Wugubule 22:2 - Luganuzi Luswanu Kuli Wanhu Wose 2002

² Ne likolongo lilyo likuhuluma malenga, likolile hagati ye balabala mbaha ye likaya. Na mu mhelo ye likolongo lilyo, hali howuli mubici wo wumi, wono wukulela mikalo kali yikumi na nyejete kwa mwaka, wo wutya wukulela mwezi kwa mwezi, ne mahamha go mubici wuwo, yo miti yo kuponezya i wanhu we makungugo.

I CILAGANE CIPYA 1991

² Ne likolongo lilyo likuhuluma malenga, likolile hagati ye balabala mbaha ye likaya. Na mu mhelo ye likolongo lilyo, hali howuli mubici wo wumi wono wukulela mikalo kali ikumi na nyejete kwa mwaka, wo wutya wukulela mwezi kwa mwezi ne mahamha go mubici wuwo yo miti yo kuponezya i wanhu we makungugo.

Wugubule 22:2 ပူးပေါင်းရင်းမြစ်များ

Mwamulizo 2:9

Mulungu yakacindya mu yisi yose, i mawala gose ge mibici miswanu, yono yikulela mikalo yono yikwiliye so ndigwa ye wanhu. Ninga haciligati yo mugunda wuwo, hali howuli u mubici wo wumi, kanyhi no mubici wo kumanyila i ziswanu ne zimbi.

Zabuli 147:3

Yakuwaponya wono wadejepe zinhumbula, no kuziwopa zinghomele zawo.

Zimbazi 3:18

Na wose wono wena mahala, wena nyemo. Ne mahala gowapela wumi.

Isaya 6:10

Hanyuma kanyhi yakanyitya, “Wuyinozaje mitima ye wanhu wawa yiwe mizito, ne makutu gawo gawe ciziwi, ne meso gawo gawe cibofu, ho walece kuwona, hamba kuhulika, hamba kwizuka kose. Hambi hono wawone, wahulice, no kwizuka, nha wombuyila niwaponye.”

Yelemiya 17:14

Gwe go Muwaha Mulungu, nghukulomba wumhonye, nane noponela lukulu, wunhaze, nane nokwikala mholile. Hambi nha yo gwegwe du wuli wene, mono nghukumyaga!

Ezekiyeli 47:1

Kanyhi hanyuma yayo, u munhu yuyo, yakangomola sunga ko ku mulango we Nyumba yo Mulungu. Nane nali neza kulanga nhavi, nghawona malenga gakuhuluma, gakoleye hasi yo mulango, galanjile ku cilima, ku lubavu lwa ku mwande ye Nyumba yo Mulungu. Malenga gago gahulumaga gakulawilila hasi ye Nyumba yo Mulungu ku lubavu lwa kutakama, gakoleye ku lubavu lwa kutakama ye cikumbicilo.

Hoseya 14:4

Muwaha Mulungu yakutya, “Nane nowagomola wanhu wangu wawuye kuli'ne nowenda kwe nhumbula yangu yose, hamba sinolowakolelwa likuwo kanyhi.

Zakaliya 14:8

Na mwi'zuwa lilyo, malenga maswanu golohuluma gakulawilila ku Yelusalemi. Nusu yago, golokwinjila mwi'lenga lyo mwino, ne nusu nzagwe ye kejete, golokwinjila mwi'lenga lya Meditelaneya. Lyolohuluma vilo vyose vya mu mwaka wose. Mu vipango vye cifuku ne cibahu.

Malaki 4:2

Ninga kuli'nye mono muhulicile 'ne, i vilungo vyangu vye mhonelo, vyolomulawilenyi nhe'zuwa, no kumuletelenyi mhono, nhe nyhenjezi ye lizuwa. Mowa muli welecele, akuno musangalaye, kotya nyehe ndigulile mu wulawa mwi'kumbo.

Luka 4:18

“U Muhe wo Muwaha yali muli nene Kasiwanula, ho niwaganulile waciwa Luganuzi Luswanu, Kanhuma niwalonjele wono wafunjigwe, nha vyono wowopolelwa, Ne wabofu, vyono wowona kanyhi,

1 Petelo 2:24

U mwene yawudinghulila u wubi wetu mu muwili wakwe mu musalaba, ho cisume kufwa ku lubavu lo wubi, no kuwumipila ku wiling'ano. Na muzinghomele zakwe, anye mo mwaponyezwa.

Wugubule 2:7

“Mono yena makutu go kuhulicila, yazihulikaje zono u Muhe yakugalonjela i makanisa! ‘Nawo wono wosuma, nowapela i ling'ani yo kulye mana go mubici wo wumi, wono wuli mu mugunda wo Mulungu.’ ”

Wugubule 21:21

Nayo i milango yiyilya yikumi na myejete, zali lulu yikumi na nyejete, i milango yose yali yina mulango na lulu monga. Ne libalabala liwaha lye likaya, lyali yinozezwe zahabu swanu, yono yikung'alala nha cilole.

Wugubule 21:24

Ne wanhu we makungugo gose wojendela mu wuzelu walyo, nawo watemi wa kono'nze woliletela u wugoli wawo.

Wugubule 22:1

Hanyuma kanyhi malayika yakandajila i likolongo lye malenga go wumi gono gakung'alala nha cilole, gakulawilila he'goda lyo wutemi lyo Mulungu, hamonga no Mwana we ngholo.

Wugubule 22:14

Wo wamoti wawo wono wakuvikanza i vivwalo vyawo, hambi wawo nha wo wowa ne ling'ani yo kulya mana go mubici wo wumi, kanyhi wo wowa ne ling'ani yo kukolela mu milango yalyo, no kwinjila mwi'kaya.

Wugubule 22:19

No munhu wo wose hono yacepule nghani yo yose mu zinghani zo wuwile zono zili mu citabu cicino, nayo Mulungu komuwusiza i ligawo lyakwe lyo mubici wo wumi, ne ligawo lyakwe lya mwikaya lyono lyelile, nha vyono zilolosigwe mu citabu cicino.