Wugubule 4:11 - Luganuzi Luswanu Kuli Wanhu Wose 2002

¹¹ “Agwe yo gwegwe go Muwaha nago Mulungu wetu, mono wunojeye lukumyo, ne lilumbo ne vilungo, hambi nha yo gwegwe muwumbi we vinhu vyose, na ku so wuhile wako, vyose vikawa, na vyose vyapegwa wumi no kuwumipa.”

I CILAGANE CIPYA 1991

¹¹ “Agwe yo gwegwe go Muwaha nago Mulungu wetu, mono wunojeye lukumyo, ne lilumbo ne vilungo, hambi nha yo gwegwe muwumbi we vinhu vyose, na ku so wuhile wako, vyose vikawa, na vyose vyapegwa wumi no kuwumipa.”

Wugubule 4:11 ပူးပေါင်းရင်းမြစ်များ

Mwamulizo 1:1

Ku mwamulizo Mulungu yawumba u wulanga ne yinze.

2 Samwili 22:4

Nimulililaga Muwaha Mulungu, nayo kamhonyaga muli walugu wangu. Muwaha Mulungu yalumbwe!

Nehemiya 9:5

Hobaho i Walawi, Yeshuwa, Kadimiyeli, Bani, Hashebeneya, Shelebiya, Hodiya, Shebaniya, na Petahiya, wakawa kuwacemeleza wanhu waze ku wuhembi, wakatya, “Mwime mukamile, mumulumbe Muwaha Mulungu, u Mulungu wenyu, Mumulumbaje cibitilila ne cibitilila! Ale, wose walikumye litagwa lyako lyo lukumyo. Lyono likumucile si nho wulugute wose ne lilumbo lyose.”

Jobu 36:3

Hambi wumanye wangu nha wuficile kutali, holeka nolonga zono manyile ho sume kulajila vyono Mulungu muwumbi wangu yali ling'ani,

Zabuli 18:3

Nane nghumulilila Muwaha Mulungu, mono yanojeye lukumyo, yanhaze, nane nghuponywa kuli walugu wangu.

Zabuli 68:34

Mwanze zo wuwaha wo Mulungu! Lukumyo lwakwe luli muli Isilayeli, lukumyo lwakwe luli mu wulanga.

Wutuluce 20:11

Hambi Muwaha Mulungu, nha yawumba wulanga ne yinze, hamonga ne lilenga na vyose vyono vili mugati, kwa vilo mutandatu. Na mwi'zuwa lyo mupunghati yakawa kuceha. Holeka Muwaha Mulungu yakalilugutiza lizuwa lyo mupunghati yakalyeza.

Zimbazi 16:4

U Muwaha Mulungu, yaviwumba vinhu vyose ko wuhile wakwe mweneco. Ninga wuhile we wabi, wobedyanjizwa.

Isaya 40:26

Ale ta, wugalamile wulanje ku wulanga! Mono yaziwumba zinyelezi zizo zono wukuziwona, nani lo? Mono yaziwumba, yo yuyo kanyhi mono yakuwa kuzitonga, nhe wasilikale wo wulugu. Kanyhi mwene yazimanyile ne liwalo lyazo zose, kazicemaga nyelezi ne'tagwa lyayo! Mwene yali vilungo muno, holeka hasina nyelezi hamba monga yono yajiliye!

Isaya 40:28

Alu mwene anye si mumanyile? Hamba mukali nahulika? Hambi Muwaha Mulungu, nha yo Mulungu we cibitilila, kanyhi yo yayiwumba yinze yose. Mwene si kakatalaga, hamba kudobanya yaye. Hasina munhu mono kosuma kugamanya mahala gakwe.

Yelemiya 10:11

(Holeka anye nyo wanhu, munojeye muwalonjele we makungugo, vyono i milungu yiyo yono yeneco si yayiwumba yinze, hamba wulanga, yokongomezwa yose. Hamba si yolokwijela kanyhi hanhu ho hose mono yinze.)

Yelemiya 32:17

“Gwe go Muwaha Mulungu, hambi nha yo gwegwe du mono wawumba wulanga ne yinze, kwe vilungo vyako na ko wusume wako. Hambi nha hasina nghani yinji yo yose nghamu hali 'gwe.

Metumo ge Watumwa 14:15

“Nhawulenyi mukwituma zizi? Nase nha cili wanhu du kotya nyenye. Nase cili baha ho cimuganulilenyi Luganuzi Luswanu, ho muzilece zizi zo wulele, mumupitucile Mulungu mumi mono yawumba wulanga ne yinze, lilenga na vyose vyono vili mugati.

Metumo ge Watumwa 17:24

U Mulungu mono yawumba yinze, na vyose vyono vili mumo, yo Muwaha wo wulanga ne yinze, si kekalaga mu nyumba zo Mulungu zono zinozwaga ne miwoko ye wanhu.

Walumi 11:36

Hambi i vinhu vyose nha vilawaga kwakwe, na vyose vikawa so vilungo vyakwe, na ku soko yakwe. U lukumyo lweze kuli mwene sunga cibitilila! Heya.

Waefeso 3:9

kanyhi ho niwalajile iwanhu wose wawone vyono wukufisilizwa u wuhile wo Mulungu wono wali wuhundicigwe. U Mulungu mono yaviwumba vinhu vyose, yayihundika inghani yakwe yiyo kulawa katali,

Wukumbucize wo Wulajilize 32:4

“Muwaha Mulungu yo mukamisi wenyu mono yali vilungo, mono si kasinjisikaga, kanyhi yali ling'ani muli zakwe zose. Mulungu wenyu mwihuwilwa kanyhi yo we mbeka.

Wahebelaniya 1:10

Kanyhi yakutya, “Muwaha, agwe yo gwegwe mono wayiwumba yinze baho ha mwamulizo, no wulanga wo mulimo wo muwoko wako,

Wahebelaniya 1:2

ninga mu vilo avi vyo mudumo, kalongana nase mu nzila yo Mwanagwe. Na muli mwene, u Mulungu mo yayiwumbila yinze, kanyhi yakamuwika ho yaviteme vinhu vyose.

Wugubule 1:6

yakacinoza ciwe wutemi, ciwe wakohani, ho cimwitumamilo Mulungu u Sogwe. Ale, kuli mwene Yesu Kilisito, lweze lukumyo ne vilungo, cibitilila ne cibitilila! Heya.

Wugubule 10:6

yakelahiza mwi'tagwa lyo Mulungu mono kekalaga cibitilila ne cibitilila, u Mulungu mono yawumba wulanga ne vinhu vyose vyono vili mumo, sunga ne yinze na vyose vyono vili mumo, ne lilenga na vyose vyono vili mumo. Malayika yakatya, “I cipango co wulindila muno, alu camalika!

Wugubule 14:7

Nayo malayika yuyo, yakalonga kwe'zi yiwaha yakutya, “Ale mumogopajo Mulungu, kanyhi mumukumye! Hambi cidaha co kulavye ning'aniza yakwe, nha cakondya kuza. Holeka mumuhembaje mweneco mono yawumba wulanga ne yinze, lilenga ne mivwilo ye malenga.”

Wugubule 19:1

Hanyuma ya zizo, nghahulika cinhu, kotya lizi yiwaha lye mapuga ge wanhu wenji ku wulanga, likutya, “Muwaha yalumbwe! I mhono no lukumyo, ne vilungo, nha vyo Mulungu wetu!

Wugubule 5:12

wakalonga wenuye mazi gawo wakutya, “U Mwana we ngholo mono yawulagwe, yo yanojeye yabocele vilungo, wugoli, mahala, wusume, lukumyo ne lilumbo.”

Wugubule 5:2

Kanyhi nghamuwona malayika we vilungo yakulonga ne'zi 'waha yakutya, “Nani 'mbi mono yanojeye kubena vivyo vinamatizo, sunga yacigubule ne citabu cico?”

Wugubule 5:9

Nawo wakemba u lwimbo aluno lupya. “Agwe yo gwegwe mono wunojeye wucisole citabu cico, no kubena vinamatizo vyayo. Vyono agwe wakondya kuwulagwa, wukamugulila Mulungu ne sakami yako, wose we zimbeyu zose, we zinonga zose, ne wanhu wose ne zinghungugo zose.