Wugubule 2:23 - Luganuzi Luswanu Kuli Wanhu Wose 2002

²³ Kanyhi nowawulaga i watyatyi wakwe, i makanisa gose ho gamanye vyono, yo nene du mono nizimanyile zinhumbula ne mahweso ge wanhu. Nane nomulipa munhu wo wose muli nyenye nha vyono genha i metumo gakwe.’

I CILAGANE CIPYA 1991

²³ Kanyhi nowawulaga i watyatyi wakwe, i makanisa gose ho gamanye vyono yo nene du mono nizimanyile zinhumbula ne mahweso ge wanhu. Nane nomulipa munhu wo wose muli nyenye nha vyono genha i metumo gakwe.

Wugubule 2:23 ပူးပေါင်းရင်းမြစ်များ

1 Zinghomo 17:18

Alu ane kanyhi ho nolonga cici kuli'gwe! Agwe nha wumanyile zangu zose, ane no mwitumami wako.

1 Zinghomo 28:9

Na ku lubavu lwa Solomona, yakamulonjela yakatya, “Gwe mwanangu Solomona, nghukulajiliza nagwe nhavivyo, wumumanyile lukulu Mulungu wo sogo, kanyhi wumwitumamile kwe nhumbula yako yose, hamonga no mutima muzelu. Hambi mwene nha yagamanyile mahweso getu gose, hamonga ne visakwa vyetu. Holeka hono wumubitile, mwene kokubocela, ninga hono wijelele wumulece, mwene nhondo, kukulecela lukulu cibitilila.

1 Zinghomo 29:17

Nane manyile nha vyono agwe wukuwa kuzijela nhumbula, nagwe wukuwa kwendezwa ne wanhu wono wena nhumbula zono zikogopile gwegwe. Alu nane, ku soko ye cogopo cono nina naco kuli'gwe, holeka ndavya vinhu vivino vyose, so wendezwe wangu nene no mweneco. Kanyhi nghondya no kuyiwona ne nyemo yono yili muli wanhu wako wawa, wono wehangulize baha so vinhu vyono wakulavizye gwegwe.

2 Zinghomo 6:30

wuhulice wulombe wakwe. Wuhulice wulombe wawo kuko ku wulanga, wuwanenele. Hambi nha yo gwegwe du wuli wene, mono wumanyile mahweso ga mu nhumbula yo munhu. Wumuling'anizize munhu mu nghango vyono genha metumo gakwe.

Jobu 24:23

Mulungu kamupelaga yekale yapolile, ninga meso gakwe, galangaga zinzila zakwe.

Zabuli 139:1

Gwe go Muwaha Mulungu, agwe wamhima, wakondya kumanya sunga, zono zili mu nhumbula yangu.

Zabuli 26:2

Go Muwaha Mulungu, nghulomba wunjele, wumhime, wugalanje mahala gangu, ne nhumbula yangu.

Zabuli 44:21

agwe go Mulungu, mhali wakondya kuyimanya nghani yiyo, hambi 'gwe nha wuzimanyile zose ze cinyele, zono zili mu zinhumbula.

Zabuli 62:12

heya, u lusungu nha lwakwe Muwaha Mulungu, hambi agwe nha kumupelaga munhu wo wose, mu nghango ye metumo gakwe.

Zabuli 7:9

Wavu we wanhu wabi wudume, wumukamye munhu we ling'ani, 'gwe go Mulungu mono kwitumaga ling'ani, mono wuzimanyile zose ze cinyele za mu zinhumbula, ne mahweso ge wanhu.

Yelemiya 11:20

Hobaho nane nghawa kumulomba Mulungu nghatya, “Gwe go Muwaha Mulungu u Mulungu we mihanga, agwe yo gwegwe mono wuli muling'anizi we ling'ani, kanyhi yo gwegwe du mono kuwajelaga i wanhu mu zinhumbula zawo, sunga na mu mitima yawo mugati. Holeka nane luno, nghuziwika zinghani zangu mu miwoko yako, nane nghulanjiliye wuwalipicize wanhu wawa.”

Yelemiya 17:10

Ninga ane no Muwaha Mulungu, yo nene du mono nigajelaga mahala, no kuzisunjilila zinhumbula ze wanhu, ho nimutendele munhu mu nghango ye zinzila zakwe, mu nghango ye mikalo ye metumo gakwe.”

Yelemiya 20:12

Ninga agwe go Muwaha Mulungu we mihanga kuwajelaga wanhu we ling'ani. Nagwe wuzimanyile zose zono zili mu zinhumbula zawo, na mu mahweso gawo. Holeka ane nghulindiye mbone wulipicizwe wono kowalipiciza i walugu wangu, hambi 'ne nha nakulecela gwegwe zinghani zangu.

Zefaniya 1:11

Mulile mwikunguze kolo mukuzihulika zizi, anye mono mwikaye mu mhelo ye likaya, hambi wasuluza wose nha wowa wakondya kufwa!

Matayo 16:27

Hambi u Mwana wo Munhu nha kolokuziza mu lukumyo lo Sogwe, hamonga ne wamalayika wakwe, na baho ho kolomulipila munhu wo wose nha vyono genha imetumo gakwe.

Luka 16:15

Nayo yakawatya, “Anye mwinozaga muli waswanu ha meso ge wanhu, ninga Mulungu yo yazimanyile zinhumbula zenyu, hambi cono cijelaga cina lukumyo hali wanhu, Mulungu yakuciwona nha takataka du.”

Yohana 21:17

Lwe kadatu kanyhi yakamutya, “Ati Simoni go mwana wa Yohana, wunyendile ane 'mbi?” Nayo Petelo yakakalala vyono Yesu yamuwuzize kadatu yakutya, “Wunyendile?” Yakamutya, “Muwaha, agwe wumanyile zose, wumanyile vyono ane nghwendile.” Yesu yakamutya, “Ale wudime zingholo zangu.”

Yohana 4:16

Yesu yakamutya, “Wubite wukamuceme u mulume wako wuze nayo bahano.”

Metumo ge Watumwa 1:24

Hanyuma wakalomba wakatya, “Gwe go Muwaha, mono wumanyile zinhumbula ze wanhu wose, alu wulajile muli wawa vyono wejete, mono wumuhaguye,

Walumi 14:12

Holeka wose cololonga hali Mulungu munhu na zakwe.

Walumi 8:27

Nayo u Mulungu mono kawonaga sunga mo mugati mu zinhumbula ze wanhu, yalimanyile ilihweso lyo Muhe yuyo, hambi u Muhe yuyo, nha kawalombelaga iwanhu wo Mulungu mu wuhile wo Mulungu.

2 Wakolinto 5:10

Hambi ase wose nha yowa yicinojeye kwima he'goda lyo wuling'anizi lya Kilisito, u munhu wo wose, ho yabocele zono zimunojeye, nha vyono genha i metumo gakwe gono yetumaga, lono yali yakali yekaye mononze, hono maswanu, hamba mabi.

Wagalatiya 6:5

Hambi u munhu wo wose nha yena u mutegulo wakwe mweneco wono yawudinghuye.

Wukumbucize wo Wulajilize 13:11

Ne wanhu wose Waisilayeli, wozihulika zono zijeye, nawo wokwinjilwa no woga wuwaha. Na ku soko yiyo, hasina kanyhi hamba monga mono kokwijelela kwituma zimbi zono zinha zizo.

Wukumbucize wo Wulajilize 17:13

Nawo wose kolo weza kuzihulika zizi, holeka wokogopa. Na howa hasina kanyhi hamba monga, mono kokwijelela kwituma kanyhi zono zinha zizi.”

Wukumbucize wo Wulajilize 19:20

Nawo wanhu wose wozihulika zizo, nawo wokogofywa. Na howa hasina hamba monga kanyhi, mono kokwituma zimbi zono zinha zizo.

Wukumbucize wo Wulajilize 21:21

Nawo i wanhu we cilume wa mwi'kaya, wasole mabwe wamutowanje sunga yafwe. Nanye holeka mosuma kuwuwusa wubi wuwu. Ne wanhu wose i Waisilayeli, wozihulika zizi zono zijeye, holeka nawo wotuga woga.”

Wahebelaniya 4:13

Kanyhi hasina hamba ciwumbwa co cose cono cihundice hali Mulungu, ninga vyose vili calinze ha meso gakwe. Na ase wose cololonga hali mwene ze metumo getu munhu na lwakwe.

1 Petelo 1:17

Lono mukumutambula u Mulungu, anye Mumucemaga mukutya Baba. Ale, manyenyi vyono mwene kowaling'aniza i wanhu wose mu metumo gawo yasina wuhijila-mbejele. Holeka muvitumamilaje ivilo vyenyu vyono visigaye mu mikalile yenyu, mu wogopo Mulungu.

Wugubule 2:11

“Mono yena makutu go kuhulicila, yazihulikaje zono u Muhe yakugalonjela i makanisa! ‘Nawo wono wosuma, si wotamiswa ne lifwa lye kejete yaye.’ ”

Wugubule 2:7

“Mono yena makutu go kuhulicila, yazihulikaje zono u Muhe yakugalonjela i makanisa! ‘Nawo wono wosuma, nowapela i ling'ani yo kulye mana go mubici wo wumi, wono wuli mu mugunda wo Mulungu.’ ”

Wugubule 20:12

Nane nghawona i wafu wawaha ne wadodo, wemile he'goda lyo wutemi, ne vitabu vikagubulwa. Hanyuma citabu cinji, i citabu co wumi, naco nhavivyo cikagubulwa. Iwafu wakaling'anizwa nha vyono genha metumo gawo, nha vyono yandikwe mu vitabu vivyo.

Wugubule 20:13

I lilenga nalyo, likawalavya kunze, i wafu wose wono wali wali mugati yalyo, i lifwa hamonga ne yinze ye wafu, vikawalavya kunze iwafu wose wono wali wali mumo. Na wose wakaling'anizwa nha vyono genha metumo gawo.

Wugubule 22:12

Yesu yakutya, “Wuhulicize! Ane nghuza musunho muno muno, kanyhi nghuleteleza no musahala wono nomupela munhu wo wose nha vyono genha i metumo gakwe.

Wugubule 6:8

Nane nghalanga, nghawona baho fwalasi yinji ye liwala lye silu. Ne litagwa lya mono yali yali mucanyha yayo, yacemwaga Wufwe, no Wuninyina vityatizye nayo. Ale, wawo wakapegwa vilungo mu lobo monga ye yinze ho wawawulaje wanhu ko mumaje, ne nzala, ne lihuhuji, na kwe malimu makali ga mono'nze.

1 Samwili 16:7

Ninga Muwaha Mulungu yakamutya, “Gwe Samwili, wulece kulanga wutali wakwe no wuswanu wakwe we mumbwa. Ane namulema, hambi ane nha si nghulanga nha vyono wanhu walangaga. Hambi munhu nha kalangaga za kunze du yo muwili, ninga ane nangaga nhumbula.”