Wugubule 22:6 - Luganuzi Luswanu Kuli Wanhu Wose 2002

⁶ Malayika yakanonjela kanyhi yakutya, “Izinghani zizino zo ze mbeka, kanyhi huwilwa. U Muwaha Mulungu mono kawapelaga i wawizi u Muhe wakwe, yamutuma malayika wakwe yawalajile i wetumami wakwe i zinghani zono zinojeye zijele hanyuma.”

I CILAGANE CIPYA 1991

⁶ Malayika yakanonjela kanyhi yakutya, “Izinghani zizino zo ze mbeka, kanyhi huwilwa. U Muwaha Mulungu mono kawapelaga i wawizi u Muhe wakwe, yamutuma malayika wakwe yawalajile i wetumami wakwe i zinghani zono zinojeye zijele hanyuma.”

Wugubule 22:6 ပူးပေါင်းရင်းမြစ်များ

Mwamulizo 41:32

No wuwuyajile we ndoto yako, 'gwe Falawo, yikukulajila vyono Mulungu yalamula, nayo kozituma zizo mu vilo vivi du.

Danyeli 3:28

Mutemi yakatya, “Yalumbwe Mulungu wa Shedilaki, Meshaki na Abedinego! Hambi nha kamutuma Malayika wakwe, kawaponya wawa wanhu wakwe, wono wakumwitumamila no kumwihuwila. Walema malajilizo gangu, wawa kwisuza wumi wawo. Wawona ciba wafwe, si nho kumuhemba mulungu yunji, langa Mulungu wawo du.

Danyeli 6:22

Mulungu kandetela Malayika mono kazidinda milomo zisimba, ho zilece kuhawanga. Kanoza nhavivyo, vyono kawona ane sina yisutya lyo lyose kuli mwene, hamba kuli'gwe, go mutemi.”

Matayo 13:41

U Mwana wo Munhu kolowatuma wamalayika wakwe, ho wawakongholeze kulawa mu wutemi wakwe, wose wono wambuzaga wanhu wetume wubi, sunga na wose wono wetumaga zo wavu,

Luka 1:70

Nha vyono yehuwiza katali, mu milomo ye wawizi wakwe wono welile,

Luka 16:16

U Wulajilize ne mandiko ge wawizi, vyali vili baho, sunga mwidaha lya Yohana u Mubaputizi, vyono wulawa lululya u Luganuzi Luswanu lo wutemi wo Mulungu lukuganulwa, no munhu wo wose yakuwinjila kwe vilungo.

Metumo ge Watumwa 12:11

Nayo Petelo ho yezucila baho zono zijeye, yakatya, “Alu he mbeka, ho namanya vyono u Muwaha katuma Malayika wakwe kamhonya kulawa mu muwoko wa Helode, na muli zose zono wanhu wa Isilayeli wali walanjiliye.”

Metumo ge Watumwa 3:18

Ninga u Mulungu vyo yazifisiliza nha vivyo, azilya zono yazilajila katali mu milomo ye wawizi wose, vyono Kilisito wakwe kolotamiswa.

Walumi 1:2

Baho katali Mulungu, yawehuwiziza iwanhu u Luganuzi luluno Luswanu, mu nzila ye wawizi wakwe, mu Mandiko Gono Gelile.

1 Wakolinto 14:32

I cipegwa co kuyiganula nghani yo Mulungu, cinojeye ciwe citemigwe na munhu yuyo mono yapejigwe kanyhi munya cipegwa cico.

1 Wakolinto 7:29

Nye wandugu zangu, ane nghusaka kutya nhavi, i cipango cono cisigaye cidodo du. Holeka awalya wono watolile, wekalaje nha kotya wono si watolile,

2 Watesalonike 1:7

nayo komupelenyi wuceho anye mono mukugazika, na sese nhavivyo. Nayo kokwituma i nghani yiyo mwidaha lyono u Muwaha kolokwijelela kulawa ku wulanga, hamonga ne wamalayika wakwe wawaha,

Wahebelaniya 12:9

Ninga hamba nhavivyo, ase ciwogopile walezi wetu wono wacilela, hamba na hono wakucifunda. Holeka yicinojeye cimuhulice muno muno u Sogo yetu we cimuhe ho ciwumipe.

2 Petelo 1:21

Hambi nha hasina nghani yo wuwile yono yina ndawililo ye cimunhumunhu, langa iwanhu wayilonga inghani yo Mulungu nha vyono watongwaga no Muhe Mono Yelile.

2 Petelo 3:2

Nyendile mumanye, kanyhi mukumbicile zinghani zono zalongwa ne wawizi wono welile, na lililya lilajilizo lyo Muwaha no Mukombozi, lyono mwapegwa ne watumwa wenyu.

Wugubule 1:1

Citabu acino, co cina zinghani ze metumo gono gagubulwa na Yesu Kilisito. U Mulungu yamugubulila Kilisito u wugubule wu wuno, ho yawalajile i wetumami wakwe zinghani zono si zotinya kwijela. Kilisito yamutuma malayika wakwe yamumanyize Yohana u mwitumami wakwe, i zinghani zizino,

Wugubule 18:20

Ale, wusecelele go wulanga ku soko yo wuhodanjice wakwe. Nanye nyo wanhu wo Mulungu, musecelele, nanye nyo watumwa ne wawizi, musecelele nhavivyo! Hambi u Mulungu nha kalilipiciza ku soko ye metumo galyo, gono lyamutendelenyi nyenye!

Wugubule 19:9

Nayo malayika yakanonjela yakutya, “Wuzandikaje azino, Wamoti wono wacemeywe ku zindigwa ze halusi yo Mwana we ngholo!” Yakanonjela kanyhi yakutya, “Zizo zo nghani ze mbeka yo Mulungu.”

Wugubule 21:5

Ayulya mono yali yekaye mwigoda lyo wutemi, nayo yakatya, “Lanje ta! Ane nghuzinoza zose ziwe 'mhya.” Yakanonjela kanyhi yakutya, “Yandikaje yiyi, hambi i zinghani zizino nha zo huwilwa, kanyhi za mbeka!”

Wugubule 21:9

Hanyuma, yunji wa muli wawalya wamalayika mupunghati, wono wali wena agalya mabakuli mupunghati, gono gali gamemile imagazo mupunghati go mudumo, yakanyiziza yakanyitya, “Nzoo kuno! Nane nokulajila bibi halusi, u mugolece wo Mwana we ngholo!”

Wugubule 22:1

Hanyuma kanyhi malayika yakandajila i likolongo lye malenga go wumi gono gakung'alala nha cilole, gakulawilila he'goda lyo wutemi lyo Mulungu, hamonga no Mwana we ngholo.

Wugubule 22:16

Ane yo nene Yesu, nimutuma malayika wangu, yamuhomelelenyi i zinghani zizino mu makanisa. Ane nili wo lulelo lwa Dawudi: Ane yo nene i nyelezi i mwacinghunghu, yono ying'alalaga ya hakali mitondo!

Wugubule 22:7

Yesu yakutya, “Ale wuhulicize ta! Ane nghuza musunho muno muno. Holeka yo mumoti munhu mono yakuzikamisa i zinghani zo wuwile wono wuli mu citabu cicino.”

Wugubule 4:1

Hanyuma ya zizi, nghalanga, nghawona mulango wono wuli mwazi ku wulanga. Ne lizi lililya lyono nalihulika hamwamulizo, lyono lyali nha mulilo wa ndulele, likatya, “Wuze ahano hono kacanyha, nane nokulajila zinghani zono zilejela hanyuma.”