Wugubule 15:3 - Luganuzi Luswanu Kuli Wanhu Wose 2002

³ Nawo wembaga u lwimbo lwa Musa u mwitumami wo Mulungu, no lwimbo lo Mwana we ngholo, wakutya, “Muwaha Mulungu, u Mudaha vyose i metumo gako ga wizine muno muno! Gwe go Mutemi we makungugo, zinzila zako zo zo wiling'ano kanyhi za mbeka!

I CILAGANE CIPYA 1991

³ Nawo wembaga u lwimbo lwa Musa u mwitumami wo Mulungu, no lwimbo lo Mwana we ngholo, wakutya, “Muwaha Mulungu, u Mudaha vyose i metumo gako ga wizine muno muno! Gwe go Mutemi we makungugo, zinzila zako zo ze wilingʼano kanyhi za mbeka!

Wugubule 15:3 ပူးပေါင်းရင်းမြစ်များ

Mwamulizo 17:1

Mu vilo vyono Abulamu yali yaficila myaka makumi cenda ne 'cenda, u Muwaha Mulungu yakamulawila, yakamutya, “Ane yo nene mono nili Mulungu u Mudaha Vyose. Holeka agwe wutyatye wutonji wangu du, ho wuwe wusina yilema.

1 Zinghomo 6:49

Haluni hamonga na wo lulelo lwakwe, mulimo wawo wali kulavya vilavywa vyo wuvumba, hamonga ne vilavywa vinyanywe mu cikumbicilo. Kanyhi wali wo mulimo wawo wo wuhembi wose we Hanhu Hono helile, helile muno. Ho wawanozeze Waisilayeli wilamule. Nawo wasumaga kuzituma zizino zose, wakutyatya mejizo nha vyono wejizwa na Musa, u mwitumami wo Mulungu.

2 Zinghomo 24:6

Hobaho yakamucema Yehoyada mukohani u mulongola wawo, yakamuwuza yakatya, “Alo socici si wawatyatilila i Walawi, ho wasume kukonghola kodi, mu yisi ya Yuda na Yelusalemi, kodi yono Musa u mwitumami wo Muwaha Mulungu, yayikongholaga kuli wanhu, izipesa zizo, ho zisume kutaza milimo ya mwi'hema lyono lyelile?”

Nehemiya 9:14

Yo gwegwe mono wawalanjiza, wayibate Sabato yako yono yelile. Wukawapelela ne malajilizo gako muli Musa u mwitumami wako.

Jobu 36:24

“Hambi mwene, nha katugaga lukumyo du, muli zose zono ketumaga holeka nagwe wunojeye wumupele lukumyo.

Jobu 5:9

Hambi ase nha si cosuma kuzimanya zimbaha zono ketumaga ne mapoto gakwe nha gasina ndumo.

Zabuli 100:5

Hambi u Muwaha Mulungu nha muswanu, no lusungu lwakwe lwikalaga cibitilila, ne mbeka yakwe yikalaga mu zindelo zose.

Zabuli 105:5

Nanye mo lulelo lwa Abulahamu mwitumami wakwe, sunga nanye mo lulelo lwa Yakobo muhagulwa wakwe,

Zabuli 111:2

Metumo go Muwaha Mulungu, nha ga wizine muno muno! Na wose wono wakugasangalalila, wakusaka wagamanye viswanu.

Zabuli 111:7

Metumo gakwe ga ling'ani, kanyhi ga mbeka. Ne mejizo gakwe gose nha mehuwilwa nhondo zose.

Zabuli 139:14

Nane nghukulumba muno, hambi, nha wunojeye wupegwe cogopo, hambi metumo gako nha ga wizine muno, nane nigamanyiye lukulu mu nhumbula yangu.

Zabuli 145:17

Muwaha Mulungu, yo yali ling'ani mu zinzila zakwe zose, kanyhi mwene muswanu muli milimo yakwe yose.

Zabuli 145:6

Kanyhi wanhu wozilonga, ze metumo gako go wogofye, nane nokwanza zo wuwaha wako.

Zabuli 18:30

Mbeka metumo gakwe gasina wuhoswe! No wihuwizo wo Muwaha Mulungu wa mbeka, mwene yo ngula ya wose wono wamwitumbiye.

Zabuli 78:12

Yanoza mapoto hali walezi wawo, mwilolo lya Sowani mu yisi ya Misili.

Zabuli 92:5

Hambi metumo gako nha mawaha muno muno 'gwe go Muwaha Mulungu! Sunga ne mahweso gako, nha ga mahala menji muno muno!

Zabuli 99:4

Gwe go mutemi mono wulawiliciye, go mwenda wiling'ano! Kuwukangaza wiling'ano muli Isilayeli, kuleta wiling'ano ne ling'ani.

Isaya 33:22

Ne milejehe yose ya mu zingalawa zizo, yitimbile du, ne matote gayo hamba si gakugoloka yaye!

Isaya 45:21

Ale nzonyi muzilonje zenyu ha mahakama, muwalece wono wasitakwe walongane weneco wose. Alu mwene mukwihwesa nani mono yawila mu vilo vye katali vyono zizi zolokwijela? Yo nene du Muwaha Mulungu, u Mulungu mono kawaponyaga wanhu wakwe. Na hasina mulungu yunji, langa nene du.

Danyeli 6:20

Yaza kufika ha mhango, yakacemeleza ko wukalale yakutya, “Danyeli, 'gwe go mwitumami wo Mulungu mumi! Wule, u Mulungu mono kumwitumamilaga kwe cogopo muno muno, kasuma kukuponya mu zisimba?”

Danyeli 9:11

Ne Waisilayeli wose, wakondya 'lu kuwubena wulajilize wako, hamba si wakuzityatya kanyhi yaye zono wawalonjela. Holeka ase cili wasutyi du hali'gwe, na ku soko yiyo, holeka nagwe wukaciletela malijito gose gago gono mandice mu Wulajilize wa Musa, u mwitumami wako.

Hoseya 14:9

Nghulomba, wono wena wizuce, wazitanje zizi zono zandicigwe baha, no kuziwika mu zinhumbula zawo. Nzila zo Muwaha Mulungu zo ze ling'ani, ne wanhu we ling'ani, wo wakuzityatya. Ninga wanyo wubi, wakukobala no kugwa, ku soko vyono siwaziceleleye yaye.

Mika 7:20

Agwe kolajila wihuwilwa wako no lusungu lwako kuli wanhu wako, mu lulelo lwa Abulahamu na Yakobo, nha vyono wawehuwiziza i walezi wetu ku wulawa mu vilo vye katali.

Zefaniya 3:5

Ninga Muwaha Mulungu, yali mwi'kaya, yakwituma ze ling'ani, si yakwituma zimbi ng'o. Nayo kawaletelaga wanhu wakwe ze ling'ani, nhondo zose. Ninga i wanhu wono wasina ling'ani, vyo wajendeleye du ku wituma zimbi, hamba kuwona cevu yaye.

Zakaliya 9:9

Musecelele, musecelele nye nyo wanhu wa ku Sayuni! Muzoze muno muno so nyemo, anye nyo wanhu a Yelusalemi! Mulanje ta! Mutemi wenyu yakumuzizenyi 'nye! Yakuza yena nyemo mbaha ne mhonelo, kanyhi mupolo, yakuza yali mucanyha ye ndogowe, nyana ye ndogowe.

Yohana 1:17

Hambi u Mulungu, nha yawulavya Wulajilize mu nzila ya Musa, ninga i lihewa ne mbeka, vyaziza mu nzila ya Yesu Kilisito.

Wukumbucize wo Wulajilize 31:30

Nayo musa yakemba zinghani zo lwimbo lulu ha mwande ye Waisilayeli, lono wali wehanguliza, nawo ho waluhulicize, yakatya,

Wukumbucize wo Wulajilize 32:3

Nane nolikumya litagwa lyo Muwaha Mulungu, ne wanhu wakwe wolonga zo wuwaha wakwe.

Wukumbucize wo Wulajilize 34:5

Hodu Musa u mwitumami wo Muwaha Mulungu, yakawa kufwila baho du mu yisi ya Mowabu, nha vyono Muwaha Mulungu yamulonjela.

1 Timoteyo 1:17

Ale, kuli mwene Mutemi we cibitilila na we sakalakale, mono sikawonagwa, umwene Mulungu we ciwene, lyeze lilumbo no lukumyo cibitilila na cibitilila! Heya.

Wahebelaniya 3:5

Musa yali mwihuwilwa mu nyumba yose yo Muwaha nho mwitumami, nayo yakazilonga i zinghani zono u Mulungu yali yazilonje hanyuma.

Yoshuwa 22:5

Ninga lu, mulanjilile, mwibatile lukulu lilajilizo lyono Musa yamulajilizenyi. Mumwendaje Muwaha Mulungu, u Mulungu wenyu, mwitume zo wuhile wakwe. Kanyhi mugebate ne malajilizo gakwe, mweze wehuwilwa kuli mwene, mumwitumamile kwe nhumbula yenyu yose, na kwe mitima yenyu yose.”

Wugubule 1:8

“Ane yo nene wo Mwamulizo na wo Mudumo,” vyo yakutya Muwaha Mulungu u Mudaha Vyose, mono hoyuli, mono yali ho yali, na mono yakuza.

Wugubule 11:17

“Muwaha Mulungu Mudaha vyose mono wuli ho yuli, na mono wali wuli baho! Cikukulumba, vyono kwitumamila vilungo vyako viwaha wukamula kutema!

Wugubule 14:3

Nawo wa walya i wanhu elufu yigana limonga na mkumi mane na yine, wembaga u lwimbo lupya ha mwande ye ligoda lyo wutemi, na hali avilya viwumbwa vine vyumi, hamonga na wa walya wawaha. Na hasina munhu mono yasuma kwijiza lwimbo lulo, langa hono si wa walya du, wanhu we ligana limonga na makumi mane na yine elufu, wono wagulwa mononze.

Wugubule 14:8

Malayika we kejete nayo, yakamutyatya yu yulya mulongozi yakutya, “Woyi, lyagwa! Heya, lyagwa nye, li Babiloni liwaha lyagwa! Li Babiloni lyono lyawang'wesaga divayi yalyo, wanhu wose we makungugo gose, divayi yono nghali, divayi yo wusenyha walyo!”

Wugubule 17:14

Nawo wokwihoma no Mwana we ngholo, ningo Mwana we ngholo, hamonga na wawala wono yawacema, kanyhi yakawahagula, i wanhu wehuwilwa, kowasuma wawo, vyono u mwene yo Muwaha we wawaha, kanyhi yo Mutemi we watemi.”

Wugubule 19:16

Na mu vivwalo vyakwe hamonga na mu mugulu wakwe, yali mwandikwe litagwa lya, “U Mutemi we watemi, no Muwaha we wawaha.”

Wugubule 19:2

Hambi ining'aniza yakwe nha ya mbeka kanyhi ye ling'ani. Hambi nha kamuling'aniza u musenyha muwaha, mono yali yakondya kuyajiliza yinze ku so wusenyha wakwe. U Mulungu kamuling'aniza yuyo Babiloni likaya liwaha, vyono lyawawulaga i wetumami wakwe!”

Wugubule 4:8

Ne viwumbwa vivyo vyose vyono vine, vyali vina mabawa mutandatu mutandatu, kanyhi vyali vimemile meso, mugati na mudeha. Navyo vikalaga vikwimba hamba kuceha cilo ne misi, vikutya, “Welile, welile, welile, yo Muwaha Mulungu u Mudaha vyose mono yali, mono hoyuli, na mono yakuza.”