Wugubule 17:4 - Luganuzi Luswanu Kuli Wanhu Wose 2002

⁴ No mucekulu yuyo yali yavwalile civwalo ce liwala lyo lugandu ne ndunghu, kanyhi yali yehambile zahabu, ne mabwe go wuguzi wukamu ne zilulu. Na mu muwoko wakwe yali yebate cikombe ca zahabu, cono cali cimemile makomaza, hamonga ne makani mabi, gono gakuwulajila wusenyha wakwe.

I CILAGANE CIPYA 1991

⁴ No mucekulu yuyo yali yavwalile civwalo ce liwala lyo lugandu ne ndunghu, kanyhi yali yehambile zahabu, ne mabwe go wuguzi wukamu ne zilulu. Na mu muwoko wakwe yali yebate cikombe ca zahabu cono cali cimemile makomaza hamonga ne makani mabi gono gakuwulajila wusenyha wakwe.

Wugubule 17:4 ပူးပေါင်းရင်းမြစ်များ

1 Watemi 14:24

Ne nghani yono yali 'mbi muno, hakawa ho wali walume wono wagonaga ne walume wayawo, hamonga ne wacekulu wasenyha, wono wetumamaga mu wuhembelo we milungu yo wulambi. I wanhu wa Yuda waketuma makani ga cevu muno, gono wetumaga i wanhu wono Muwaha Mulungu yawawinga mu yisi, lono Waisilayeli wenjilaga mu yisi yiyo.

2 Watemi 21:2

Ninga Manase yetuma wubi hali Muwaha Mulungu, so wituma makani ge liwifyo, gono wetumaga we zinghungugo, zono Muwaha Mulungu yaziwinga mu yisi, lono wanhu wakwe wenjilaga mumo.

Ezila 9:11

gono wacipelela mu nzila ye wawizi. Wakacilonjela vyono, yisi yono cobita cikayiteme, yo yisi yo wubi winji, ku soko i wanhu wono wekalaga mumo, wali wakondya kuyimemya wubi, hamonga ne makomaza.

Isaya 66:3

“Hambi i wanhu nha wetumaga nha vyono wendile weneco. Hambi wene nha wakuwona co cimonga du, hono mu makumbiko gawo wawulaje ng'ombe hamba munhu, hamba wawulaje ngholo, hamba kubena singo ye 'mbwa, hamba hono walavye cilavywa co wusaje, hamba sakami ye magubi, hamba na hono walavye wuvumba, hamba wavitogoze vihwani. Heya! Wene wendile zinzila zono ziwuhodangaga wuhembi.

Yelemiya 51:7

Babiloni, yali nha cikombe ca zahabu mu muwoko wangu, cono cawang'wesaga i wanhu wose wa mono'nze sunga wagala. Nago makungugo, gakaying'wa divayi yiyo, gakagala, sunga ne mahala gawo gakajilila.

I Cililo 1:9

No wubi wakwe wijeye calinze, ninga mwene yakwilajila nha kotya si yali muli zizo yaye. Holeka ku soko yiyo, no wugwe wakwe wa mbuko, hamba hasina mono kosuma kumusindamika yaye. Ne walugu wakwe wamusuma, nalu mwene yakumulilila Muwaha Mulungu yamuwonele lusungu.

Ezekiyeli 20:30

Holeka luno, wuwalonjele Waisilayeli zono nghulonga ane nene Muwaha Mulungu, nghutya, alu nhawulenyi nanye mukwituma u wubi wuwulya du, wono sunga ne walezi wenyu wetumaga, no kuvihemba vihwani vyawo?

Ezekiyeli 24:11

Hanyuma wuyijelece mu moto yiyo sufuliya ye shaba, yono yisina cinji mugati yayo, wuyilece yipye sunga yidunghuwale. Nawo wavufwe wayo, hamonga ne nghangaga yayo, vyowa vyakondya kukongojela, nayo yowa yezwa kanyhi,

Ezekiyeli 24:13

Gwe Yelusalemi, i metumo gako go wusenyha, gakondya kukwavufya. Nane hamba niwe najela kukweza, ninga hamba nhavivyo vyo wukali si nela yaye. Nane manyile nha vyono si kokwelela lukulu, sunga langa kolo wakondya kuwuwona wukali we likuwo lyangu.

Ezekiyeli 28:13

Hambi nha wekalaga mu Adeni, busitani yo Mulungu, wavwalaga vibwe vye mawala gose vyo wuguzi wukamu, ne yakuti, ne alimasi, ne belulo, na zumaladi, na shohamu, na yashibu, ne yakuti-samawi, na zumaladi ne bahalamani, ne zahabu. Na vyose vivyo, wakunozeza gwegwe mwi'zuwa lyono wawumbilwa.

Ezekiyeli 36:25

Nomumizizenyi malenga maswanu, nimwezenyi mu wavufywe wenyu, ku soko yo wuhemba vihwani wenyu, hamonga ne makani menji du mabi gono gamwavufyajenyi.

Danyeli 11:38

Ninga langa, mwene koloyipela cogopo i milungu yono yigadimaga magomawakali du i milungu yono ne i walezi wakwe si wayihemba yaye. Kanyhi koyilavizya milungu yiyo zahabu, na fweza, ne vibwe vyo wuguzi wukamu, hamonga ne vipegwa vinji vinji vyo wugoli.

Hoseya 9:10

Muwaha Mulungu yakutya, “Ha mwamulizo lono namwaganila Isilayeli, yikawa nha mbwene zabibu zono zikuwilucila mu nyika. Na lono nawawonela walezi wawo ha mwamulizo, nali nha mbwene mikalo yo mukuyu, yono yipiliye mu cipango cayo. Ninga wali weza kuza kwi'tunda lya Peyoli, wakawa kwanza kumuhemba Baali. Ninga kanyhi hadodo bwete, wakawa kuyisemuna yiyo milungu yono wali wayendile.

Wukumbucize wo Wulajilize 29:17

Mwaviwona i vihwani vyawo vinozwe kwe mabici hamba kwe mabwe, hamba kwa fweza, hamba kwa zahabu.

Wugubule 14:8

Malayika we kejete nayo, yakamutyatya yu yulya mulongozi yakutya, “Woyi, lyagwa! Heya, lyagwa nye, li Babiloni liwaha lyagwa! Li Babiloni lyono lyawang'wesaga divayi yalyo, wanhu wose we makungugo gose, divayi yono nghali, divayi yo wusenyha walyo!”

Wugubule 18:12

hasina kanyhi mono kogula zizahabu zawo, hamba fweza zawo, hamba mabwe gawo go wuguzi wukamu, hamba zilulu zawo, hamba bafuta ne myenda ye liwala lyo lugandu, hamba halili yawo ne myenda midunghu, ne viya vyose vye mawala gose ge mabici ge nghulunje, hamba viya vye mahembe ge zinhembo, hamba cuma ne malumalu,

Wugubule 18:16

akuno wakutya, “Woyi he! Woyi he kuli'gwe go likaya liwaha. Wali wazowela kuvwala myenda ye bafuta ze liwala lyo lugandu ne ndunghu, hamonga no kwihamba kwe zizahabu, ne mabwe go wuguzi wukamu ne zilulu!”

Wugubule 19:2

Hambi ining'aniza yakwe nha ya mbeka kanyhi ye ling'ani. Hambi nha kamuling'aniza u musenyha muwaha, mono yali yakondya kuyajiliza yinze ku so wusenyha wakwe. U Mulungu kamuling'aniza yuyo Babiloni likaya liwaha, vyono lyawawulaga i wetumami wakwe!”

Wugubule 21:21

Nayo i milango yiyilya yikumi na myejete, zali lulu yikumi na nyejete, i milango yose yali yina mulango na lulu monga. Ne libalabala liwaha lye likaya, lyali yinozezwe zahabu swanu, yono yikung'alala nha cilole.

Wugubule 9:21

Hamba si wanena no kuwuleka wuwulaji wono wakwituma, hamonga no wuhawi wawo, hamonga no wusenyha wawo, sunga no wuhizi wawo.