Wugubule 2:7 - Luganuzi Luswanu Kuli Wanhu Wose 2002

⁷ “Mono yena makutu go kuhulicila, yazihulikaje zono u Muhe yakugalonjela i makanisa! ‘Nawo wono wosuma, nowapela i ling'ani yo kulye mana go mubici wo wumi, wono wuli mu mugunda wo Mulungu.’ ”

I CILAGANE CIPYA 1991

⁷ “Mono yena makutu go kuhulicila, ale yazihulikaje zono u Muhe yakugalonjela i makanisa! “Nawo wono wosuma, ale, nowapela i lingʼani yo kulye mana go mubici wo wumi, wono wuli mu mugunda wo Mulungu.”

Wugubule 2:7 ပူးပေါင်းရင်းမြစ်များ

Mwamulizo 2:9

Mulungu yakacindya mu yisi yose, i mawala gose ge mibici miswanu, yono yikulela mikalo yono yikwiliye so ndigwa ye wanhu. Ninga haciligati yo mugunda wuwo, hali howuli u mubici wo wumi, kanyhi no mubici wo kumanyila i ziswanu ne zimbi.

Zimbazi 11:30

Wiling'ano wuletaga wumi. Ninga wugazi, wuwuwusaga.

Zimbazi 13:12

No witumbilo wono wutinyaga kwijela, wutamisaga nhumbula. Ninga kolo yakutuga cono yakucisaka, baho nhumbula yakwe yisangalalaga muno.

Zimbazi 15:4

Zinghani ze ngola, ziletaga wumi. Ninga zinghani zo wiwanganile, zihodangaga nhumbula.

Zimbazi 3:18

Na wose wono wena mahala, wena nyemo. Ne mahala gowapela wumi.

Ezekiyeli 28:13

Hambi nha wekalaga mu Adeni, busitani yo Mulungu, wavwalaga vibwe vye mawala gose vyo wuguzi wukamu, ne yakuti, ne alimasi, ne belulo, na zumaladi, na shohamu, na yashibu, ne yakuti-samawi, na zumaladi ne bahalamani, ne zahabu. Na vyose vivyo, wakunozeza gwegwe mwi'zuwa lyono wawumbilwa.

Ezekiyeli 31:8

Hasina mubici wo muhagata hamba monga mu mugunda wo Mulungu, wono wosuma kwihwananizwa nawo. Hamba hasina musonobali wo wose wono wina manhambi gono gehwanile gago, hamba mubici wose wulya. Na hakawa hasina mubici muswanu muno, wono wihwanile wuwo mu mugunda wo Mulungu.

Matayo 11:15

Ale muhulice, hono mwina makutu!

Matayo 13:43

Ninga awalya waswanu, wolong'alala nhe 'zuwa mu Wutemi wo Sogo yawo. Holeka hono mwina i makutu go kuhulicila, ale, muhulice!”

Matayo 13:9

Hulicizenyi ta, mono yena makutu go kuhulicila, ale yahulice!”

Maluko 4:9

Ale Yesu yakawatya, “Hulicizenyi ta, mono yena makutu go kuhulicila, yahulice.”

Maluko 7:15

Hasina cinji cono cikwinjila mugati yo munhu cono cikulawa munze cono cosuma kumwavufya munhu. Langa cono cilawaga mugati yo munhu co cikuwa kumwavufya munhu. [

Maluko 7:16

Ale hulicenyi hono mwina makutu!]”

Luka 23:43

Yesu yakamutya, “Mbeka nghukulonjela, izuwalili du, cowezana nane ku Wulanga.”

Luka 8:8

Zimbeyu zinji zikalagala mu muhangha muswanu, zikawiluka, zikalela mhece yigana.” Yaza kukondya kulonga zizo, yakalonga ne yizi yiwaha, yakatya “Holeka muhulice, hono mwina makutu.”

Yohana 16:33

Nimulonjelenyi zizi, ho muwe no mulamu, mu wilunze wenyu na nene. Mononze heya, motuga wugaye, ninga mwisindamice! Ane niwasumile we yinze.”

1 Wakolinto 2:10

Alu zizo zo nghani zo Mulungu zono yacigubulilila mu nzila yo Muhe wakwe. Hambi u Muhe mweneco nha yo kavisunjililaga i vinhu vyose, sunga zinghani zo wuhile wo Mulungu mugati muno muno zono sizijelaga.

2 Wakolinto 12:4

Ninga kuko yazihulika zinghani ze cinyele, zono u munhu siyanojeye kuzilonga.

1 Yohana 2:13

Nghumwandicilenyi nanye mo wasogo za munhu, hambi nha mumumanyile u mwene mono yali ho yuli, ku wulawa ha mwamulizo. Nghumwandicilenyi nanye mo wazelelo, vyono mumusumile ayulya u mubi.

Wugubule 13:9

“Holeka mono yena makutu go kuhulicila, ale yahulice!

Wugubule 14:13

Nghahulika kanyhi lizi kulawa ku wulanga likutya, “Wandice nhavi! Wo wamoti wanhu wono ku wulawa lulu, wakufwa akuno welunzize no Muwaha.” Nayo Muhe yakutya, “Heya! Woceha mu wulawa mu magazo gawo, hambi metumo ge nhuguti yawo nha gowatyatya.”

Wugubule 15:2

Nghawona cinhu cihwanile lilenga nha cilole, lyono lihangahanjile no moto. Nghawawona ne wanhu wa walya nhavivyo, wono walisuma lilimu lilya, hamonga ne cihwani calyo, i lilimu lyono litagwa lyalyo likutambulwa mu nzila ye liwalo lililya. Ne wanhu wawo wali wemile he'lenga lye cilole, akuno wena ne masumbi gono Mulungu yawapela.

Wugubule 2:11

“Mono yena makutu go kuhulicila, yazihulikaje zono u Muhe yakugalonjela i makanisa! ‘Nawo wono wosuma, si wotamiswa ne lifwa lye kejete yaye.’ ”

Wugubule 2:17

“Mono yena makutu go kuhulicila, yazihulikaje zono u Muhe yakugalonjela i Makanisa! ‘Nawo wono wosuma, nowapela ayilya mana yono hundikwe. Kanyhi nowapela yibwe yidodo yizelu lyono lyandicigwe yitagwa yipya, lyono munhu yunji sikosuma kulimanya, langa wawo du wono wolibocela.’ ”

Wugubule 21:7

Nayo munhu wo wose mono kosuma, yuyo kopegwa cino nane nowa Mulungu wakwe, nayo kowa mwanangu.

Wugubule 22:14

Wo wamoti wawo wono wakuvikanza i vivwalo vyawo, hambi wawo nha wo wowa ne ling'ani yo kulya mana go mubici wo wumi, kanyhi wo wowa ne ling'ani yo kukolela mu milango yalyo, no kwinjila mwi'kaya.

Wugubule 22:17

U Muhe hamonga na bibi halusi walonje watye, “Wuze!” Nayo u munhu wo wose mono yakuyihulika yiyi, nayo yatye, “Wuze!” Na mono yakaluce, ale yaze, nayo mono yakugasaka i malenga go wumi, yasole bwete.

Wugubule 22:2

Ne likolongo lilyo likuhuluma malenga, likolile hagati ye balabala mbaha ye likaya. Na mu mhelo ye likolongo lilyo, hali howuli mubici wo wumi, wono wukulela mikalo kali yikumi na nyejete kwa mwaka, wo wutya wukulela mwezi kwa mwezi, ne mahamha go mubici wuwo, yo miti yo kuponezya i wanhu we makungugo.