Wugubule 18:9 - Luganuzi Luswanu Kuli Wanhu Wose 2002

⁹ I watemi wa kono'nze wono wasenyha nayo, no kwikala nayo mu mikalile yo wiyendeze, wololila, kolo wakuliwona lyosi lye likaya lilyo lyono likuticimila.

I CILAGANE CIPYA 1991

⁹ I watemi wa kononze wono wasenyha nayo, no kwikala nayo mu mikalile yo wiyendeze, wololila citalo, kolo wakuliwona lyosi lye likaya lilyo lyono likuticimila.

Wugubule 18:9 ပူးပေါင်းရင်းမြစ်များ

Mwamulizo 19:28

Nayo lono yali yemile baho, yaza kulanga lubavu lwa ku Sodoma na Gomola na ku lubavu lose lwe lilolo, yakezina muno muno kuwona lyosi lyono lyabitaga kucanyha, lyosi lyono linha lye nyanyilo yiwaha.

Zabuli 58:10

Nawo we ling'ani mbeka wosangalala, lono wakuwona i wabi vyono wakulipicizwa. Nawo wojenda wakugazika, mucanyha ye sakami ye wanhu wabi.

Isaya 13:19

Heya, Babiloni, mbeka wo wutemi wuswanu muno, kanyhi wulawiliciye mu matemi gose. Nawo kanyhi wilumbilaga muli wanhu wayo. Ninga ane no Muwaha Mulungu, nowongomeza nha vyono nayongomeza Sodoma na Gomola!

Isaya 30:33

Ne likombo lyo moto muwaha, lyakondya kuwikanizwa ku wulawa katali, i hanhu hono kolotakamizizwa u mutemi wa Ashuli. Ne likombo lilyo yitali, kanyhi yigazi muno, nalyo limemile lilundo yiwaha lya ngwagu. Nayo Muwaha Mulungu kololyehelela, no mwehelo wakwe wolowa malambi ga moto, gono gololikoleleza moto likombo lilyo.

Yelemiya 50:40

Ne nghani yiyo yokwijela ku Babiloni, nha vyono zejela ku Sodoma na Gomola, lono nazongomezeza, hamonga ne vikaya vyono vyali vili behi behi nazo. Na holowa hasina hamba munhu wo wose, mono kolokwikala mumo kanyhi. Vyo nghutya ane, no Muwaha Mulungu.

Yelemiya 50:46

Na kolo Babiloni yakondya kugwa, yisi yolocicimila lizi lyo wugwe wuwo, ne cililo cayo colohulikwa kutali, sunga ko ku nghungugo zinji.”

Yelemiya 51:8

Woyi hee! Babiloni yigwa no kongomela! Ale, muyilililaje! Alu mulondole miti yo kuzilagulila zinghomele zayo, nha lunji konoga.

Ezekiyeli 27:35

“Ne wanhu wose wono wekaye mu zimhwani, wakucicima so zono zikutujile. Sunga ne watemi wawo wose, wenjilwa no woga, wakununghala na mu wusu wawo.

Danyeli 4:14

Yakalonga kwe 'zi yiwaha yakutya, ‘Wudumulenyi mubici wuwu, mugapilulangaje ne manhambi gayo, muhepe ne mahamha gayo gose, muyiyagaze ne mikalo yayo; muviwinje ne vilimu viwuce mu mubeho wayo, hamonga ne zindeje zono zili mu manhambi gayo.

Wukumbucize wo Wulajilize 29:23

Ne migunda yenyu yolobabala hamba kulela cinji kanyhi, yoloticimizwa no moto we cibiliti no mwino. Yolowa yisina hanji kanyhi hono hosuma kuhadikwa cinhu co cose, hamba mahanze bwete, si galacindika mumo yaye. Yisi yenyu yolokwihwana nhe yisi ya Sodoma na Gomola, hamba nhe yisi ya Adima na Zeboyimu, zono Muwaha Mulungu yazongomeza lono yali yakolwa ne likuwo.

1 Timoteyo 5:11

Ninga wulece kuwandika i wafwile we lizika lidodo, hambi nha kolo i masulumizi gawo ge mumbwa yawo gakucila kuwa ne vilungo muno, si nho wilavye wawo wa kuli Kilisito, baho nha wosaka kutolwa kanyhi,

Wugubule 14:11

Lyosi lyo moto wo wugazwe wawo, lifunghaga cibitilila ne cibitilila. I wanhu wawo langa wono walihembaga lilimu lilyo hamonga ne cihwani calyo, kanyhi wakawicilwa ne citanjilo ce litagwa lyalyo, wawo wolowa wasina wucehe wo wose ku misi na ku cilo.

Wugubule 17:2

Ne watemi wa kono'nze wasenyha nayo, na wono wekaye kono'nze wakawa wang'wela so wung'wa i divayi yo wusenyha wakwe.”

Wugubule 18:18

nawo wali kuliwona lyosi lyo moto wono waliticimiza, nawo wakalila kwe'zi yiwaha muno, akuno wakutya, “Kukali nawa ne likaya lyono linha nhe likaya lilino liwaha!”

Wugubule 18:20

Ale, wusecelele go wulanga ku soko yo wuhodanjice wakwe. Nanye nyo wanhu wo Mulungu, musecelele, nanye nyo watumwa ne wawizi, musecelele nhavivyo! Hambi u Mulungu nha kalilipiciza ku soko ye metumo galyo, gono lyamutendelenyi nyenye!

Wugubule 18:3

Hambi i makungugo gose, nha gakoligwe ku soko ye divayi nghali, yo wusenyha wakwe. Nawo watemi wa kono'nze wasenyha nayo, ne wasuluza wa kono'nze wagolipe ku soko ye mikalile yakwe yo wiyendeze, yono yisina wiyimile.”

Wugubule 18:7

Mumupelaje magazo no wusungu, mu nghango yo wikumye wakwe, mu nghango ye mikalile yakwe yo wiyendeze. Hambi nha yakwiyitya mu nhumbula yakwe, ‘Ane nikaye baha, nili mutemi we cicekulu. Ane si nili mufwile, hamba si nowutuga wusungu!’

Wugubule 19:3

Nawo wakazoza kanyhi wakutya, “Muwaha yalumbwe! Hambi i lyosi lyo moto wono woliticimiza likaya lilyo, nha lyowa kwikala likufungha cibitilila ne cibitilila!”

Wugubule 2:22

Alu, wuhulicize! Neza kumutaga mu citanda, i hanhu hono mwene hamonga na wose wono vyasenyhana nayo, wotuga magazo makali. Heya, ninga nonoza nhavivyo, hono walece kunena metumo gawo mabi gono vyetumana nayo.