Wugubule 3:12 - Luganuzi Luswanu Kuli Wanhu Wose 2002

¹² “Wono wosuma, nowanoza wawe masumbili mu Nyumba yo Mulungu wangu, nawo hamba si wolowucila lukulu mumo. Kanyhi nokwandika muli wene litagwa lyo Mulungu wangu, ne litagwa lye likaya lyo Mulungu wangu, yo Yelusalemi yimhya, i likaya lyono lyotima kulawa ku wulanga ko Mulungu wangu. Kanyhi nokwandika ilitagwa lyangu yipya muli wene

I CILAGANE CIPYA 1991

¹² Wono wosuma, nowanoza wawe masumbili mu Nyumba yo Mulungu wangu nawo hamba si wolowucila lukulu mumo. Kanyhi nokwandika muli wene litagwa lyo Mulungu wangu, ne litagwa lye likaya lyo Mulungu wangu, yo Yelusalemi yimhya, i likaya lyono lyotima kulawa ku wulanga ko Mulungu wangu. Kanyhi nokwandika ilitagwa lyangu yipya muli wene.

Wugubule 3:12 ပူးပေါင်းရင်းမြစ်များ

1 Watemi 7:21

Hulamu yakagawicila ha mulango we Nyumba yo Mulungu i masumbili gago mejete ge vyuma, limonga lya ku lubavu lwa kutakama likacemwa Yakini, ne liyagwe lya ku lubavu lwa kusumuka, likacemwa Bowazi.

Zabuli 46:4

Holili likolongo lyono malenga galyo, galisangalazaga likaya lyo Mulungu, wikalo wono welile wa Mono Yalawiliciye Muli Vyose.

Zabuli 48:8

Zose zono cazihulikaga vyono Mulungu yo yetumile, alu nhondo sese co weneco caziwona, mwi'kaya lyo Muwaha Mulungu we mihanga, nayo Mulungu kolidima likaya lilyo sunga cibitilila.

Zabuli 87:3

Ale ta wuhulicize zinghani zo lukumyo, zono zikulongwa kuli'gwe, agwe gwe 'kaya lyo Mulungu.

Isaya 62:2

Gwe Yelusalemi, i makungugo gowuwona wiling'ano wako, Ne watemi wayo, nawo wowuwona lukumyo lwako. Nagwe kocemwa litagwa yipya, i litagwa lyono kowa wapegwa no Muwaha Mulungu mweneco.

Isaya 65:15

I wanhu wangu wahagulwa, wololitumamila litagwa lyenyu nhe lijito. Nane no Muwaha Mulungu, nomuwulajenyi wose. Ninga nolowacemela litagwa lipya wawo wono wohulika'ne.

Yelemiya 1:18

Ninga wuhulicize Yelemiya! I wanhu wose wa mono yisi yiyi, nha cinji, i watemi, ne wawaha we wanhu, ne wakohani, hamonga ne wanhu wose wokugaluka. Ninga nane izuwali, nghukupela i vilungo vyo kulewana nawo. Nagwe kokwihwana ne likaya lyono lina magomawakali, ne lisumbili lye cuma, ne lijinji lya shaba.

Ezekiyeli 40:49

Naho baho, hali hozili ngazi zono zibitile ku balaza yo kwambila lubeho, zono zali zina wugazi wa mita yikumi no wukangazi wayo, mita mutandatu. Na ha mulango, hali ho gali masumbili mejete, nago gali mahimbile ha mulango, limonga ku mhelo ayo, ne liyagwe ku mhelo ayino yo mulango.

Ezekiyeli 48:35

No mulandala wo wutali we majinji gose ge likaya vyono mane, wali wuficile mita elufu yicenda. Ne litagwa lye likaya ku wulawa lulu, lyocemwa, “U Muwaha Mulungu yali baha.”

Maluko 12:16

Nawo wakamulajila. Nayo yakawawuza, yakutya, “Hwani yiyi no lwandiko lulu vya nani?” Wakamutya, “Vya Kayisali.”

Wagalatiya 2:9

Holeka wa Yakobo na Kefa hamonga na Yohana, wono wakwijela nha wo walongola wawaha, wali wamanyile vyono u Mulungu yo yamhela lihewa lilyo, holeka wakawa kucilamusa ane na Balanaba kwe miwoko yawo, wakulajila i citanjilo co wuhangane hamonga. Na yikawa yicinojeye ase ciketume u mulimo kuli wanhu wono si Wayahudi, wene nawo kuli Wayahudi.

Waefeso 3:15

mono wo mwamulizo wa vyose vyono vili mono'nze na vya ku wulanga.

Wahebelaniya 12:22

Ninga anye muficile mwi'tunda lya Sayuni, ku kaya yo Mulungu mumi. Muficile Yelusalemi, ilikaya lya ku wulanga, kono wekonghoye wa malayika maelufu menji si wakuwala.

Wahebelaniya 13:14

Hambi akuno kono yinze nha cisina likaya lyono likalaga; langa cikulilondola lyono likuza.

1 Yohana 4:4

Ninga anye mo wana, muli wo Mulungu, kanyhi mwakondya kuwasuma wawo wawizi wo wulambi, hambi Muhe mono yali muli nyenye, nha yali vilungo muno muno, kuciza muhe mono yali muli wene, vyono wene wawo wo wanhu wa kononze.

Wugubule 14:1

Hanyuma nghawona ilitunda lya Sayuni, no Mwana we ngholo yemile mucanyha ye litunda lilyo, hali howali ne wanhu yigana limonga na makumi mane na yine elufu, wono wali wemile hamonga nayo, wono wali wandikwe mu wusu wawo, litagwa lyo Mwana we ngholo hamonga ne litagwa lyo Sogwe.

Wugubule 17:14

Nawo wokwihoma no Mwana we ngholo, ningo Mwana we ngholo, hamonga na wawala wono yawacema, kanyhi yakawahagula, i wanhu wehuwilwa, kowasuma wawo, vyono u mwene yo Muwaha we wawaha, kanyhi yo Mutemi we watemi.”

Wugubule 2:11

“Mono yena makutu go kuhulicila, yazihulikaje zono u Muhe yakugalonjela i makanisa! ‘Nawo wono wosuma, si wotamiswa ne lifwa lye kejete yaye.’ ”

Wugubule 2:17

“Mono yena makutu go kuhulicila, yazihulikaje zono u Muhe yakugalonjela i Makanisa! ‘Nawo wono wosuma, nowapela ayilya mana yono hundikwe. Kanyhi nowapela yibwe yidodo yizelu lyono lyandicigwe yitagwa yipya, lyono munhu yunji sikosuma kulimanya, langa wawo du wono wolibocela.’ ”

Wugubule 2:7

“Mono yena makutu go kuhulicila, yazihulikaje zono u Muhe yakugalonjela i makanisa! ‘Nawo wono wosuma, nowapela i ling'ani yo kulye mana go mubici wo wumi, wono wuli mu mugunda wo Mulungu.’ ”

Wugubule 21:2

Nghaliwona likaya lyono lyelile, nalyo likutima kulawa kuli Mulungu kucanyha, nayo yo Yelusalemi 'mhya. Nalyo lyali iwikanizize lukulu nha bibi halusi muhambwe viswanu, mono yawikanizwe so mulume wakwe.

Wugubule 22:4

Nawo wowuwona wusu wakwe, ne litagwa lyakwe lyokwandikwa mu mahanda go wusu wawo.

Wugubule 3:5

“Nawo wono wosuma, wovwikwa vivwalo vizelu nhavivi. Nane hamba si nogapatila lukulu i matagwa gawo mu citabu co wumi, kanyhi nowavumilila hali Baba na hali wamalayika wakwe, vyono wangu.