Wugubule 17:8 - Luganuzi Luswanu Kuli Wanhu Wose 2002

⁸ I lilimu lilyo lyono wuliwene, lyono lyali lyumi hamwamulizo, ninga aluno lyakondya kufwa. Ninga hamba nhavivyo, lili behi lyonanuka kulawa kwikombo lyo wuninyina, ninga lyokongomezwa. Na wono wekaye kono'nze, wokwizina, heya, wanhu wose wono i matagwa gawo si gandikwa mu citabu co wumi ku wulawa mwamulizo we'nze, wokwizina muno muno kolo wakuliwona i lilimu lilyo lyono ha mwamulizo lyali lyumi, hanyuma likafwa, na aluno likwijela kanyhi!

I CILAGANE CIPYA 1991

⁸ I lilimu lilyo lyono wuliwene lyono lyali lyumi hamwamulizo, ninga aluno lyakondya kufwa. Ninga hamba nha vivyo, lili behi lyonanuka kulawa kwikombo lyo wuninyina, ninga lyokongomezwa. Na wono wekaye kononze, wokwizina, heya, wanhu wose wono i matagwa gawo si gandikwa mu citabu co wumi ku wulawa mwamulizo weʼnze, wokwizina muno muno kolo wakuliwona i lilimu lilyo lyono ha mwamulizo lyali lyumi, hanyuma likafwa, na aluno likwijela kanyhi!

Wugubule 17:8 ပူးပေါင်းရင်းမြစ်များ

Zabuli 69:28

Wuwapatilaje lukulu mu citabu ce womi, walece kuwa mwi'walo lya we ling'ani.

Danyeli 11:45

Kologahoma sunga ne mahema gakwe mawaha muno ge citemi-temi, haciligati ye lilenga ne litunda lyono lizenjigwe Nyumba yo Mulungu. Ninga hamba nhavivyo, vyo kolofwa du, na holowa baho, hasina hamba munhu wo wose mono kolomutaza.”

Danyeli 7:11

Na lono nali nghali nanjile, nghahulika lihembe lililya lidodo, likwilumba no kwikumya lyeneco. Na lono nali nghali njendeleye kulanga du, nghawona lilimu lililya lye kane likuwulagwa, no mudunhu walyo, wukugumilwa mu malambi go moto no kongojezezwa lukulu.

Danyeli 7:26

Nago mahakama ga ku wulanga, go gololavya u wuling'anizi, gomuwusiza vilungo vyakwe no kumongomezeza lukulu.

Danyeli 7:3

Hobaho malimu mawaha mane, gakebuka mucanyha ye lilenga. Nago gose gali gesimajiye hwani yago.

Danyeli 7:7

Na lono nali nghali kanyhi nanjile, nghawona lilimu lye kane, lyali lina vilungo viwaha, lina wusume kanyhi lya kogofya. Nalyo lyali lina meno ga cuma, likalya no kubenanjiza, na vyono vyali visigaye likavikanyanjiza ne migulu yalyo. Nalyo lyali lisimajiye ne malimu mayagwe, kanyhi lyali lina mahembe yikumi.

Matayo 25:34

Hanyuma u mutemi ho kowalonjela awalya wono wali ku lubavu lo muwoko wakwe wo kulume yakutya, ‘Muze anye mono mwalugutizwa na Baba, mubocele u Wutemi wono mwawikanizizwa ku wulawa wuwumbwe we yinze.

Luka 10:20

Hamba nhavivyo, mulece kusecelela vyono macisi gakumuhulicenyi; langa musecelele vyono matagwa genyu gandikwa ku wulanga.”

Luka 8:31

Gago macisi gakamunena Yesu yalece kugalajiliza gawuce no kwajilila mwikombo lyono lisina mudumo.

Yohana 17:24

“Baba, wono wamhela, nghuhila, wawe hono ho nili nene, ho waluwone ulukumyo lwangu lono wamhela, hambi nha wanyenda ane hamba lono yinze yali yikali nawumbwa.

Metumo ge Watumwa 15:18

Vyo yakutyo Muwaha, mono yayinoza nghani yiyi yikumuce kulawa katali.’

Waefeso 1:4

U Mulungu yacihagula lono yinze yali yikali si nawumbwa, ho ciwe cili wakwe mu wilunza na Kilisito, ho ciwe celile mono cisina hamba yilema hali mwene, ku soko yo wendo wakwe.

Tito 1:2

wono u musinji wayo wo wowitumbilo wo kuwutujila u wumi we cibitilila. U Mulungu mono si kalongaga wulambi, yacihuwiziza u wumi wuwo mu myaka ye katali lono yali yikali si nawa,

1 Petelo 1:20

Umwene yali yahaguywe no Mulungu lono yinze yali yikali nawumbwa, yakagubulwa mu vilo vivi vye ndumo ku soko ya nyenye.

Wugubule 11:7

Ninga kolo weza wakondya kuyiganula nghani yiyo yo Mulungu, nimu yono yolawila mwikombo lyo wuninyina, yokwihoma nawo, nayo yowasumiza no kuwawulaga.

Wugubule 17:11

Ne lilimu lilyo lyono lyali lyumi ha mwamulizo, alu si lyumi kanyhi, yo mutemi wo munana, ninga nayo yo yumonga na awalya i watemi wo mupunghati, ninga nayo yakubita ku wajilile.

Wugubule 17:2

Ne watemi wa kono'nze wasenyha nayo, na wono wekaye kono'nze wakawa wang'wela so wung'wa i divayi yo wusenyha wakwe.”

Wugubule 20:10

Na Setani mono yawakongaga, yakagumilwa mwi'lamba lyono likwaka moto we cibiliti, mumo mono molili alilya lilimu, hamonga no muwizi wo wulambi, nawo wowa kugazwa misi ne cilo, cibitilila ne cibitilila.

Wugubule 20:12

Nane nghawona i wafu wawaha ne wadodo, wemile he'goda lyo wutemi, ne vitabu vikagubulwa. Hanyuma citabu cinji, i citabu co wumi, naco nhavivyo cikagubulwa. Iwafu wakaling'anizwa nha vyono genha metumo gawo, nha vyono yandikwe mu vitabu vivyo.

Wugubule 20:15

No munhu wo wose mono litagwa lyakwe si lyejela lyandikwe mu citabu co wumi, u munhu yuyo yagumilwa mwilamba lyo moto.

Wugubule 3:10

Vyono agwe wakamisa i lilajilizo lyangu lyo wukangalile, ale nhavivyo nane nokukamisa mwi'pango lyo wugaye lyono likuwaziza wa kono'nze wose, no kuwajela wono wekaye mono'nze wose.

Wugubule 3:5

“Nawo wono wosuma, wovwikwa vivwalo vizelu nhavivi. Nane hamba si nogapatila lukulu i matagwa gawo mu citabu co wumi, kanyhi nowavumilila hali Baba na hali wamalayika wakwe, vyono wangu.