Wugubule 3:10 - Luganuzi Luswanu Kuli Wanhu Wose 2002

¹⁰ Vyono agwe wakamisa i lilajilizo lyangu lyo wukangalile, ale nhavivyo nane nokukamisa mwi'pango lyo wugaye lyono likuwaziza wa kono'nze wose, no kuwajela wono wekaye mono'nze wose.

I CILAGANE CIPYA 1991

¹⁰ Vyono agwe wakamisa i lilajilizo lyangu lyo wukangalile, ale nha vivyo nane nokukamisa mwipango lyo wugaye lyono likuwaziza wa kononze wose, no kuwajela wono wekaye mononze wose.

Wugubule 3:10 ပူးပေါင်းရင်းမြစ်များ

Isaya 24:17

Alu muhulicizaje ta anye wose! Howuli wogofywe ne makweme, hamonga ne mitego vikumulindilenyi nyenye.

Danyeli 12:10

Ne wanhu wenji wolokwezwa. Ninga i wabi, hamba si wolozizuka zizo, langa wene wolocila kuwa wabi du. Langa we mahala wo wolozizuka.

Zakaliya 13:9

Nane ho nowalanga wa walya we lifungu lye kadatu wono wasigaye, nane noweza nha fweza yono yezigwe no moto kanyhi nowajela nha vyono zahabu yikuwa kujelwa. Hobaho wonyhema, nane nowapitula, ‘Nane nowalonjela vyono wene wo wanhu wangu, awo wovumila vyono ane yo nene Mulungu wawo.’ ”

Matayo 24:14

Ninga i yinze yose, yoganulilwa u Luganuzi Luswanu lo Wutemi wo Mulungu mu makungugo gose, lono i ndumo yikali si naza, ho wuwe wuhomelezi kuli wene.”

Matayo 26:41

Ale mwikalaje meso akuno mukulomba ho mulece kwinjila mu wujelwe. Mbeka nhumbula yendile ninga muwili wusoceye.”

Matayo 6:13

Wulece kucitegula mu wujelwe, Langa wuciponye na yulya u Mubi.’ ” [Hambi u wutemi ne vilungo, no wuwaha nha vyako, sunga ku cibitilila. Heya.]

Maluko 14:9

Nane nghumulonjelenyi mbeka, vyono, ho hose mono yinze yose, hono loganulwa u Luganuzi Luswanu, ilitumo lili lyono yetumile u mucekulu yuyu, lyowa kulongwa so cikumbucizo cakwe.”

Luka 2:1

Mu vilo vivyo lono Yohana yali yalelwa, Kayisali Awugusito, yakalajiliza vyono wanhu wose wono wali hasi yo wutemi wakwe wandikwe.

Yohana 17:6

“Nane nghunoza agwe, wumanyice kuli wanhu wono wamhela kononze. Wali wanhu wako, nagwe wukamhela wawe wangu, nawo wayikamise inghani yako.

Walumi 1:8

Nghwamula kumulumba u Mulungu wangu, muli Yesu Kilisito so nyenye wose, vyono u wihuwilo wenyu wumanyice kononze kose.

1 Wakolinto 10:13

I majelo gono gakondya kumuzizenyi, go majelo ge nhondo zose du kuli munhu. Ninga umwene Mulungu, yo mwihuwilwa, nayo si kosuma kumulecenyi ho mujelwe kuciza vyono mosuma, ninga hamonga ne majelo gago, u mwene komupelenyi ne vilungo vyo kugakangalilila, sunga ne nzila yono yomukozenyi mu majelo gago mupolile.

Waefeso 6:13

Ku soko yiyo holeka muvwale vitwalo vyo Mulungu, ilizuwa lilyo kolo lyeza kufika, ho musume kuwimila u wihomi wo mulugu, na lono muwe mwehoma sunga ko ku mudumo, mwijele mukali mukamile.

2 Timoteyo 2:12

Na hono cijendelele no wukangalile, ale, colotemana nayo nhavivyo. Ninga hono cimukane, ale, kolocikana nayo nhavivyo.

Yakobo 3:12

Wandugu zangu, libici lyo mukuyu ma, lisumaga kulela zeyituni? Hamba muzabibu wusumaga kulela nghuyu? Hamba ne cisima co muvwilo we malenga ge cimwino mwino, sicisumaga kuvwiza malenga mapolo.

1 Petelo 4:12

Nye wandugu zangu wendece, mulece kwizina ze majelo mawaha gono gakumuzizenyi yiwe nha mukuzizwa na cinhu cijenzi.

2 Petelo 2:9

Ale, holeka, Muwaha yamanyile kuwaponya mu wulipicizwe sunga Mwizuwa lililya lyo wuling'anizwe.

Wugubule 1:9

Ane yo nene Yohana u ndugu yenyu, na mu wilunza na Kilisito, nghuhanga hamonga nanye mu wukangalila magayo gono gakuwagana wose wono wali mu wutemi wakwe. Ane nawikwa mu cizingwa ca Patimo, ku soko yo kuyiganula nghani yo Mulungu ne mbeka ya Yesu.

Wugubule 11:10

Ne wanhu wose wono wekaye mono'nze, wowusecelela wufwe wa wawo wanhu wejete. Nawo wonoza sikukuu, no kwipela vipegwa munhu na muyagwe, vyono wawa wawizi wejete wali wawagaza muno, i wanhu wa mononze.

Wugubule 13:10

Nawo wono wawicilwa ho wasolwe mateka, awo wolosolwa mateka du, nawo wono wawicilwa ho wawulagwe ko mumaje, awo nawo wolowulagwa ko mumaje du. Holeka yiwanojeye i wanhu wo Mulungu, wawe no wukangalile wuwaha hamonga no wihuwilo.”

Wugubule 13:14

Likawajiliza wanhu wenji wono wekaye mono'nze, ku so mapoto gago gono lyapegwa liganoze ha mwande ya alilya lilimu lilongozi. Nalyo lilimu lilyo likawalonjela wanhu wono wekaye mononze, wanoze cihwani, so kulipela yilumbo lilyo lilimu, lyono lyali lina likomele yiwaha muno, lyono lyatemangwa no mumaje, ninga alu likuwumipa kanyhi.

Wugubule 13:8

Na wose wono wekaye mono'nze wolihemba, ninga awalya wono matagwa gawo mandikwe mu citabu co wumi co Mwana we ngholo, mono yawulagwa ku wulawo mwamulizo we yinze, wawo langa si wolihemba yaye.

Wugubule 14:12

Na ku soko yiyo, wanhu wo Mulungu wono wakakamisa malajilizo go Mulungu no kumwihuwila Yesu, yiwanojeye waweze no wukangalile.

Wugubule 14:6

Hanyuma nghamuwona kanyhi malayika yunji yaguluce mu wulanga, yena no Luganuzi Luswanu lwe cibitilila lo Mulungu, ho yaluganule kuli wanhu wose wono wekaye mono'nze, kuli makungugo gose, ne zimbeyu zose, ne wanhu we milonjele yose, na kuli wanhu wose we mawala gose.

Wugubule 16:14

Ayi yo myuhe ye masetani, yono yinozaga mapoto. Yiyi myuhe midatu yo yiyo yono yiwabitilaga watemi we yinze yiyi yose, no kuwakonghola hamonga ho wehome wulugu wuwaha mwizuwa liwaha lyo Mulungu Mudaha vyose.

Wugubule 17:2

Ne watemi wa kono'nze wasenyha nayo, na wono wekaye kono'nze wakawa wang'wela so wung'wa i divayi yo wusenyha wakwe.”

Wugubule 17:8

I lilimu lilyo lyono wuliwene, lyono lyali lyumi hamwamulizo, ninga aluno lyakondya kufwa. Ninga hamba nhavivyo, lili behi lyonanuka kulawa kwikombo lyo wuninyina, ninga lyokongomezwa. Na wono wekaye kono'nze, wokwizina, heya, wanhu wose wono i matagwa gawo si gandikwa mu citabu co wumi ku wulawa mwamulizo we'nze, wokwizina muno muno kolo wakuliwona i lilimu lilyo lyono ha mwamulizo lyali lyumi, hanyuma likafwa, na aluno likwijela kanyhi!

Wugubule 2:10

Ninga agwe wulece kuzogopa azilya zono zokuziza no kukutajila sunga na mu wugaye. Wuhulicize! Setani yakuhila yamujelenyi ko kuwatajila wanji wayenyu mu jela, nanye motuga magayo mu vilo yikumi. Holeka, mweze muli wehuwilwa kuli'ne, sunga ko ku wufwe, nane nomupelenyi wumi, co cihumbilizwa cenyu co wusume wenyu.’

Wugubule 3:8

Ninga manyile metumo gako gose! Langa ta, nakondya kuwudigula u mulango ha mwande yako, wono hasina munhu mono kosuma kuwudinda. Manyile vyono hamba wuwe wina vilungo vicefu, ninga hamba nhavivyo, wugebate ne mejizo gangu, wuyikamise ne nghani yangu, kanyhi hamba si walikana ne litagwa lyangu yaye.

Wugubule 6:10

Nawo wakalila kwe'zi 'waha wakutya, “Agwe go Muwaha, mono welile kanyhi mono wuli mwihuwilwa, alo sunga vipulute vilo vilinga, ho wuze wuwaling'anize no kuwalipiciza wose wono wekaye mono'nze, ku soko yo wuwulagwe wetu wono wali kuciwulaga?”

Wugubule 8:13

Nane naza langa, nghayiwona numba yiguluce yili kucanyha muno muno, nghahulika yikulonga kwe'zi iwaha yikutya, “Woyi he, woyi he, woyi he, kuli wono wowa wakali wekaye mono'nze, lono wamalayika wadatu wono wasigaye kolo wakuzitowa zindulele zawo!”