Wugubule 17:1 - Luganuzi Luswanu Kuli Wanhu Wose 2002

¹ Yumonga wa muli wa walya wamalayika mupunghati wono wali wene mabakuli, yakanyiziza, yakanonjela yakutya, “Ta wuze! Nane nokulajila u wulipicizwe wono yapejigwe ayulyo u musenyha muwaha, i likaya alilya liwaha, lyono lizenjigwe behi ye makolongo menji.

I CILAGANE CIPYA 1991

¹ Yumonga wa muli wa walya wamalayika mupunghati wono wali wene mabakuli, yakanyiziza yakanonjela yakutya, “Ta wuze! Nane nokulajila u wulipicizwe wono yapejigwe ayulyo u musenyha muwaha, i likaya alilye liwaha lyono lizenjigwe behi ye makolongo menji.

Wugubule 17:1 ပူးပေါင်းရင်းမြစ်များ

Isaya 1:21

Ati, ta, mulanje! Likaya lyono lyali yihuwilwa, alu lyeza yikaya lyo wusenyha! Na kumbe mu mapango ganji, ho lyali limemile wanhu we ling'ani. Ninga lu mulanje, lyekala ne wanhu wawulaji du.

Isaya 57:3

Ninga anye nyo wabi, muze ho muling'anizwe! Hambi nha muli wabi kuciza no muhawi, hamba no musenyha hamba no mucekulu malaya.

Yelemiya 2:20

U Muwaha Mulungu yakutya nhavi, “Agwe Isilayeli, wulawa katali walema wutonji wangu, wukalema kuhulika 'ne no kuhemba nene. Langa wukawa kubita mwi'tunda litali, na mu masina ge mabici gono gadedewaye, wukawa kuhemba i milungu yinji.

Yelemiya 51:13

Alu, mulanje ta, yisi yono yina makolongo menji, hamonga no wugoli wuwaha, ninga cipango cayo cakondya kuza, co mudumo wayo.

Ezekiyeli 31:4

Hakawa ho gali ne malenga go kuwuwilusa. Na kusi yayo, vikolongo vyo kuwulisa. Navyo vikawa vikumwajila malenga i hanhu hono mubici wali wucindice. No kutegula malenga mu mabici gose ga mu mbago.

Luka 24:32

Wakeyitya, “Wule 'ti, zinhumbula zetu si zali nha zikwaka muli'se lono yali kulongana nase mu nzila, na lono yali kuciloloseza ze mandiko?”

Luka 9:30

Na kumbe, wanhu walume wejete wakejela, wakalongana nayo, nawo wali wa Musa na Eliya,

Wugubule 1:1

Citabu acino, co cina zinghani ze metumo gono gagubulwa na Yesu Kilisito. U Mulungu yamugubulila Kilisito u wugubule wu wuno, ho yawalajile i wetumami wakwe zinghani zono si zotinya kwijela. Kilisito yamutuma malayika wakwe yamumanyize Yohana u mwitumami wakwe, i zinghani zizino,

Wugubule 15:1

Hanyuma, nghawona citanjilo cinji ku wulanga, citanjilo ciwaha muno, kanyhi ca wizine. Baho hali na wamalayika wali mupunghati, wena magazo mupunghati ge ndumilizo. Ne likuwo lyo Mulungu lyomalicila mu magazo gago mupunghati.

Wugubule 16:19

Ne likaya lililye liwaha likatemanulwa hali hadatu, ne makaya ga we makungugo gakagwa. Likaya liwaha lya Babiloni, Mulungu hamba si yalisemwa yaye. Yakaling'wesa i cikombe ce divayi ye likuwo lyakwe.

Wugubule 18:1

Hanyuma ya zizi, nghamuwona malayika yunji yakutima kulawa ku wulanga. Yali yena vilungo viwaha, ne yinze yikamulikwa so wung'alale wakwe.

Wugubule 19:2

Hambi ining'aniza yakwe nha ya mbeka kanyhi ye ling'ani. Hambi nha kamuling'aniza u musenyha muwaha, mono yali yakondya kuyajiliza yinze ku so wusenyha wakwe. U Mulungu kamuling'aniza yuyo Babiloni likaya liwaha, vyono lyawawulaga i wetumami wakwe!”

Wugubule 19:9

Nayo malayika yakanonjela yakutya, “Wuzandikaje azino, Wamoti wono wacemeywe ku zindigwa ze halusi yo Mwana we ngholo!” Yakanonjela kanyhi yakutya, “Zizo zo nghani ze mbeka yo Mulungu.”

Wugubule 21:15

Yuyulya malayika nayo, mono yalongana nane, yali yena cibici ca zahabu co kupimila, ho yalipime likaya lilyo, hamonga ne milango yayo, ne majinji gayo.

Wugubule 21:9

Hanyuma, yunji wa muli wawalya wamalayika mupunghati, wono wali wena agalya mabakuli mupunghati, gono gali gamemile imagazo mupunghati go mudumo, yakanyiziza yakanyitya, “Nzoo kuno! Nane nokulajila bibi halusi, u mugolece wo Mwana we ngholo!”

Wugubule 4:1

Hanyuma ya zizi, nghalanga, nghawona mulango wono wuli mwazi ku wulanga. Ne lizi lililya lyono nalihulika hamwamulizo, lyono lyali nha mulilo wa ndulele, likatya, “Wuze ahano hono kacanyha, nane nokulajila zinghani zono zilejela hanyuma.”