Wugubule 18:4 - Luganuzi Luswanu Kuli Wanhu Wose 2002

⁴ Nghahulika lizi linji likulawa ku wulanga likutya, “Anye nyo wanhu wangu, muwuce muli mwene, ho mulece kuhanga nayo mu wubi wakwe, ho mulece kuwutuga u wulipicizwe wakwe.

I CILAGANE CIPYA 1991

⁴ Nghahulika lizi linji likulawa ku wulanga likutya, “Anye nyo wanhu wangu, muwuce muli mwene, ho mulece kuhanga nayo mu wubi wakwe, ho mulece kuwutuga u wulipicizwe wakwe.

Wugubule 18:4 ပူးပေါင်းရင်းမြစ်များ

Mwamulizo 19:14

Hodu Loti yakawa kuwabitila i wazelelo wono wasakaga kuwatola i wahinza wakwe, yakawatya, “Ale mulawile muwuce bahano mbela mbela! Hambi u Muwaha Mulungu nha kolyongomeza likaya lili lulu baha.” Ninga wene wakamuwona nha munhu mono yakwizawa du.

Zabuli 50:18

Agwe hono wumuwone munhu muhizi, hodu du, mwelumbaniza nayo, sunga ne wasenyha mukuhanga nawo.”

Isaya 48:20

Ale muwuce mu Babiloni, mutize! Muziganule zinghani zizo na nyemo, muzimanyize hanhu hose muwe kutya, “U Muwaha Mulungu kakondya kuwaponya Isilayeli i wetumami wakwe!”

Isaya 52:11

Mumanye vyono wose mwakondya kuwuka mu Babiloni, anye wose mono muvidinghulaga viya vye Nyumba yo Mulungu! Kanyhi mulecele lukulu ku vipamiza vinhu vyavu, Mutuluce muwuce, akuno mwelile.

Yelemiya 50:8

“Nye nyo wanhu wa Isilayeli, ale mutize muwuce kuko ku Babiloni! Muwuce mumo! Mweze nyenye walongozi kuwuka!

Yelemiya 51:45

Nawo i wanhu wa Isilayeli wakondya kutiza! Nye nyo wanhu wangu, mutize, mwiponye nhumbula zenyu ne likuwo lyangu likali.

Yelemiya 51:50

U Muwaha Mulungu yakuwalonjela wanhu wakwe wono wali ku Babiloni, yakutya nhavi, “Nanye, vyono mwakondya kupona mwi'fwa, alu mutuluce mubite! Mulece kanyhi kulindila! Hamba muwe muli kutali muno na ku zikwenyu, ninga 'nye munyitumbile nene du, ane no Muwaha Mulungu wenyu. Kanyhi muyikumbucilaje na Yelusalemi.

Yelemiya 51:6

Mutize wulawa mu Babiloni! Munhu yeponye nhumbula yakwe! Mulece kutamisizwa lukulu so wubi wa Babiloni. Hambi nha go madaha gangu luno, go kwilipiciza cilipicizo cangu kuli wene, nha vyono yiwanojeye.

Yelemiya 51:9

Nawo iwajenzi wono wekalaga mumo mu Babiloni, wakutya nhavi. Nase cajela muno kuyitaza Babiloni, ninga cikawa cacela. Holeka luno, yicinojeye hodu ciyilece, ciwuce ciwuye ku zikwetu. Hambi u Mulungu nha yakondya kuyilipiciziza Babiloni mu vilungo vyakwe vyose, no kuyongomezeza lukulu.”

Matayo 23:30

Akuno mukutya, ‘Ase mhali cali ciwe cili womi mu vilo vye wakuku zetu, si cali cilumbanize nawo no kuwawulaga iwawizi.’

2 Wakolinto 6:17

Holeka u Muwaha kanyhi yakutya, “Ale muwuce muli wene, mweze musiwanuce mulece kupamiziza lukulu cinhu cavu nane ho nomubocelenyi.

1 Timoteyo 5:22

Kanyhi wulece kumuwicila miwoko munhu wo wose musunho, ku soko yo kumwitumamila Muwaha. Wulece kuhanga u wubi we wanji, langa wikamisaje welile mu nhumbula yako.

2 Yohana 1:11

Hambi mono yakumulamusa nha yakuhanga nayo mu metumo gakwe mabi.