Wugubule 14:2 - Luganuzi Luswanu Kuli Wanhu Wose 2002

² Nghahulika lizi kulawa ku wulanga, lizi lyono lyali nha lizi lya malenga menji kanyhi kotya nha mabalalusi mawaha. Lizi lyono nalihulika, likawa kanyhi nhe watowa masumbi wono wakugatowa i masumbi gawo.

I CILAGANE CIPYA 1991

² Nghahulika lizi kulawa ku wulanga, lizi lyono lyali nha lizi lya malenga menji kanyhi kotya nha mabalalusi mawaha. Lizi lyono nalihulika likawa kanyhi nhe watowa masumbi wono wakugatowa i masumbi gawo.

Wugubule 14:2 ပူးပေါင်းရင်းမြစ်များ

2 Samwili 6:5

Dawudi hamonga ne wa Isilayeli wose, wavinaga akuno wakwimba kwe vilungo vyawo vyose, wakumupela cogopo Muwaha Mulungu. Akuno wakutowa ne masumbi, ne zindonondo ne misesele, ne zi kayamba, hamonga ne zimbilili.

2 Zinghomo 20:28

Nawo wali weza kufika he 'kaya, wakabita sunga ko ku Nyumba yo Mulungu, wakwimba akuno wakutowa ne zindonondo hamonga ne zindulele.

Zabuli 147:7

Ale, mwimbilenyi Muwaha Mulungu, zi nyimbo zo wulumbe, mutowelenyi ndonondo Mulungu wetu!

Zabuli 149:3

Mulikumizye litagwa lyakwe, mu wuvina, mumwimbile kwe zing'oma ne masumbi.

Zabuli 33:2

Mukumyenyi Muwaha Mulungu ko wutowa ndonondo, mwimbilenyi ne lisumbi lye zinghunzi yikumi.

Zabuli 43:4

Baho nane go Mulungu, nobita ha wukumbicilo wako, nokuza kuli'gwe go Mulungu, mono wo mwamulizo we nyemo yangu. Nane nokukumya kwe lisumbi 'gwe go Mulungu, go Mulungu wangu.

Zabuli 57:8

Holeka winuce 'gwe go nhumbula yangu! Mwinukaje nanye nyo ndonondo ne lisumbi! Nane nosinhuka hakali mitondo muno muno.

Zabuli 92:3

kuzanza ko wutowa masumbi, hamonga no mulizo we ndonondo.

Zabuli 93:4

Muwaha Mulungu, yena wutemi wuwaha ku wulanga, yali vilungo yacizize mawingo ge lilenga.

Zabuli 98:5

Mumukumye Muwaha Mulungu kwa nyemo, kwe lizi liswanu hamonga ne masumbi.

Wutuluce 19:16

Ale, wali weza kwela mwizuwa lye kadatu hakali mitondo, likaza livunde yizito hacanyha ye litunda, hamonga ne mabalalusi ne mamuli. Kanyhi likahulikwa lizi yiwaha lya ndulele, lyono lizozize muno muno, no wuzoze wayo, wukawogofya wanhu wose wa mu nghambi, sunga wose wakacicima muno.

Wutuluce 20:18

Nawo Waisilayeli wali weza kulihulika libalalusi, no kugawona ne mamuli gakoleye, hamonga ne lizi yiwaha lye ndulele mumo mwi'tunda mucanyha, sunga ne lyosi lyono lyafunghaga, hodu wose wakenjilwa no woga, wakawa kucicima muno, ninga wose wali wemile kutali.

Isaya 17:13

Makungugo gozoza nhe lizozo lye mawingo mawaha ge lilenga, ninga Mulungu kogatacila, nago gotiziza kutali. Gopemheluswa nhe manghundi mucanyha ye matunda, kotya mawaje mu civulavumbi.

Ezekiyeli 43:2

Na lanje, nghayiwona nhojo yo Muwaha Mulungu wa Isilayeli, yikuza yikulawilila ku lubavu lwa kucilima. Ne lizi lyo Mulungu likahulikwa likukoloma nho mukukunzo we lilenga. Ne yisi nayo yikang'alala so nhojo yiyo yo Mulungu.

Zakaliya 9:14

Nayo Muwaha ho kokwilajila mu wanhu wakwe koguma zi songa zakwe, nazo zobita kotya limuli. U Muwaha Mulungu yo kotowa ne ndulele. Nayo kojenda ne mbeho ye civulavumbi kuwulawilila ku takama ye yisi.

1 Wakolinto 13:1

Hamba nonje i milonjele ye wanhu hamba na ye Wamalayika, ninga hono niwe sina wendo, ane nowa nihwanile nhe lizozo du lye lidebe lyono lisina cinji, hamba lunji nha kotya cenjele.

Wugubule 1:10

Ale, mwizuwa linji, lizuwa lyo Muwaha, nghawa mu Muhe, nghahulika yizi yiwaha mu nyuma yangu linha mulilo we ndulele.

Wugubule 1:15

i migulu yakwe nayo, yang'alalaga nha cuma cizelu, cono cilenguywe mu moto no kukusuwa muno, ne lizi lyakwe likawa nhe'zi lya malenga menji gono gakuhuluma.

Wugubule 11:12

Hanyuma, ya zizo, wawo wawizi wejete, wakahulika lizi yiwaha likulawa ku wulanga, likuwalonjela likutya, “Nzonyi akuno kono canyha!” Nawo wakawa kubitila mwivunde kucanyha ku wulanga, akuno ne walugu wawo wakuwalanjilila du.

Wugubule 11:15

Hanyuma, nayo malayika wo mupunghati yakayitowa ndulele yakwe. Ne mazi mawaha gakahulikwa ku wulanga gakutya, “Alu u wutemi wa mononze, weza wo Muwaha wetu na Kilisito wakwe. Nayo kotema cibitilila ne cibitilila.”

Wugubule 15:2

Nghawona cinhu cihwanile lilenga nha cilole, lyono lihangahanjile no moto. Nghawawona ne wanhu wa walya nhavivyo, wono walisuma lilimu lilya, hamonga ne cihwani calyo, i lilimu lyono litagwa lyalyo likutambulwa mu nzila ye liwalo lililya. Ne wanhu wawo wali wemile he'lenga lye cilole, akuno wena ne masumbi gono Mulungu yawapela.

Wugubule 18:22

Ne mazi ge watowa masumbi, ne watowa zing'oma, ne mazi ge watowa zifilimbi ne zindulele, si golohulikwa muli'gwe kanyhi. Hasina hamba munghula we liwala lyo lyose kanyhi, mono kosuma kwijela muli gwegwe, hamba ne lizi lyo luzala lo kusajila, si lyohulikwa kanyhi muli gwegwe.

Wugubule 5:8

Nayo yaza kucisola citabu cico du, avilya viwumbwa vine hamonga na walya wawaha makumi mejete na wane, wakagwa funama hamwande yo Mwana we ngholo. Nawo wose wali wena visumbi na bakuli za Zahabu, zono zali zimemile wuvumba, go malombo ge wanhu wo Mulungu.

Wugubule 6:1

Hanyuma nghawa kumuwona u Mwana we ngholo yakucinamatula cinamatizo cinji ca muli vinamatizo vivilya mupunghati. Nghahulika ciwumbwa cimonga ca muli viwumbwa vine vyumi, cikulonga kwe'zi 'waha nhe'zi lye 'balalusi cikutya, “Wuze!”

Wugubule 8:7

Malayika u mulongozi yakayitowa ndulele yakwe. Hobaho yikagwa kono'nze mvula ya mabwe, yono yali yihangahanjile no moto, hamonga ne sakami. Ne libimha lye kadatu lye yinze likatakamila, ne libimha lye kadatu lye mabici likatakamila, hamonga ne mahanze gose ge dedede gakatakamila.