Wugubule 3:11 - Luganuzi Luswanu Kuli Wanhu Wose 2002

¹¹ Nghuza kuli'gwe musunho! Holeka wukamise muno muno cono wina ho yunji yalece kukusolela i cipegwa cako co wusume wako.’

I CILAGANE CIPYA 1991

¹¹ Nghuza kuligwe musunho! Holeka wukamise muno muno cono wina ho yunji yalece kukusolela i cipegwa cako co wusume wako.

Wugubule 3:11 ပူးပေါင်းရင်းမြစ်များ

Zefaniya 1:14

Lizuwa liwaha lyo Muwaha Mulungu, lili behi kuza, likuza mbela mbela! Ne lizuwa lilyo lyolowa yizuwa lyo wusungu, hamba ne wasilikale we vilungo wololila so wuwula witumbilo!

1 Wakolinto 9:25

I wedawazi wose, wewikanizizaga mu nzila yo wizoweleze, hamonga ne cogopo cose, ninga hamba nhavivyo, wene wanozaga nhavivyo, ho watuje u mukumbo wono wuhodanjikaga! Ninga ase cikunoza nhavivyo, ho cituje u mukumbo wono wikalaga cibitilila.

Wafilipi 4:5

Muweze wapolo kuli wanhu wose. U Muwaha yali behi.

2 Timoteyo 2:5

Nayo u munhu wo wose mono kesumanizaga mu midawalo, si kosuma kwisumaniza viswanu no kusuma, sunga yabocele ne cipegwa co wusume wakwe, hono yalece kutyatya u wityatye wono wukusakwa mu midawalo.

2 Timoteyo 4:8

Alu yisigaye yo wubocela i cipegwa co wisumanize wangu, ku soko ye mikalile yo wiling'ano, i cipegwa cono Muwaha Muling'anizi we ling'ani, kolomhela Mwizuwa lilya, kanyhi hamba si nene du nili wene, langa na wose wono wakulanjilila ko wendo i mazizo gakwe.

Yakobo 1:12

Mumoti munhu mono yakukangalila wujelwe, hambi kolo yeza yasuma, nha kopegwa i cihumbilizwa co wumi cono Mulungu yawatemezezya wawalya wono wamwendile.

Yakobo 5:9

Wandugu zangu, mulece kwing'ung'ulicila nyenye wose, ho mulece kuling'anizwa no Mulungu. Hambi u Muling'anizi nha yeza behi no kwinjila ha mulango.

Wugubule 1:3

Yo mumoti munhu mono yakucisoma i citabu cicino, kanyhi wamoti wono wakuzihuliciza zinghani ze nghani yiyi yo wuwile, no kwibata zono zandicigwe mumu! Hambi cidaha nha casejelela, lono i zinghani zizi sizoleka kwijela.

Wugubule 16:15

“Wuhulicize! Ane nghuza nha muhizi! Holeka, mumoti munhu mono yakwikala meso, no kuvwala myenda yakwe, ho yalece jenda cipwi ako na ako ha mwande ye wanhu.”

Wugubule 2:10

Ninga agwe wulece kuzogopa azilya zono zokuziza no kukutajila sunga na mu wugaye. Wuhulicize! Setani yakuhila yamujelenyi ko kuwatajila wanji wayenyu mu jela, nanye motuga magayo mu vilo yikumi. Holeka, mweze muli wehuwilwa kuli'ne, sunga ko ku wufwe, nane nomupelenyi wumi, co cihumbilizwa cenyu co wusume wenyu.’

Wugubule 2:13

Manyile kono wikaye. Agwe wikaye ku wikalo wuwaha wa Setani! Ninga hamba nhavivyo, wukali wibatiliye litagwa lyangu, hamba si wakana u wihuwilo wako wa kuli'ne, sunga na mu vilo vya Antipa, muhomelezi wangu mwihuwilwa, lono yawulajilwa i hanhu hono kekalaga Setani.

Wugubule 2:25

Ninga munojeye mukamisize lukulu cono mwina naco lulu, sunga kolo neza kuza.

Wugubule 22:12

Yesu yakutya, “Wuhulicize! Ane nghuza musunho muno muno, kanyhi nghuleteleza no musahala wono nomupela munhu wo wose nha vyono genha i metumo gakwe.

Wugubule 22:20

Nayo mono yakuhomelela zizino, yakutya, “Heya, mbeka! Nghuza musunho muno muno.” Heya. Na yiweze nha vivyo! Wuze go Muwaha Yesu!

Wugubule 22:7

Yesu yakutya, “Ale wuhulicize ta! Ane nghuza musunho muno muno. Holeka yo mumoti munhu mono yakuzikamisa i zinghani zo wuwile wono wuli mu citabu cicino.”

Wugubule 3:3

Ale wukumbucile azilya zono wejizwa, na vyono wazihulika, wukazikamisa, ale, wukawanizaje u wuhile wako wubi. Na hono wulece kwikala meso ale, nokuziza nhinicizo nho muhizi, hamba sikocimanya ne cipango cono nokuziza.

Wugubule 4:10

awalya i wawaha makumi mejete na wane, nawo wakagwa ha mwande ya yuyo mono yekaye mwi'goda lyo wutemi no kumuhemba yuyo mono kekalaga cibitilila ne cibitilila, nawo wakuyiwika mikumbo yawo ha mwande ye ligoda lyo wutemi akuno wakutya,

Wugubule 4:4

Hakawa hogali magoda makumi mejete na mane gono gali galipilime ligoda lyo wutemi, na mu magoda gago, wali wekaye wawaha makumi mejete na wane, nawo wali wavwalile vivwalo vizelu, na mu mitwe yawo, wali wavwalile mikumbo ya zahabu.