Wugubule 4:10 - Luganuzi Luswanu Kuli Wanhu Wose 2002

¹⁰ awalya i wawaha makumi mejete na wane, nawo wakagwa ha mwande ya yuyo mono yekaye mwi'goda lyo wutemi no kumuhemba yuyo mono kekalaga cibitilila ne cibitilila, nawo wakuyiwika mikumbo yawo ha mwande ye ligoda lyo wutemi akuno wakutya,

I CILAGANE CIPYA 1991

¹⁰ awalye wawaha makumi mejete na wane, nawo wakagwa hamwande ya yuyo mono yekaye mwigoda lyo wutemi no kumuhemba yuyo mono kekalaga cibitilila ne cibitilila, nawo wakuyiwika mikumbo yawo ha mwande ye ligoda lyo wutemi akuno wakutya,

Wugubule 4:10 ပူးပေါင်းရင်းမြစ်များ

1 Zinghomo 29:20

Hanyuma Dawudi yakawalajiliza wanhu yakatya, “Ale, mukumyenyi Muwaha Mulungu, u Mulungu wenyu.” Ne lipuga lyose lye wanhu, wakamukumya Muwaha Mulungu, u Mulungu we walezi wawo, wakenama, wakamupela lilumbo Muwaha Mulungu, hamonga no mutemi.

2 Zinghomo 7:3

Nawo wanhu wa Isilayeli wali weza kuwuwona moto wukugwa wulawa ku wulanga, hamonga no wuzelu wamema mu Nyumba yo Mulungu, hobaho wose wakafugama hasi, no wusu wawo wukapamiza ho hasi, wakamuhemba Mulungu no kumulumba so wuswanu wakwe hamonga no wendo wakwe we cibitilila.

Jobu 1:20

Hodu nhondo, Jobu yakawa kwinuka, yakawa kuwudemulanga musweko wakwe ko wusungu muno. Yakawa kuwuceta zimvili mutwe wakwe, yakawa kwigumila hasi wugubama.

Zabuli 115:1

Kuli'gwe go Muwaha Mulungu wuli wene, yo si sese, langa yo gwegwe du wuli wene, mono wunojeye lukumyo, ku soko yo lusungu lwako, no wihuwilwa wako.

Zabuli 47:8

Mulungu yatemile makungugo gose nayo yekaye, mwi'goda lyakwe lyo wutemi lyono lyelile.

Zabuli 72:11

Ne watemi wose wa mono'nze, womupela cogopo, sunga ne wanhu we makungugo gose, womwitumamila.

Zabuli 95:6

Nzonyi cifugame no kumuhemba, cimufugamile Muwaha Mulungu, Muwumbi wetu!

Isaya 6:1

Mu mwaka, lono yafwila mutemi Uziya, ane nghamuwona Muwaha Mulungu, yali yekaye mwi'goda lyakwe lyo Wuwaha lya mucanyha, yali yali mwi'lumbo no lukumyo. Ne vivwalo vyakwe vyo wutemi, vyali, vitandaye hose mu Nyumba yo Mulungu.

Danyeli 12:7

Nayo malayika yuyo, yakenula miwoko yakwe yose ku wulanga, yakelahiza mwi'agwa lyo Mulungu, mono kekalaga cibitilila. Nane nghamuhulika yakutya, “Yowa myaka midatu na nusu. Na kolo wugazwe we wanhu wo Mulungu wapuluta, baho na zizi zose zolowa zakondya kwijela.”

Danyeli 4:34

Mutemi yakatya, “Na lono myaka mupunghati yali yakondya kupuluta, nghenula meso gangu kucanyha, ne mahala gangu gakambuyila kanyhi, nghamulumba Mulungu Mono Yalawiliciye, nghamupela lilumbo no lukumyo mwene mono kekalaga cibitilila. “Mwene kolotema cibitilila. No wutemi wakwe hamba siwuladuma yaye.

Matayo 2:11

Hobaho wakawa kwinjila mu nyumba, wakamuwona u mwana yuyo, yali hamonga no nyina Malyamu, wakawa kufugama, wakamuhemba. Waza kukondya, wakawa kuwopola izisawo, wakawa kulavyaniza ivipegwa vyawo, wakawa kumupela zahabu, wubani ne manemane.

Luka 24:52

Nawo wakamuhemba, wakawuya ku Yelusalemi wena ne nyemo mbaha,

1 Wakolinto 15:10

Ninga ku so lihewa lyakwe Mulungu, naweza nha vyono ninha lulu, ne lihewa lyakwe si lyali lya bwete. Nane netuma u mulimo si nha wose, kanyhi hamba si nene yaye, langa lihewa lyo Mulungu lyono likwitumana hamonga na nene.

Wukumbucize wo Wulajilize 32:40

Na mbeka vyono yo nene Mulungu mumi, nghunyasula muwoko wangu, nghwilahiza,

Wugubule 10:6

yakelahiza mwi'tagwa lyo Mulungu mono kekalaga cibitilila ne cibitilila, u Mulungu mono yawumba wulanga ne vinhu vyose vyono vili mumo, sunga ne yinze na vyose vyono vili mumo, ne lilenga na vyose vyono vili mumo. Malayika yakatya, “I cipango co wulindila muno, alu camalika!

Wugubule 11:16

Nawo i wawaha wa walya makumi mejete na wane, wono wali wekaye hali Mulungu, mu magoda gawo go wutemi, wakagwa funama, wakamuhemba Mulungu, wakutya,

Wugubule 15:4

Go Muwaha, alo nani'mbi mono si yakogopile gwegwe? Hamba nani'mbi mono si yakulikumya ilitagwa lyako? Agwe yo gwegwe mono welile du wuli wene. Ne makungugo gose gokuza kwako ho gakuhembe, hambi i metumo gako, nha gali ling'ani kanyhi gejeye ne wanhu wose.”

Wugubule 15:7

Hanyuma ciwumbwa cinji ciyagwe ne viwumbwa vivilya vine vyumi, cikawapela wawalya wamalayika mupunghati, mabakuli ga zahabu gono gamemile likuwo lyo Mulungu, mono kekalaga cibitilila ne cibitilila.

Wugubule 19:4

Nawo i wawaha wawalya makumi mejete na wane, hamonga ne viwumbwa vine vyumi, wakagwa hasi, wakamuhemba Mulungu mono yekaye mwigoda lyo wutemi, akuno wakutya, “Heya! Mulungu yalumbwe!”

Wugubule 4:2

Ho baho baho du nghawa mu Muhe. Kumbe kuko ku wulanga holili yigoda lyo wutemi, na mucanyha yalyo, yali yekaye yunji.

Wugubule 4:4

Hakawa hogali magoda makumi mejete na mane gono gali galipilime ligoda lyo wutemi, na mu magoda gago, wali wekaye wawaha makumi mejete na wane, nawo wali wavwalile vivwalo vizelu, na mu mitwe yawo, wali wavwalile mikumbo ya zahabu.

Wugubule 4:9

Na lono viwumbwa vivilya vine vyembaga zinyimbo zo kumukumya, na ze cogopo, hamonga no kumulumba yuyo mono yekaye mwi'goda lyo wutemi, mono kekalaga cibitilila ne cibitilila,

Wugubule 5:14

Na vilya viwumbwa vine vyumi, vikatya, “Heya vyo yiweze.” Na awalya wawaha wakagwa funama wakamuhemba.

Wugubule 5:8

Nayo yaza kucisola citabu cico du, avilya viwumbwa vine hamonga na walya wawaha makumi mejete na wane, wakagwa funama hamwande yo Mwana we ngholo. Nawo wose wali wena visumbi na bakuli za Zahabu, zono zali zimemile wuvumba, go malombo ge wanhu wo Mulungu.

Wugubule 7:11

Nawo wamalayika wose wakenuka, wakalipilima ligoda lyo wutemi, hamonga na wa walya wanyamhala hamonga na vivilya i viwumbwa vine. Wose wakagwa funama he'goda lyo wutemi, wakamuhemba Mulungu,