Wugubule 3:14 - Luganuzi Luswanu Kuli Wanhu Wose 2002

¹⁴ “Kuli malayika we likanisa lya Lawodikeya wandice nhavi, ‘Ayi yo nghani yono yikulawa kuli mono yakucemwa, yo “Heya”, Mwene yo muhomelezi mwihuwilwa na we mbeka, mono yo mwamulizo we viwumbwa vyose vyono u Mulungu yaviwumba.

I CILAGANE CIPYA 1991

¹⁴ “Kuli malayika we likanisa lya Lawodikeya wandice nhavi, “Ayi yo nghani yono yikulawa kuli mono yakucemwa, yo ‘Heya,’ Mwene yo muhomelezi mwihuwilwa na we mbeka, mono yo mwamulizo we viwumbwa vyose vyono u Mulungu yaviwumba.

Wugubule 3:14 ပူးပေါင်းရင်းမြစ်များ

Wakolosayi 1:15

Kilisito yo hwani yeneco yono yikwijela yo Mulungu mono si kejelaga. U mwene yo Mwana u mulongozi kulelwa, kanyhi yo muwaha yacizize viwumbwa vyose.

Wugubule 1:5

kanyhi na ku wulawa kuli Yesu Kilisito, u muhomelezi mwihuwilwa, u mulongozi kuzukulwa muli wafu, mono yatemile i watemi we yinze. Mwene yacendile, na so isakami yakwe, yakaciwopola kulawa mu wubi wetu,

Wakolosayi 1:18

U Mwene Kilisito wo mutwe wo muwili wakwe, nha cinji likanisa, u Mwene wo mwamulizo wo wumi wa wuwo umuwili. U Mwene yo Mwana mulongozi kulelwa mono yazukulwa muli wafu, u Mwene ho yawe mulongola du kutali muli vinhu vyose.

2 Wakolinto 1:20

Ku soko vyono muli mwene u wihuwizo wose wo Mulungu waweza “Heya.” Holeka ku soko yiyo, i “Heya” yetu yikuwa kulongwa mu nzila ya Kilisito, ku soko yo kumukumyo Mulungu.

Wugubule 3:7

“Kuli malayika we likanisa lya Filadelifiya wandice nhavi, ‘Ayi yo nghani yono yikulawa kuli mwene mono yelile kanyhi we mbeka, mono yena wufunguwo wa Dawudi, mono kawudigulaga, hamba hasina kanyhi munhu mono kosuma kudinda, mono kadindaga, hamba hasina kanyhi munhu mono kosuma kuwudigula.

Wugubule 22:13

Ane yo nene wo Mwamulizo na wo Mudumo, u Mulongozi na wo Mudumo.”

Wugubule 19:11

Nghawona wulanga wugubuce, na kuko kukawa na fwalasi yinji nzelu swee, na mono yali yapandile mucanyha yayo, yacemwaga “Mwihuwilwa”, ne “Mbeka”. Yuyo mwene kehomaga ku soko ye ling'ani.

Yelemiya 42:5

Nawo wakamhitula wakatya, “U Muwaha Mulungu yo kowa muhomelezi wetu we mbeka, kanyhi mwihuwilwa kuli 'se, hono cilece kugebata malajilizo gono u Muwaha Mulungu, u Mulungu wetu, kokupela wuciletele.

Isaya 65:16

No munhu wo wose wa mu'si, mono kosaka wumoteswe, kololomba yapegwe wumoteswe no Mulungu Mwihuwilwa. No munhu wo wose, mono kokwilahiza, kolokwilahiziza mwi'tagwa lyo Mulungu Mwihuwilwa. Ne magazo ga mu vilo vye katali, gose golomalika no kugasemwa.”

Zimbazi 8:22

“U Muwaha Mulungu nha yamula kumumba'ne katali, mu mwamulizo we milimo yakwe.

Wugubule 22:6

Malayika yakanonjela kanyhi yakutya, “Izinghani zizino zo ze mbeka, kanyhi huwilwa. U Muwaha Mulungu mono kawapelaga i wawizi u Muhe wakwe, yamutuma malayika wakwe yawalajile i wetumami wakwe i zinghani zono zinojeye zijele hanyuma.”

Wugubule 21:6

Hanyuma yakawa kunonjela yakutya, “Zose 'lu, zakondya! Ane yo nene wo Mwamulizo na wo Mudumo. Nayo mono yakaluce, ane nomupela co kung'wa bwete, ku wulawa mu mivwilo ye malenga go wumi.

Wugubule 1:11

Nalyo lizi lilyo likatya, “Wuzandikaje mu citabu cicino zose zono wukuziwona, wugategulile gaga i makanisa mupunghati, ku Efeso, ku Simulina, ku Peligamo, ku Tuwatila, ku Salidisi, ku Filadelifiya, na ku Lawodikeya.”

Wugubule 2:1

“Kuli malayika we likanisa lya Efeso, wandice nhavi, “ ‘Ayi yo nghani yono yikulawa kuli mwene mono yazibate i zinyelezi mupunghati mu muwoko wakwe wo kulume, mono kajendaga haciligati yo wuwiko we zitala mupunghati ze zahabu.

Wakolosayi 4:16

Kolo mwakondya kuyisoma i baluwa yiyi, nhondo yisomwe ne Wakilisito wa ku Lawodikeya, nanye nhondo muyisomaje i baluwa yono wayituga wene.

Wakolosayi 2:1

Hambi nha nghusaka mumanye vyono netuma mulimo ko wuhidimbazi ku soko yenyu, ku soko ya wanya Lawodikeya, na ku soko ya wose wono wakali si nambona wusu wangu.

Isaya 55:4

Hambi nha namunoza Dawudi yawe mutemi, no mulongola kuli makungugo gose. Kanyhi muli mwene, mo nghalajilila vilungo vyangu kuli makungugo.

Mwamulizo 49:3

“Mwanangu Lubeni, agwe go mulongozi kulelwa, yo gwegwe go vilungo vyangu, no mukalo wo wuzelelo wangu, wina lilumbo hawaha, wina vilungo kuciza.

Wukumbucize wo Wulajilize 21:17

Langa yowa yimunojeye yamupele ligawo liwaha yuyulya du u mwana mulongozi kulelwa, hamba yawe siyaleligwe no mucekulu u mwendece wakwe. U munhu yuyo yanojeye yamanye vyono, u mwanagwe mulongozi kulelwa, yo yanojeye du yapegwe ligawo liwaha, lyono limunojeye mu ling'ani yakwe yo mulelwa mulongozi.”

Zimbazi 14:5

U muhomelezi mwihuwilwa, si kalongaga wulambi yaye. Ninga mono si mwihuwilwa, si kalongaga cinji, langa zo wulambi du.

Yohana 1:3

Ivinhu vyose vyawumbilwa muli mwene, na hasina ciwumbwa cinji co cose cono cawumbwa, hono hasina mwene.

Yohana 8:14

Yesu yapitula yakawatya, “Ninga ane hamba niyihomelele no mweneco, wuhomelezi wangu wa mbeka, hambi nha manyile kono nalawa, na kono nghubita. Ninga anye si mumanyile kono nalawa, hamba kono nghubita.