Wugubule 20:2 - Luganuzi Luswanu Kuli Wanhu Wose 2002

² Malayika yuyo yakalibata lizoka, alilya lizoka lye katali, yo Ibilisi, hamba Setani, yakawa kuliwopa myaka elufu monga.

I CILAGANE CIPYA 1991

² Malayika yuyo yakalibata lizoka, alilya lizoka lye katali, yo Ibilisi, hamba Setani, yakawa kuliwopa myaka elufu monga.

Wugubule 20:2 ပူးပေါင်းရင်းမြစ်များ

Mwamulizo 3:1

Muli vilimu vyose vya mu mbago vyono u Mulungu yaviwumba, i nzoka yikawa yo sugu muno si nhe vilimu vyose. Holeka yikamulonjela u mucekulu yikamutya, “Ati, u Mulungu vyo yatya hongo, mulece kulya i mana ge mibici yose yono yili mu busitani?”

Mwamulizo 3:15

Nane nowika wisule hagati yako no mucekulu yuyu, na hagati yo lulelo lwako no lulelo lwakwe, wowa wali wulugu. Lolokutijinha u mutwe, nagwe kolomuluma mu cising'anilo.”

Jobu 1:7

Baho Mulungu yakamuwuza Setani, yakamutya, “Alu 'gwe Setani, wina mulimoci bahano?” Nayo Setani yakamupitula yakatya, “Ane nili mu wupilime-pilime du, ako na ako mono'nze.”

Isaya 24:22

Mulungu kolowakonghola hamonga watemi wose nha wafungwa wono wali mwi'kweme. Kolowadindila mu jela wekale mumo, sunga lizuwa lyawo lyo wulipicizwe lize lifice.

Isaya 27:1

Na mwi'zuwa lilyo, Muwaha Mulungu kolokwitumamila mumaje we lifwa, kwe vilungo vyakwe, kololilipiciza lilimu lyono likucemwa Lewiyatani, lizoka lyono libinzulaga, liwa kwinyongola, no kuliwulaga lizoka lyono likalaga mwi'lenga.

Ezekiyeli 47:5

Yakajendelela kanyhi, yakapima mita zinji kanyhi, magana mahano. Ne hanhu baho hakawa hatali muno muno, nane hamba si nasuma no kulowocela baho yaye. Hambi malenga nha gali matali muno, gono munhu si kosuma kujenda yalowoce, langa sunga yiwe mu nzila yo kojela du.

Matayo 19:29

Na muli wose mono yalecile nyumba yakwe, hamba wawahaze, hamba walumbuze, hamba u sogwe, hamba u nyina, hamba wanagwe, hamba migunda ku soko yangu, nayo kobocela kali yigana na kuciza, na hanyuma kowutuga u wumi we cibitilila.

Matayo 8:29

Nawo wakawa kwanza kuzoza wakutya, “Alo cina nghanici nagwe go Mwana wo Mulungu? Alo kuza akuno ho wucigaze na lono icidaha cikali si nafika?”

Maluko 4:15

ne wanhu wa mu nzila wakuyihulika, ninga kolo wayihulika, Setani yakuza no kuyiwusa inghani yiyo yono yihadikwe muli wene.

Maluko 5:7

akuno yakulonga kwe'zi 'waha yakutya, “Gwe, Yesu, go Mwana wo Mulungu Mono Yalawiliciye, alu wina nghanici nane? Mwi'tagwa lyo Mulungu, nghulomba wulece kungaza!”

Yohana 12:31

Alu co cipango co kuling'anizwa iyinze yiyi, alu muwaha we yinze yiyi kotagwa kunze.

Yohana 16:11

wasutizye kuli ze ning'aniza yo Mulungu, ku soko vyono muwaha we yinze yiyi yaling'anizwa yakondya.

Walumi 16:20

Nayo u Mulungu mono yo mwamulizo wo mulamu, sikocela kumuponda Setani hasi ye migulu yenyu. Ilihewa lyo Mutwa, wetu Yesu Kilisito, liwezane nanye.

Wahebelaniya 2:14

Alu nha vyono yinha, i wana wawo nha vyono mwene yakuwacema, wo wanhu wono wena muwili ne sakami, nayo Yesu mweneco, yakawa nha vyono wenha wene, nayo yakasola i hwani yawo yakawa munhu. Yanoza nhavivyo, ho yiwe so wufwe wakwe, yamusumile lukulu Setani, mono yena i vilungo vye lifwa,

1 Petelo 5:8

Mwikalaje meso, kanyhi mweze musujile. Hambi umulugu wenyu Setani, yakupilima pilima nha simba yikukoloma, yikulondola yunji yimuhawanje.

2 Petelo 2:4

Na lono wamalayika wetumila u wubi, u Mulungu si yawawonela lusungu yaye, langa yakawataga mu moto we Gehena, nawo wafunjigwe mumo walindiye Lizuwa lililya lyo wuling'anizwe.

Yuda 1:6

Ne wamalayika wono si wawukamisa u wuwaha wawo, wakayileka ne nyikala yawo yono yiwanojeye, u Mulungu yawawopile ne manyolo ge cibitilila mu citi, sunga mwizuwa Liwaha lyo wuling'anizwe.

Wugubule 12:13

Nalyo lizoka lyali lyeza manya vyono lyagumilwa hono hasi mono'nze, likanza kumusepa yu yulya mucekulu mono yalelo mwana we cilume.

Wugubule 12:15

Nalyo lizoka lilyo likadeka mu nyuma yo mucekulu yuyo, no kulavya malenga menji nhe kolongo mu mulomo walyo, nago malenga gago gakahuluma no kumutyatya munyuma u mucekulu yuyo, ho gamukwenghweleze no kumutegula kutali.

Wugubule 12:17

Holeka lizoka lilyo likawa kumusimbila yuyo mucekulu, hodu likawa kwibitila, likawa kubita no kwihoma na wanji we mbeyu yo mucekulu yuyo wose wono wakukamisa malajilizo go Mulungu, kanyhi wehuwilwa mu mbeka yono yaziza muli Yesu.

Wugubule 12:3

I citanjilo cinji kanyhi cikejela ku wulanga. Kukawa na nzoka mbaha, ndunghu, yono yina mahembe yikumi, ne mitwe mupunghati, ne mitwe yiyo yikawa yina mutwe, no mukumbo wayo.

Wugubule 12:4

Lizoka lilyo likazikwejenha zinyelezi za mu mwanya, libimha lye kadatu, no mucila walyo, no kuzigumila kono'nze. Nalyo likema behi no mucekulu yuyo mono yali yeza behi no kusawa mwana, liwikanizize lukulu ho limumele mwana yuyo, baho du lono yakulelwa.

Wugubule 12:9

Holeka ilizoka lilyo liwaha, likagumilwa kunze. Ne lizoka lilyo, yo nzoka yi yilya ye katali, yono kanyhi yicemwaga Ibilisi hamba Setani, mono kawakongaga we yinze wose. Heya likagumilwa kono'nze hamonga ne wamalayika walyo wose.

Wugubule 13:2

Ne lilimu lilyo lyono nawona, lyali lihwanile nha suwi, ne migulu yalyo yikawa yihwanile nhe migulu ye dubu, no mulomo wukawa nha we simba. I lizoka li lilya, likalipela lilyo lilimu vilungo vyalyo, ne ligoda lyalyo lyo wutemi, hamonga no wuwaha winji.

Wugubule 13:4

Wanhu wose wakalihemba lilyo lizoka, vyono lyalipela lilimu lilyo vilungo vyalyo. Kanyhi wakalihemba na lilyo lilimu nha vivilya wakutya, “Alo nani'mbi kanyhi mono kowa yenha ililimu lili? Hamba nani kanyhi mono kosuma kwihoma nalyo?”

Wugubule 20:10

Na Setani mono yawakongaga, yakagumilwa mwi'lamba lyono likwaka moto we cibiliti, mumo mono molili alilya lilimu, hamonga no muwizi wo wulambi, nawo wowa kugazwa misi ne cilo, cibitilila ne cibitilila.

Wugubule 20:7

Ne myaka yiyo elufu monga kolo yikumalika, Setani nayo ho yalawopolelwa yalawile mu jela.

Wugubule 9:11

Kanyhi zene zina no mutemi mono yazitemile, nayo yo malayika wa ku wuninyina, ne litagwa lyakwe ku nonga ye Cihebelaniya, wamucemaga, Abadoni, na kunonga ye Cigiliki kacemwaga, Apoliyoni, nha cinji “Muwulaji.”