Wugubule 4:1 - Luganuzi Luswanu Kuli Wanhu Wose 2002

¹ Hanyuma ya zizi, nghalanga, nghawona mulango wono wuli mwazi ku wulanga. Ne lizi lililya lyono nalihulika hamwamulizo, lyono lyali nha mulilo wa ndulele, likatya, “Wuze ahano hono kacanyha, nane nokulajila zinghani zono zilejela hanyuma.”

I CILAGANE CIPYA 1991

¹ Hanyuma ya zizi, nghalanga, nghawona mulango wono wuli mwazi ku wulanga. Ne lizi lililya lyono nalihulika hamwamulizo, lyono lyali nha mulilo wa ndulele, likatya, “Wunanuce ahano hono kacanyha, nane nokulajila zinghani zono zilejela hanyuma.”

Wugubule 4:1 ပူးပေါင်းရင်းမြစ်များ

Wutuluce 1:1

Nawo wana wa Isilayeli, wono wenjila mu yisi ye Misili hamonga no sogo yawo Yakobo, munhu ne mhuga yakwe, wali awa,

Wutuluce 19:24

Nayo Muwaha Mulungu yakamutya Musa, “Ale, wutime hasi ye litunda, wubite wukamulete Haluni, ninga langa wulanjilile, wulece kuwakombola wakohani, hamba wanhu wanji, walece kwijelela kuza kono kwangu, hono si nhavivyo, ane nowalipiciza.”

Wutuluce 24:12

Muwaha Mulungu yakamulonjela Musa yakatya, “Musa, wuze kono kwangu mwi'tunda kucanyha, na lono wuli ku kuno, ane nokupela mbawo nyejete za mabwe, zono zandicigwe malajilizo gangu gose gono nagandika, ho niwejize Waisilayeli.”

Zimbazi 25:7

Ciba wulindile sunga wuwikwe hanhu he lilumbo, si nha kulonjelwa, wuwuce hono wikaye, wumutelele yunji mono yena lilumbo.

Ezekiyeli 1:1

Ane mukohani Ezekiyeli mono nili mwana wa Buzi, nekalaga hamonga ne Wayahudi i wahamywa, he kolongo lya Kebali, mu yisi ya Babiloni. Ale, mwi'zuwa lye 'hano lya mu mwezi we kane, wa mu mwaka we makumi madatu, wulanga wukagubuka, nghagubulilwa no Mulungu.

Matayo 3:16

Nayo Yesu yaza kukondya du kubaputizwa, yakalawila mu malenga, no wulanga wukawa kudiguka nhinicizo, nayo yamuwona u Muhe wo Mulungu yehwanile futa ya nziwa, yakumutimila.

Maluko 1:10

Lo lulolulo Yesu yaza kulawila mu malenga, yakawona wulanga wudiguce, no Muhe yakumutimila mucanyha yakwe yenha nziwa.

Luka 3:21

Kukawa waza kubaputizwa wanhu wose, Yesu nayo yakabaputizwa, na lono yalombaga, wulanga wukagubuka,

Yohana 16:13

Langa kolo yakuza, u Muhe we Mbeka, yo komutonjenyi mu mbeka yose, hambi nha si kolonga zo wulajilize wakwe, langa kolomulonjelenyi zose zono kolohulika, nayo kolonga zono zikuza.

Metumo ge Watumwa 10:11

Yakawona wulanga wudiguce, na cinhu kotya yimwenda yiwaha, cikutimywa mu mamhembo gayo mane ho hasi.

Metumo ge Watumwa 7:56

Yakatya, “Lanjenyi ta! Nghuwona wulanga wugubuce, no Mwana wo Munhu yemile u kulume ko Mulungu.”

Wugubule 1:10

Ale, mwizuwa linji, lizuwa lyo Muwaha, nghawa mu Muhe, nghahulika yizi yiwaha mu nyuma yangu linha mulilo we ndulele.

Wugubule 1:12

Ale, nane nghelenga ku nyuma, ho sume kumuwona yuyo mono yalongane nane, baho nghawona wuwiko we zitala mupunghati za zahabu,

Wugubule 1:19

Holeka, alu wuzandikaje zizi zose zono wukuziwona, zono zokwijela lulu, na zono zolokwijela hanyuma.

Wugubule 11:12

Hanyuma, ya zizo, wawo wawizi wejete, wakahulika lizi yiwaha likulawa ku wulanga, likuwalonjela likutya, “Nzonyi akuno kono canyha!” Nawo wakawa kubitila mwivunde kucanyha ku wulanga, akuno ne walugu wawo wakuwalanjilila du.

Wugubule 11:19

I Nyumba yo Mulungu ku wulanga yikadigulwa, ne lisanduku lye cilagane cakwe, likejela mumo mu wuhembelo wakwe. Hanyuma vikawa kuza limuli, ne lizi, mabalalusi, ne matulo ge yisi, hamonga ne mvula mbaha ye mabwe.

Wugubule 16:17

Hanyuma, malayika wo mupunghati, nayo yakalijidile libakuli lyakwe mu mbeho. Ne lizi liwaha likahulikwa, likulawa mwigoda lyo wutemi, mu wuhembelo, likutya, “Yakondya kuwa!”

Wugubule 19:11

Nghawona wulanga wugubuce, na kuko kukawa na fwalasi yinji nzelu swee, na mono yali yapandile mucanyha yayo, yacemwaga “Mwihuwilwa”, ne “Mbeka”. Yuyo mwene kehomaga ku soko ye ling'ani.

Wugubule 22:6

Malayika yakanonjela kanyhi yakutya, “Izinghani zizino zo ze mbeka, kanyhi huwilwa. U Muwaha Mulungu mono kawapelaga i wawizi u Muhe wakwe, yamutuma malayika wakwe yawalajile i wetumami wakwe i zinghani zono zinojeye zijele hanyuma.”