vikatiza ha mwande yo wusu wakwe, hamba si vyejelela lukulu kanyhi.

Wugubule 21:10

Baho, malayika yakanhegulila mu Muhe ko kwitunda liwaha, kanyhi yitali, yakandajila i likaya lyono lyelile, yo Yelusalemi, nalyo likutima kulawa kuli Mulungu ku wulanga,

Wugubule 21:5

Ayulya mono yali yekaye mwigoda lyo wutemi, nayo yakatya, “Lanje ta! Ane nghuzinoza zose ziwe 'mhya.” Yakanonjela kanyhi yakutya, “Yandikaje yiyi, hambi i zinghani zizino nha zo huwilwa, kanyhi za mbeka!”

Wugubule 3:21

“Wono wosuma, wawo nowekaza hamonga nane mwi'goda lyangu lyo wutemi nha vyono ane no mweneco nasuma, nghawa kwikalana hamonga na Baba mwigoda lyakwe lyo wutemi.

Wugubule 4:10

awalya i wawaha makumi mejete na wane, nawo wakagwa ha mwande ya yuyo mono yekaye mwi'goda lyo wutemi no kumuhemba yuyo mono kekalaga cibitilila ne cibitilila, nawo wakuyiwika mikumbo yawo ha mwande ye ligoda lyo wutemi akuno wakutya,

Wugubule 4:5

I mamuli, ne lizi, hamonga ne madidimo mawaha, vyalawaga baho he'goda lyo wutemi. Sunga ne zitala mupunghati zo moto, nazo zakaga baho he'goda lyo wutemi. Ne zitala zizo, yo myuhe mupunghati yo Mulungu.

Wugubule 4:9

Na lono viwumbwa vivilya vine vyembaga zinyimbo zo kumukumya, na ze cogopo, hamonga no kumulumba yuyo mono yekaye mwi'goda lyo wutemi, mono kekalaga cibitilila ne cibitilila,

Wugubule 5:1

Hanyuma nghawona citabu mu muwoko wo kulume wa yuyo mono yali yekaye mwigoda lyo wutemi, ne citabu cico, cali candice mugati na kunze yayo, naco cali ciwopwe ne vinamatizo mupunghati.

Wugubule 5:13

Nghavihulika viwumbwa vyose vya ku wulanga na vya mono'nze, na vya kusi ye yinze, sunga na vya mu malenga, viwumbwa vyose du vya mono'nze, vikutya, “Kuli mwene mono yekaye mwigoda lyo wutemi, na kuli Mwana we ngholo, viweze wumoti, ne lilumbo, no lukumyo, no wuwaha cibitilila ne cibitilila!”

Wugubule 6:16

Wakawa kugalonjela matunda na gago mabwe mawaha muno muno wakutya, “Ale, cigwilenyi si, mucihundicize ha yuyo mono yekaye mwigoda lyo wutemi, kanyhi ho ciwe kutali ne likuwo lyo Mwana we ngholo!