Wugubule 15:4 - Luganuzi Luswanu Kuli Wanhu Wose 2002

⁴ Go Muwaha, alo nani'mbi mono si yakogopile gwegwe? Hamba nani'mbi mono si yakulikumya ilitagwa lyako? Agwe yo gwegwe mono welile du wuli wene. Ne makungugo gose gokuza kwako ho gakuhembe, hambi i metumo gako, nha gali ling'ani kanyhi gejeye ne wanhu wose.”

I CILAGANE CIPYA 1991

⁴ Go Muwaha, alo naniʼmbi mono si yakogopile gwegwe? Hamba naniʼmbi mono si yakulikumya ilitagwa lyako? Agwe yo gwegwe mono welile du wuli wene. Ne makungugo gose gokuza kwako ho gakuhembe, hambi i metumo gako, nha gali lingʼani kanyhi gejeye ne wanhu wose.”

Wugubule 15:4 ပူးပေါင်းရင်းမြစ်များ

Zabuli 105:7

Muwaha Mulungu, yo Mulungu wetu, ne malajilizo gakwe gali vilungo mono'nze mose.

Zabuli 111:9

Mwene yawakomboza wanhu wakwe, kanyhi yakanoza cilagane nawo ce cibitilila. Mwene yelile, kanyhi wa kogofya muno muno.

Zabuli 22:23

“Ale, mumupelaje lukumyo, anye mo wetumami wo Muwaha Mulungu! Nanye mo lulelo lwa Yakobo, mumutogozaje Mulungu, nanye mo wanhu wose wa Isilayeli, mumuhembaje.

Zabuli 22:27

Ne yinze yose yokumbucila, no kumuwuyila Muwaha Mulungu, ne zimhuga zose ze makungugo, zomuhemba.

Zabuli 22:3

Hamba nhavivyo, agwe welile; mono wanhu wa Isilayeli wakukukumya.

Zabuli 86:9

I makungugo gose gono wagawumba, gokuza no kukuhemba gwegwe, 'gwe go Muwaha Mulungu, nago gokwanza zo wuwaha we litagwa lyako.

Zabuli 89:7

Agwe wogopwe mu wihangulize wa wono welile, na wose wono wakupilime, wakukupela lilumbo, kanyhi wakogopile.

Zabuli 97:8

Wanhu wa ku Sayuni waseceleye, ne makaya gose ga Yuda nago gakusangalala, ku soko yo wuling'anizi wako go Muwaha Mulungu.

Zabuli 99:5

Mukumyenyi Muwaha Mulungu, u Mulungu wetu, mugwe funama hali mwene. Hambi Mono Yelile, nha yo mweneco du!

Zabuli 99:9

Mukumyenyi Muwaha Mulungu, u Mulungu wetu, muhembe mwi'tunda lyakwe lyono lyelile! Muwaha Mulungu, u Mulungu wetu mwene, yo Mulungu mono yelile.

Isaya 24:15

nawo wono wekaye ku lubavu lwa kucilima, wolomukumya mwene. Nawo i wanhu wono wekaye mu mwalambalo we lilenga, wolomukumya Muwaha Mulungu, u Mulungu wa Isilayeli.

Isaya 25:3

Ne wanhu we makungugo ge vilungo wokukumya gwegwe ne makaya ge makungugo gose magazi, gokogopa gwegwe.

Isaya 26:9

Nane nikalaga nghukwihwesa gwegwe du cilo cose kwe nhumbula yangu yose, nagwe kolo wukuyiling'aniza yinze hamonga ne wanhu wayo, baho ho wolomanyila ze ling'ani yako vyono yinha.

Isaya 45:23

No wihuwizo wangu wa mbeka, hamba si wopituka yaye. Kanyhi nelahiza, nghehuwiza ko mulomo wangu nha vyono wanhu wose wolokuza wafugamile nene, wehuwize nha vyono wowa wali cihuliko kuli'ne.

Isaya 57:15

“Hambi ane, nha yonene u Mulungu mono yelile, mono nikalaga cibitilila. Nikalaga i hanhu hono henuce na hono helile. Ninga hamba nhavivyo, nikalaga hamonga ne wanhu wenenenyhezi, kanyhi wono wakondizye kunena. Ho niwasikamye vilungo vyawo vya mu nhumbula, hamonga no witumbilo.

Isaya 6:3

Ne Wamalayika wawo wakawa wakwimba wakwiboceza, wakutya, “Welile, welile, welile! Go Muwaha Mulungu we mihanga. Ne yinze yose nha yimemile nhojo yako.”

Isaya 60:5

Nagwe koloziwona zizi, ko wusangalale wuwaha Ne nhumbula yako yolomema nyemo hamonga no wucicime. Ne sawo yose ye makungugo gose, kololetelwa gwegwe. Sunga ne wugoli wawo wose wolokuziza gwegwe ku wulawa ku nhumbi ye lilenga.

Yelemiya 10:7

Hamba nani 'mbi kanyhi, mono si kakogopaga gwegwe go mutemi we makungugo gose? Yo gwegwe du wuli wene mono wunojeye kogopwa, hambi nha hasina yunji wo wose, mono yehwanile gwegwe, muli we mahala wose wa mu makungugo, hamba muli watemi wawo.

Yelemiya 16:19

Gwe o Muwaha Mulungu, yo gwegwe du mono kundimaga, no kumhela vilungo, kanyhi yo gwegwe du mono kumhelaga wutazi mu mapango go wugaye. Ne makungugo nha golokuziza gakulawa mu zimhelo zose ze yinze wawe kutya, “I walezi wetu hamba si wahala cinji, langa wahala i milungu yo wulambi, hamonga ne vihwani viseswe, vyono visina hamba cambuzi co cose.

Yelemiya 5:22

Hambi ane nha yo nene Muwaha Mulungu, alu so cici si mukunyogopa yaye? Hamba socici si mukucicima hali'ne ng'o? Ane nha nawuwika musawawa wuwe wo mupaka we lilenga, wuwe wo mupaka we vilo vyose, wono lilenga si lyosuma kuwuponghola yaye. Heya hamba mawingo galyo gatunhume muno muno, ninga si gosuma kuponghola yaye. Ne mawingo, heya gokoloma muno muno, ninga hamba nhavivyo si gosuma kulapucila ku nhumbi yo mupaka yaye.

Hoseya 3:5

Ninga cipango cikuza cono Waisilayeli wolomuwuyila kanyhi Muwaha Mulungu, u Mulungu wawo, no lulelo lwa Dawudi mutemi wawo. Nawo wolomogopa Muwaha Mulungu, u Mulungu wawo, no kubocela vipegwa vyakwe viswanu.

Habakuki 1:12

Muwaha Mulungu ku wulawa mwamulizo yo gwegwe Mulungu, agwe yo wuli Mulungu wangu, mono welile na we cibitilila, Muwaha Mulungu wangu no mudimi wangu. Alu wawahagula i Wababiloni no kuwanoza wawe ne vilungo, ho wasume kucilipiciza ase.

Zakaliya 14:16

Hobaho wose wono wasigaye wa mu zinghungugo zono zayihomaga Yelusalemi, zolowa kubita mwaka kwa mwaka kumuhemba Muwaha Mulungu we mihanga u mutemi, no kusangalalila sikukuu ye vibanda.

Zakaliya 2:11

Na mu vilo vivyo makungugo menji golokuza kuli Muwaha Mulungu, nawo wowa wanhu wakwe. Nayo Muwaha Mulungu kolokwikala hamonga na nyenye. Nanye ho molomanya vyono mwene yo yanhuma kuli'nye.

Malaki 1:11

Wanhu ku wulawa ku mhelo ye yinze, sunga ko ku mhelo nzagwe, wose wanyogopile nene. Hanhu ho hose wakufusiza wuvumba, no kulavya vilavywa vyono vikwiliye. Na wose wawo, wanyogopile nene!”

Walumi 15:9

nawo iwanhu wono si Wayahudi, ho wamukumye u Mulungu, ku soko yo lusungu lwakwe. Nha vyono gakulonga i Mandiko Gono Gelile: “Ku soko yiyo nokulumbila muli wono si Wayahudi kanyhi nolwimba u lukumyo lwe litagwa lyako.”

1 Petelo 1:16

Hambi i Mandiko nha gakutya, “Mweze mwelile, nha vyono ane nyelile.”

Wugubule 11:15

Hanyuma, nayo malayika wo mupunghati yakayitowa ndulele yakwe. Ne mazi mawaha gakahulikwa ku wulanga gakutya, “Alu u wutemi wa mononze, weza wo Muwaha wetu na Kilisito wakwe. Nayo kotema cibitilila ne cibitilila.”

Wugubule 14:7

Nayo malayika yuyo, yakalonga kwe'zi yiwaha yakutya, “Ale mumogopajo Mulungu, kanyhi mumukumye! Hambi cidaha co kulavye ning'aniza yakwe, nha cakondya kuza. Holeka mumuhembaje mweneco mono yawumba wulanga ne yinze, lilenga ne mivwilo ye malenga.”

Wugubule 16:5

Nane nghamuhulika malayika muwaha u mulindilizi we malenga, yakutya, “Agwe Mono Welile mono wuli baha, na mono wali baho kulawa katali agwe wuli ling'ani mu ning'aniza yako yiyi yono wuyinozize.

Wugubule 16:7

Hanyuma nghahulika lizi kulawa mu cikumbicilo, likutya, “Heya go Mulungu u Mudaha vyose, i ning'aniza yako yo ye mbeka kanyhi ye ling'ani.”

Wugubule 19:2

Hambi ining'aniza yakwe nha ya mbeka kanyhi ye ling'ani. Hambi nha kamuling'aniza u musenyha muwaha, mono yali yakondya kuyajiliza yinze ku so wusenyha wakwe. U Mulungu kamuling'aniza yuyo Babiloni likaya liwaha, vyono lyawawulaga i wetumami wakwe!”

Wugubule 19:8

Nayo yavwalile mwenda we bafuta swanu, kanyhi yikung'alala!” (U mwenda wuwo we bafuta swanu go metumo maswanu ge wanhu wo Mulungu.)

Wugubule 3:7

“Kuli malayika we likanisa lya Filadelifiya wandice nhavi, ‘Ayi yo nghani yono yikulawa kuli mwene mono yelile kanyhi we mbeka, mono yena wufunguwo wa Dawudi, mono kawudigulaga, hamba hasina kanyhi munhu mono kosuma kudinda, mono kadindaga, hamba hasina kanyhi munhu mono kosuma kuwudigula.

Wugubule 4:8

Ne viwumbwa vivyo vyose vyono vine, vyali vina mabawa mutandatu mutandatu, kanyhi vyali vimemile meso, mugati na mudeha. Navyo vikalaga vikwimba hamba kuceha cilo ne misi, vikutya, “Welile, welile, welile, yo Muwaha Mulungu u Mudaha vyose mono yali, mono hoyuli, na mono yakuza.”

Wugubule 6:10

Nawo wakalila kwe'zi 'waha wakutya, “Agwe go Muwaha, mono welile kanyhi mono wuli mwihuwilwa, alo sunga vipulute vilo vilinga, ho wuze wuwaling'anize no kuwalipiciza wose wono wekaye mono'nze, ku soko yo wuwulagwe wetu wono wali kuciwulaga?”

1 Samwili 2:2

“Hasina mono yelile nha vyono Mulungu yelile, hambi nha hasina yunji, langa gwegwe du, hamba hasina mudimi yunji mono yehwanile no Mulungu wetu.”