Wugubule 2:12 - Luganuzi Luswanu Kuli Wanhu Wose 2002

¹² “Kuli malayika we likanisa lya Peligamo, wandice nhavi, ‘Ayi yo nghani ya mono yena mumaje mukali kose kose, yakutya,

I CILAGANE CIPYA 1991

¹² “Kuli malayika we likanisa lya Peligamo, wandice nhavi, “Ayi yo nghani ya mono yena mumaje mukali kose kose, yakutya,

Wugubule 2:12 ပူးပေါင်းရင်းမြစ်များ

Isaya 11:4

Langa kolowaling'aniza wasocele ko wiling'ano, no kulamula nghani yo muciwa kwe ling'ani. Nawo wanhu wolowa kulipicizizwa mu wulajilize wakwe, ne wanhu wetuma zimbi wolowulagwa.

Isaya 49:2

Yakazinoza zinghani zangu ziwe kuhoma nho mumaje. Kanyhi yakanyhitila no muwoko wakwe. Yakanoza 'ne niwe nha songa nghali muno yono yiwikanizwe ku wugume.

Wahebelaniya 4:12

Hambi nghani yo Mulungu nha nyumi kanyhi nyitumi, kanyhi nghali yicizize u mumaje mukali kose kose, kanyhi yicinyaga sunga ku wutemanula i nhumbula no Muhe, sunga hono vihanjiye i vilunzwa vyo muwili no musopo. Ne nghani yiyo yisalangulaga u wuhile ne mahweso ga mu zinhumbula ze wanhu.

Wugubule 1:11

Nalyo lizi lilyo likatya, “Wuzandikaje mu citabu cicino zose zono wukuziwona, wugategulile gaga i makanisa mupunghati, ku Efeso, ku Simulina, ku Peligamo, ku Tuwatila, ku Salidisi, ku Filadelifiya, na ku Lawodikeya.”

Wugubule 1:16

Na mu muwoko wakwe wo kulume, yakawa yadinghuye nyelezi mupunghati, na mu mulomo wakwe, mukalawa mumaje mukali kose kose. No wusu wakwe wang'alalaga nhe lizuwa likali.

Wugubule 19:15

No mumaje mukali wukulawa mu mulomo wakwe, nayo kowasumila, we makungugo, u mumaje wuwo. Nayo yo mweneco mono kotema muli wene ne nghome ya cuma, akuno yakuminyila idivayi mu ciya co kuminyila zizabibu ze likuwo liwaha lyo Mulungu u Mudaha Vyose.

Wugubule 19:21

I wasilikale wawo, wakawulagwa ko mumaje wono walawa mu mulomo wa yuyo mono yali yapandile fwalasi. Ne zindeje zose zikalya zinyama ze miwili yawo sunga zikeguta.

Wugubule 2:1

“Kuli malayika we likanisa lya Efeso, wandice nhavi, “ ‘Ayi yo nghani yono yikulawa kuli mwene mono yazibate i zinyelezi mupunghati mu muwoko wakwe wo kulume, mono kajendaga haciligati yo wuwiko we zitala mupunghati ze zahabu.

Wugubule 2:16

Holeka wunene wubi wuwo kanyhi wuwulece. Na hono wulece kunoza nhavivyo, ale nokuza kuli'gwe mbela mbela, nane nokwihoma ne wanhu wawo ko mumaje wono wukulawa mu mulomo wangu.’

Walamuzi 3:16

Nayo Ehudi yaketyanila mumaje wono wali mukali kose kose wina wutali wa sentimeta kotya makumi mahano. Yakewopa mumaje wuwo mu ciwino, wukaninyinila mu cima cakwe co mugulu wo kulume kusi ye myenda yakwe.