Wugubule 18:7 - Luganuzi Luswanu Kuli Wanhu Wose 2002

⁷ Mumupelaje magazo no wusungu, mu nghango yo wikumye wakwe, mu nghango ye mikalile yakwe yo wiyendeze. Hambi nha yakwiyitya mu nhumbula yakwe, ‘Ane nikaye baha, nili mutemi we cicekulu. Ane si nili mufwile, hamba si nowutuga wusungu!’

I CILAGANE CIPYA 1991

⁷ Mumupelaje magazo no wusungu, mu nghango yo wikumye wakwe, ne mikalile yakwe yo wiyendeze. Hambi nha yakwiyitya mu nhumbula yakwe, ‘Ane nikaye baha, ane nili mutemi we cicekulu. Ane si nili mufwile, hamba si nowutuga wusungu!’

Wugubule 18:7 ပူးပေါင်းရင်းမြစ်များ

Zefaniya 2:15

Azi zo zololijelela likaya lyono lina wiwoni wo kwiyitumbila vilungo vyalyo lyeneco, no kwihwesa vyono likaye lipolile. Ne wanhu wayo wakwihwesa vyono likaya lyawo lye 'waha kuciza makaya gose mono yinze yose. Na kumbe wo wambuce wa bwete, hambi nha holopituka hawe wikalo we zinimu za mu mbago! No munhu wo wose mono kokolela baho, kololihoweleza no kusinjisa mutwe wakwe.

I Cililo 1:1

Lanje lu, likaya lili lya Yelusalemi vyono lyekala yiciwa, ninga ho lyali limemile wanhu wenji muno muno. Nalyo lyali lina ne lilumbo yiwaha mono yinze yose, ninga alu mulanje, lyehwana no mucekulu mufwile. Na mu makaya gose, lyene lyali nho mwana we cicekulu wo mutemi. Ninga alu lyakondya kusolwa no kutegulwa ku wuwanda.

Yelemiya 13:18

U Muwaha Mulungu yakanonjela kanyhi yakatya, “Wubite wumulonjele mutemi, hamonga no nyina, wawuce mu magoda gawo go wutemi. Hambi i vipombelo viswanu mu mitwe yawo, nha vyakondya kuwopozwa mu mitwe yawo.

Zabuli 45:9

Ne wana we cicekulu we watemi, wo wamonga, na wawo wono wakukuhinjiliza, no mugolece wo wutemi, yemile ku muwoko wako wo kulume, yavwalile wihambo we zahabu za Ofili.

Zabuli 10:6

Nayo kehwesaga mu nhumbula yakwe, “Ane si nokwihwelela cinji, hamba sinotuga magayo mu mikalile yangu.”

Obadiya 1:3

Hambi wiwoni wako nha wakukonga, mono wikaye mwi'kaya liwaha lyono lipilimwe ne magomawakali ge mabwe, wikalo wako wono wuli mucanyha ye matunda, holeka go mweneco wukutya, ‘Nani 'mbi mono kosuma kunhimya hasi?’

1 Timoteyo 5:11

Ninga wulece kuwandika i wafwile we lizika lidodo, hambi nha kolo i masulumizi gawo ge mumbwa yawo gakucila kuwa ne vilungo muno, si nho wilavye wawo wa kuli Kilisito, baho nha wosaka kutolwa kanyhi,

Wugubule 18:3

Hambi i makungugo gose, nha gakoligwe ku soko ye divayi nghali, yo wusenyha wakwe. Nawo watemi wa kono'nze wasenyha nayo, ne wasuluza wa kono'nze wagolipe ku soko ye mikalile yakwe yo wiyendeze, yono yisina wiyimile.”

Wugubule 18:9

I watemi wa kono'nze wono wasenyha nayo, no kwikala nayo mu mikalile yo wiyendeze, wololila, kolo wakuliwona lyosi lye likaya lilyo lyono likuticimila.

Esita 6:10

Lulo lulo mutemi yakamutya Hamani, “Ale mbela, wusole vivwalo vyo wutemi, hamonga ne Fwalasi, wukamupele Moledekayi u Muyahudi lilumbo lilyo. Wumunozeze zose zono wulonjile, yilece kucepuka hamba nghani monga. Komwagana mwene yali ahalya ha mulango we likaya.”

Ezekiyeli 23:34

Heya kocing'wa hamba si kosigaza cinji mugati yaco, kovitafunya ne vibada vyayo, ne matombo gako kogazewanga. Vyo nalonga ane no Muwaha Mulungu.”