Wugubule 2:14 - Luganuzi Luswanu Kuli Wanhu Wose 2002

¹⁴ Ninga hamba nha vivyo, nina nghani zinji nyhefu kuli'gwe, vyono wanji wa muli nyenye, muli watyatyi wa Balamu mono yamufunda Balaki, ho yawawicile cikobazo i wana wa Isilayeli ho walye zindigwa zono zali zikumbiciywe vihwani, kanyhi wasenyhe.

I CILAGANE CIPYA 1991

¹⁴ Ninga hamba nha vivyo, nina nghani zinji nyhefu kuliʼgwe, vyono wanji wa muli nyenye, muli watyatyi wa Balamu mono yamufunda Balaki, ho yawawicile cikobazo i wana wa Isilayeli ho walye zindigwa zono zali zikumbiciye vihwani, kanyhi wasenyhe.

Wugubule 2:14 ပူးပေါင်းရင်းမြစ်များ

Isaya 57:14

Muwaha Mulungu yakutya nhavi, “Muwalekaje wanhu wangu wambuyile. Muviwusaje vikobazo vyose mu nzila yawo yono wokola! Muyinozeleze nzila yawo, muyiwikanize.

Yelemiya 6:21

Nane nowanoza wanhu wawa, wekobaze, wagwe. I wasogo zo munhu, ne wana wawo we cilume, ne weyendi wayawo, hamonga ne wekalani wayawo, wose wolo kongomezwa.”

Ezekiyeli 3:20

“Na hono munu we ling'ani yetume zo wubi, nane hono mbice cikobazo hali mwene nagwe hono wuwe si wumusugye yaye, ale munhu yuyo kofwa. Kofwa kusoko yo wubi wakwe. Nane hamba si nozikumbucila yaye ne ziswanu zono yazituma. Ninga nane nokuwala 'gwe, vyono wuli musutyi, hambi nha yo gwegwe mono wumwambuze yafwe.

Ezekiyeli 44:12

Na kanyhi vyono wene wali wo watonji we wanhu wa Isilayeli, mu wuhembi wo kuhemba vihwani viseswe, no wituma wubi. Holeka nane, ane no Muwaha Mulungu, nghelahiza nha vyono nane nowalipiciza du.

Wuwale 24:14

Hanyuma kanyhi Balamu yakawa kumulonjela Balaki yakutya, “Alu ane neza kuwuya kwetu kuli wanhu wangu. Ninga lono nghali sinatuluka, nghukusugula no kukumanyiza, ze Waisilayeli, vyono wolowatendela i wanhu wako mu vilo vyono vikuza.”

Wuwale 31:16

Ninga mukumbucile vyono wo wawa wacekulu wono wagatyatya mafundo ga Balamu, sunga wakawa kuwakwega wanhu wamubedegale Muwaha Mulungu. Na yiyi yikawa yo soko yono yikaleka lihuhuji likawaziza i wanhu wo Mulungu.

Wuwale 31:8

hamonga ne watemi wahano we Wamidiyani, Evi, Lekemu, Zuli, Huli, hamonga na Leba. Wakamuwulaga nhavivilya na Balamu u mwana wa Beyoli.

Matayo 18:7

Woyi he, kuli wenze ku soko ye mewajizo gono gakuwagwisa wanji. Imewajizo gago, heya ganojeye gawe gali baho, ninga woyi he kuli munhu yuyo mono yakugaleta.

Metumo ge Watumwa 15:29

Mulece kulya zindigwa zono zilavigwe so vihwani, mulece kung'wa sakami, mulece kulya nyama ye nimu yono yinyonjigwe, kanyhi mwilegaje no wusenyha. Mowa mwetuma viswanu, hono mulece kwituma zizo. Ale mwikalaje!”

Metumo ge Watumwa 21:25

Ninga kuli walya wono si Wayahudi wono wehuwila, cawandicila, cikawalajiliza, Walece kulya cinhu co cose cono cikumbiciywe milungu yo wulambi, walece kung'wa sakami, walece kulya nyama yono yinyonjigwe, kanyhi weleje mu wusenyha.”

Walumi 11:9

Nayo Dawudi yakutya, “U wulilo wawo wuweze mutego wo kuwagwiza weneco, wagwe no kulipicizwa.

Walumi 14:13

Holeka cilece kwiling'aniza, langa ciyohaje ho cilece kuwa cikobazo hamba hadodo kuli muyetu, hamba kumupela soko yo kwituma wubi.

Walumi 14:21

Yili ciba kuleka kulya nyama, hamba kung'wa divayi, hamba kwituma nghani yo yose yono yosuma kumukobaza u nduguyo ho yagwe.

Walumi 9:32

Ku soko ya hayi? Ku soko i wene wali wetumbiye metumo gawo, siwetumbila u wihuwilo. Wakekobala mu libwe lyo wikobale,

1 Wakolinto 1:23

ninga 'se, cikumuganula Kilisito du mono yatumbikwa mu musalaba. Ninga kuli Wayahudi inghani yiyi, yili cikobazo kuli wene, na kuli iwanhu wono si Wayahudi, inghani yiyi, wulele du kuli wene,

1 Wakolinto 7:2

ninga alu ku soko ye zimbali zo wusenyha, holeka yinojeye u mulume wo wose, yaweze no mugolece wakwe mweneco, no mucekulu wo wose yaweze no mulume wakwe mweneco.

Wahebelaniya 13:4

U wutole wuweze ne cogopo kuli wanhu wose, i walume ne wacekulu yiwanojeye weze wehuwilwa kuli munhu na muyagwe. Hambi u Mulungu nha kowaling'aniza i wanhu we mikalile mibi ne wasenyha.

Yoshuwa 24:9

Nayo Balaki u mwana wa Zipola, u mutemi wa Mowabu, yakehoma nanye, yakategula nghani kuli Balamu u mwana wa Beyoli ho yaze yamulijitenyi 'nye.

1 Petelo 2:8

Kanyhi i Mandiko gakutya, “Libwe lilyo lyo libwe lyo wikobale, litalawe lyo kuwagwisa wanhu.” Ne wanhu wekobalaga vyono siwehuwila inghani yiyilya. Ku soko vyo watemezezwa ku wulawa mwamulizo.

2 Petelo 2:15

Hambi nha wayileka inzila yono yigolocile, wajilila no kuyityatya nzila yono yayityatya Balamu, mwana wa Beyoli, mono yenda yatuje cambuzi mu wituma zo wulambi-lambi,

Yuda 1:11

Woyi he! Iwanhu wawo wakugatyatya i metumo ga Kayini. Nawo weyinjiza mu masutya ga Balamu ku soko ya wenda pesa. Wakondya kuwa wabezi kotya Kola vyono yali mubezi, wakondya kongomezwa nha vyono Kola yongomezwa.

Wugubule 2:20

Ninga nina nghani monga du kuli'gwe, nayo yoyi, Agwe wukumukangalila ayulyo mucekulu mono yakucemwa Yezebeli, mono yakwiyitya mwene yo muwizi wo Mulungu. Mwene yuyo Yezebeli yakuwa kuwafunda, kanyhi yakuwasutizya i wetumami wangu wasenyhe no kulya zindigwa zono zikumbiciywe vihwani.

Wugubule 2:4

Ninga hamba nhavivyo, nina nghani monga du kuli'gwe, vyono agwe alu si wunyendile kanyhi nha ha mwamulizo.

Wugubule 21:8

Ninga i wanhu woga, na wono si wehuwiye, na wono wena metumo ge cikomaza, ne wawulaji, ne wasenyha, ne wahawi, na wono wakuhemba vihwani, sunga ne walambi wose, awo wose lifungu lyawo mugati ye lilamba lyono likwaka moto ne cibiliti, alyo lye'fwa lye kejete.”

Wugubule 22:15

Ninga mabwa, ne wahawi, ne wasenyha, ne wawulaji, ne wahemba vihwani, sunga na wose wono wendile kulonga zo wulambi, wawo wose, si wokwinjilila lukulu mwi'kaya lilyo, langa wokwikala kunze du.