Wugubule 22:9 - Luganuzi Luswanu Kuli Wanhu Wose 2002

⁹ Ninga mwene malayika yakanonjela yakutya, “Lece noza nhavivyo. Ane nane nha nili mwitumami muyago du, hamonga ne wanduguzo i wawizi, na wose wono wakugakamisa i malajilizo gono gali mu citabu cicino. Muhembaje Mulungu!”

I CILAGANE CIPYA 1991

⁹ Ninga mwene malayika yakanonjela yakutya, “Lece noza nha vivyo. Ane nane nha nili mwitumami muyago du, hamonga ne wanduguzo i wawizi, na wose wono wakugakamisa i malajilizo gono gali mu citabu cicino. Muhembaje Mulungu!”

Wugubule 22:9 ပူးပေါင်းရင်းမြစ်များ

2 Watemi 17:36

Langa muhulikaje nene du no Muwaha Mulungu, mono namuwusenyi mu yisi ya Misili kwe vilungo viwaha, hamonga no wusume. Holeka mufugamile, no kundavizya makumbiko nene du.

Zabuli 45:11

Lanje ta wuswanu wako vyono wukumwendeza mutemi, mwene yo mulume wako, holeka yikunojeye wumuhulice.

Wutuluce 34:14

Kanyhi mulecele lukulu kuhemba mulungu yunji, hambi ane no Muwaha Mulungu, nha nyhemwaga, ‘Mono nili wivu,’ nili Mulungu wo wivu.

Matayo 4:9

Setani yakawa kumutya Yesu, “Hono wufugamile, wuhembe, ale, ivinhu vivi vyose vyono wukuviwona, nokupela gwegwe viwe vyako.”

Luka 4:7

Ale hono wufugame hali nene, vivi vyose vyowa vyako.”

Wukumbucize wo Wulajilize 4:19

Kanyhi mwilanjilile, mulece kukwegwa na vya ku wulanga, lizuwa, mwezi, ne zinyelezi, ho muvitumamile no kuvihemba. Muwaha Mulungu, u Mulungu wenyu, yawaleceye wanhu wanji vivyo vyose ho wavihembe.

1 Yohana 5:20

Cimanyile kanyhi, vyono Mwana wo Mulungu yakondya kuza, yakacipela ne mahala ho cimumanye Mulungu we mbeka, kanyhi cikale muli Mulungu we mbeka, muli Mwanagwe Yesu Kilisito. Na yuyu yo Mulungu we mbeka, na wuwu wo wumi we cibitilila.

Wugubule 1:1

Citabu acino, co cina zinghani ze metumo gono gagubulwa na Yesu Kilisito. U Mulungu yamugubulila Kilisito u wugubule wu wuno, ho yawalajile i wetumami wakwe zinghani zono si zotinya kwijela. Kilisito yamutuma malayika wakwe yamumanyize Yohana u mwitumami wakwe, i zinghani zizino,

Wugubule 1:11

Nalyo lizi lilyo likatya, “Wuzandikaje mu citabu cicino zose zono wukuziwona, wugategulile gaga i makanisa mupunghati, ku Efeso, ku Simulina, ku Peligamo, ku Tuwatila, ku Salidisi, ku Filadelifiya, na ku Lawodikeya.”

Wugubule 14:7

Nayo malayika yuyo, yakalonga kwe'zi yiwaha yakutya, “Ale mumogopajo Mulungu, kanyhi mumukumye! Hambi cidaha co kulavye ning'aniza yakwe, nha cakondya kuza. Holeka mumuhembaje mweneco mono yawumba wulanga ne yinze, lilenga ne mivwilo ye malenga.”

Wugubule 15:4

Go Muwaha, alo nani'mbi mono si yakogopile gwegwe? Hamba nani'mbi mono si yakulikumya ilitagwa lyako? Agwe yo gwegwe mono welile du wuli wene. Ne makungugo gose gokuza kwako ho gakuhembe, hambi i metumo gako, nha gali ling'ani kanyhi gejeye ne wanhu wose.”

Wugubule 19:10

Ale, nane nghagwa hasi funama ha magulu gakwe, nghuhila nimuhembe. Ninga mwene yakanonjela yakutya, “Leka! Ane nane nili mwitumami du nha gwegwe, hamonga ne wanduguzo, ase wose mono ciyikamisaga i mbeka yiyilya yono Yesu yayigubula. Muhembo Mulungu!” Hambi i mbeka yono Yesu yayigubula, nha yo yikuwamulicila wawizi.

Wugubule 22:10

Yakanonjela kanyhi yakutya, “Wulecele lukulu kuzihundika i zinghani zo wuwile, zono zili mu citabu cicino, ziwe nha nghani ze cinyele, hambi i lidaha lyo wuficilicile wazo, nha lyasejelela.

Wugubule 22:18

Ane yo nene Yohana, nghuwasugula wose wono wakuzihulika i zinghani zo wuwile, zono zili mu citabu cicino, u munhu wo wose hono yonjeleze nghani yo yose mu zinghani zizino, u Mulungu nayo komonjeleza i magazo gono gandikwe mu citabu cicino.

Wugubule 22:7

Yesu yakutya, “Ale wuhulicize ta! Ane nghuza musunho muno muno. Holeka yo mumoti munhu mono yakuzikamisa i zinghani zo wuwile wono wuli mu citabu cicino.”

Wugubule 4:10

awalya i wawaha makumi mejete na wane, nawo wakagwa ha mwande ya yuyo mono yekaye mwi'goda lyo wutemi no kumuhemba yuyo mono kekalaga cibitilila ne cibitilila, nawo wakuyiwika mikumbo yawo ha mwande ye ligoda lyo wutemi akuno wakutya,

Wugubule 9:20

I wanhu wanji wono wasigala, wono si wawulagwa no wongomezwe wuwo, nawo hamba si wanena, no kuvileka vinhu vyono wali wavinozize kwe miwoko yawo weneco, langa wakajendelela du kuhemba masetani, ne vihwani vye zahabu, na vye fweza, na vye shaba, na vye mabwe, na vye mabici, vinhu vyono sivikusuma hamba kuwona yaye, hamba kuhulika, hamba kujenda.