Wugubule 18:3 - Luganuzi Luswanu Kuli Wanhu Wose 2002

³ Hambi i makungugo gose, nha gakoligwe ku soko ye divayi nghali, yo wusenyha wakwe. Nawo watemi wa kono'nze wasenyha nayo, ne wasuluza wa kono'nze wagolipe ku soko ye mikalile yakwe yo wiyendeze, yono yisina wiyimile.”

I CILAGANE CIPYA 1991

³ Hambi i makungugo gose nha gakoligwe ku soko ye divayi yi nghali yo wusenyha wakwe. Nawo watemi wa kononze wanoza wusenyha nayo, ne wasuluza wa kononze wagolipe ku soko ye mikalile yakwe yo wiyendeze, yono yisina wiyimile.”

Wugubule 18:3 ပူးပေါင်းရင်းမြစ်များ

Isaya 47:15

Na zizo zo swanu zono wolokutendela wawo waganga wono kwikalaga wuwetumbiye mu mikalile yako yose. Ninga wumanye nha vyono wawo wose, wolokuleka wuli wene, wawe kubita munhu kwakwe, munhu kwakwe, na holowa hasina hamba monga mono kolosigala ho yakuponye.”

Yelemiya 51:34

U mutemi Nebukadineza wa Babiloni, kalihodanga likaya lya Yelusalemi no kulinoza liwa nha ciya cono cili bwete, liwa nha limeligwe na nzoka. Yakasola vyose vyono yasakaga mwene, na vyono vyasigala, yakavitaga kutali.

Yelemiya 51:7

Babiloni, yali nha cikombe ca zahabu mu muwoko wangu, cono cawang'wesaga i wanhu wose wa mono'nze sunga wagala. Nago makungugo, gakaying'wa divayi yiyo, gakagala, sunga ne mahala gawo gakajilila.

I Cililo 4:5

Sunga ne wanhu wono walizaga ndigwa swanu, wose nha wafwila mu zinzila ku soko ye nzala. Na wono wekalaga wamotile, alu wakugaya so wulondola ndigwa.

Nahumu 3:4

Ninawi u musenyha yakondya kulipicizwa. Hambi nha yakwendezwa no wuwulaji, mono yakugakwega makungugo no kugatajila mu wuwanda.

Luka 7:25

Ninga mwabitaga kulanga cici? Mwabitaga kumuwona munhu mono yavwalile vivwalo vye cimalidadi? Lanjenyi, wono wena vivwalo vyo lukumyo, no kwikala mu mikalile yo wumote wa za mononze, wekalaga mu zinyumba ze watemi!

1 Timoteyo 5:11

Ninga wulece kuwandika i wafwile we lizika lidodo, hambi nha kolo i masulumizi gawo ge mumbwa yawo gakucila kuwa ne vilungo muno, si nho wilavye wawo wa kuli Kilisito, baho nha wosaka kutolwa kanyhi,

Wugubule 14:8

Malayika we kejete nayo, yakamutyatya yu yulya mulongozi yakutya, “Woyi, lyagwa! Heya, lyagwa nye, li Babiloni liwaha lyagwa! Li Babiloni lyono lyawang'wesaga divayi yalyo, wanhu wose we makungugo gose, divayi yono nghali, divayi yo wusenyha walyo!”

Wugubule 17:2

Ne watemi wa kono'nze wasenyha nayo, na wono wekaye kono'nze wakawa wang'wela so wung'wa i divayi yo wusenyha wakwe.”

Wugubule 18:19

Nawo wakeyitila manghundi mu mitwe yawo, akuno wakulila muno muno kwe mazi mawaha, wakutya, “Woyi he! Kuli'gwe go 'likaya liwaha! Lye kaya lyono wose wanye zingalawa zono zikujendela mwi'lenga mo wagolipila, so wugoli walyo. Ninga wakondya kwajiliza i vinhu vyawo vyose mwi'pango lya saa monga du!”

Wugubule 18:23

No wuzelu we tala si wokwijela kanyhi mugati yako, hamba mazi ge wa bwana halusi na bibi halusi nago si gohulikwa muli gwegwe kanyhi. Ne wasuluza wako wali wo wawaha kononze kose, na ku soko yo wuhawi wako, i makungugo gose gakakongwa.”

Wugubule 18:7

Mumupelaje magazo no wusungu, mu nghango yo wikumye wakwe, mu nghango ye mikalile yakwe yo wiyendeze. Hambi nha yakwiyitya mu nhumbula yakwe, ‘Ane nikaye baha, nili mutemi we cicekulu. Ane si nili mufwile, hamba si nowutuga wusungu!’

Wugubule 18:9

I watemi wa kono'nze wono wasenyha nayo, no kwikala nayo mu mikalile yo wiyendeze, wololila, kolo wakuliwona lyosi lye likaya lilyo lyono likuticimila.