Wugubule 2:5 - Luganuzi Luswanu Kuli Wanhu Wose 2002

⁵ Ale, wukumbucile vyono wali winha ha mwamulizo, lono wali wukali sinagwa, nalu lono wakondya kugwa! Holeka alu wunene wubi wako, witume nha vyono wali kwituma ha mwamulizo. Na hono wulece kunena no kuwuleka wubi wako, nokuza kuli'gwe, nowuwusa u wuwiko wako we tala hanhu hayo.

I CILAGANE CIPYA 1991

⁵ Ale, wukumbucile vyono wali winha ha mwamulizo, lono wali wukali sinagwa, naiu lono wakondya kugwa! Holeka alu wunene wubi wako, witume nha vyono wali kwituma ha mwamulizo. Na hono wulece kunena na kuwuleka wubi wako, ale nokuza kuligwe, nane nowuwusa u wuwiko wako we tala hanhu hayo.

Wugubule 2:5 ပူးပေါင်းရင်းမြစ်များ

Isaya 1:26

Nane no mupelenyi walongola, hamonga ne wanyamhala wenyu, nha vyono mwali mwina nawo baho ha mwamulizo. Na hanyuma nhondo, Yelusalemi ho yocemwa, likaya lyo wiling'ano, likaya lihuwilwa.”

Isaya 14:12

“Gwe go mutemi wa Babiloni, go nyelezi yono ying'alalaga hakali mitondo, alu hodu wagwiza ku wulawa ku wulanga! Ninga katali ho wali wugasumize makungugo, alu ninga wakondya kugwiswa sunga ho hasi.

Ezekiyeli 20:43

Nanye baho nhondo, ho mologakumbucilila i makani genyu ge mawifyo, gono mwagetuma, na vyono mweyavufya nyenye nyo weneco. Na baho ho molokwisemuna nyenye nyo weneco, so makani mabi gose gono mwagetuma.

Ezekiyeli 36:31

Holeka nanye mokumbucila zinzila zenyu zimbi, ne metumo genyu gono si maswanu, nanye mokwiwona cevu, ku soko yo wubi wenyu hamonga ne mawifyo genyu.

Hoseya 14:1

Ale, muwuyilenyi Muwaha Mulungu wenyu, anye nyo wanhu wa Isilayeli. Wubi wenyu wo waleka mukekobala no kugwa.

Hoseya 9:10

Muwaha Mulungu yakutya, “Ha mwamulizo lono namwaganila Isilayeli, yikawa nha mbwene zabibu zono zikuwilucila mu nyika. Na lono nawawonela walezi wawo ha mwamulizo, nali nha mbwene mikalo yo mukuyu, yono yipiliye mu cipango cayo. Ninga wali weza kuza kwi'tunda lya Peyoli, wakawa kwanza kumuhemba Baali. Ninga kanyhi hadodo bwete, wakawa kuyisemuna yiyo milungu yono wali wayendile.

Malaki 3:4

Holeka vilavywa vyono wanhu wa Yuda na Yelusalemi, wolovileta kuli Muwaha Mulungu, vyolomwendeza, nha vyono vyamwendezaga ha mwamulizo.

Malaki 4:6

Nayo kolo yakuza, kozipitula zinhumbula ze wasogo zo munhu zilanje wana wawo, ne zinhumbula ze wana, nazo, zilanje wasogo zawo, ho nize ndece kuyihodanga yisi yenyu.”

Matayo 5:14

“Anye muli wuzelu we yinze! Kaya yono yizenjigwe mwi'tunda mucanyha, siyosuma kwihundika.

Matayo 5:15

Hamba ne wanhu si wakolelezaga tala no kuyigubiciza ne nhoto, langa yiwikwaga hacanyha, ha wuwiko wayo, ho yiwamulicile wose wono wali mumo mu nyumba.

Maluko 12:9

“Ale lu, u munya mugunda ho kotendaci? Kokuza yawongomeze i walimi wawo, no kuwukoza mugunda wuwo we mizabibu kuli wanhu wanji.

Luka 1:17

Kolowapitula wenji wa muli wana wa Isilayeli wamupitucile Muwaha Mulungu wawo. Nayo komulongolela Muwaha yakutongwa mu vilungo na mu Muhe kotya Eliya, no kuwalamula wasogo zo munhu ne wana wawo. Kowanoza we cibede, wawe mu mahala ge we ling'ani, kumuwikaniziza u Muwaha wanhu wakwe.”

Luka 20:16

Kolokuza yawawulaje walimi wawo, no mugunda we mizabibu, kopela walimi wanji.” I wanhu waza kuzihulika i zinghani zizo, wakabeza wakatya, “Siyosumika hamba hadodo.”

Wagalatiya 5:4

Holeka hono mukulanjilila muvumililwe hali Mulungu mu nzila yo Wulajilize, hodu mwakondya kwiwagula muli Kilisito, mweza muli kunze ye lihewa lyo Mulungu.

Wafilipi 2:15

ho muwe wanhu waswanu, wono wasina yilema, kanyhi mweze watelevu nha wana wo Mulungu wono wekaye mu yinze yiyi yo wubi yono yajiliye. Mobulila muli wene, kotya i zinyelezi vyono zikuwa kuwumulika u wulanga,

Wahebelaniya 10:32

Ninga muzikumbucilaje zono zejela mu vilo vivilya i vilongozi lono mwali mwenzeluswa no wuzelu wo Mulungu. Ku soko hamba yiwe mwatuga wugazwe winji mu vilo vivyo, ninga mwakangalila.

2 Petelo 3:17

Ninga'nye, nyo wendece wangu, mwakondya kuyimanya nghani yiyi, holeka mweze musujile, ho mulece kwajilizwa ne masutya ge wahodanji, no kugwa ku wulawa mu wusikame wenyu wono wukamile.

Yuda 1:24

Alu kuli mwene mono kosuma kumukamisenyi ho mulece kugwa, kanyhi ho yamuletenyi sunga ko ku lukumyo lwakwe akuno musina yilema,

Wugubule 1:20

Ne nhunizo hundikwe ye zinyelezi zo mupunghati zono wuziwene mu muwoko wangu wo kulume, hamonga na hundikwe yo wuwiko wu wulya we zitala mupunghati za zahabu, nha yoyi, zi zilya i zinyelezi zo mupunghati, wo wamalayika we makanisa go mupunghati, na wulya u wuwiko mupunghati we zitala, go makanisa mupunghati.”

Wugubule 16:9

Iwanhu wakanyanywa vibi muno muno, wakawa kumuliga Mulungu mono yena vilungo muli magazo gago mawaha. Ninga hamba si wawuleka u wubi wawo, no kumukumyo Mulungu

Wugubule 2:16

Holeka wunene wubi wuwo kanyhi wuwulece. Na hono wulece kunoza nhavivyo, ale nokuza kuli'gwe mbela mbela, nane nokwihoma ne wanhu wawo ko mumaje wono wukulawa mu mulomo wangu.’

Wugubule 2:19

Nigamanyile i metumo gako gose. Kanyhi manyile no wendo wako, no wihuwilo wako, u witumami wako, hamonga no wukangalizi wako. Agwe aluno wukwituma viswanu muno si nha hamwamulizo.

Wugubule 2:2

Manyile i metumo gako gose, niwumanyile no wuhidimbazi wako, hamonga no wukangalizi wako wose. Kanyhi manyile nha vyono si wukusuma kuwakangalila wanhu wabi, kanyhi na vyono wakondya kuwamanya awalya wono wakwiyitya watumwa, nawo wo si wene, kumbe wakulonga wulambi.

Wugubule 3:19

Ane yo nene mono nghumulanjiza no kumutacila munhu wo wose mono nimwendile. Holeka wikamilizaje, wunene, wu wulece wubi wako.