Wugubule 13:6 - Luganuzi Luswanu Kuli Wanhu Wose 2002

⁶ Hodu, nalyo likawa kwamula kumuliganga Mulungu, no kuliliga litagwa lyakwe, no wikalo wakwe, hamonga na wose wono wekaye ku wulanga.

I CILAGANE CIPYA 1991

⁶ Hodu nalyo likawa kwamula kumuligango Mulungu, no kuliliga litagwa lyakwe, no wikalo wakwe, hamonga na wose wono wekaye ku wulanga.

Wugubule 13:6 ပူးပေါင်းရင်းမြစ်များ

Jobu 3:1

Nhondo Jobu yakawa kwanza kulonga, yakalilijita lizuwa lyono yalelelwa.

Zabuli 73:9

Na kwe milomo yawo, wawulongaga vibi wulanga, na kwe zinimi zawo, wetapaga mono'nze.

Danyeli 11:36

“Nayo mutemi wa Siliya, kolokwituma nha vyono kolowa yendile mweneco. Kolokwidunhumula, no kwiwona vyono mwene yo yeza muwaha kuciza milungu yose, kanyhi yamucizize sunga no Mulungu Mono Yalawiliciye. Nayo kolosuma kuzinoza zizo, sunga lidaha lifice lyono Mulungu kolomulipiciziza. Nayo Mulungu kolokwituma nha vyono yakondya kuwaga.

Danyeli 7:25

No mutemi yuyo, kolomutovula Mulungu Mono Yalawiliciye no kuwewonela i wanhu wo Mulungu. Mutemi yuyo kolojela yawakawaniziza i wanhu wo Mulungu, u wulajilize wo wuhembi wawo, hamonga ne zisikukuu zawo. Nawo i wanhu wo Mulungu wolowa hasi yo wulajilize wakwe, myaka midatu na myezi mutandatu.

Danyeli 7:8

Na lono nagasunjililaga mahembe gaga, nghawona kanyhi yihembe linji yidodo lyono lyakunghumukaga likulawila ha ciligati ye mayagwe. Likagakula i mahembe madatu ga muli gono gali gali baho wulawa mwamulizo. Ne lihembe lilyo lyali lina meso ga munhu, no mulomo wono walongaga ko widunhumuzi muno muno.

Matayo 12:34

Nye mo lulelo lwe zinzoka! Alu mosuma nhawule kuzilonga i ziswanu, na kumbe nyenye mo weneco muli wabi?” Ku soko u munhu, nha kalongaga zono zimumemile mu nhumbula yakwe.

Matayo 15:19

Ku soko mu nhumbula yo munhu nha momulawaga i mahweso mabi gono galetaga no wuwulaji, kanyhi, mulawaga u wusenyha, wuhizi, wuhomelezi wo wulambi, ne maligo.

Yohana 1:14

I Nghani nayo yakawa munhu, yakekala mwetu. Nase cikayiwona i nhojo yakwe, i nhojo yakwe mwene mono mwana we ciwene wa Baba; yamemile lihewa ne mbeka.

Walumi 3:13

Imimelo yawo yinha icitenjelo cono cili mwazi, ne zinimi zawo zimemile wukonji, na mu milomo yawo, mukulawa zinghani zono zina sumu kotya ya nzoka.

Wakolosayi 1:19

Hambi u Mulungu nha yawona vyono u Mwana nayo yena u wukwilanicile wose wo wulungu muli mwene.

Wakolosayi 2:9

Ku soko muli mwene Kilisito mu hwani yo munhu, mo mowuli wukwilanicile wose wo Mulungu.

Wahebelaniya 9:2

Hali holili lihema linozwe, lyono hanze yayo lyali lina hanhu hono hacemwaga i “Hanhu Hono Helile.” Na baho ho hali no wuwiko we tala, ne meza ne mikate yono yali cilavywa kuli Mulungu.

Wahebelaniya 9:24

Hambi Kilisito nha si yenjila i hanhu Hono Helile hono hazenjigwe ne miwoko ye wanhu, hono henha hwani du ya acilya ce mbeka. Langa u Mwene yenjila ku wulanga du kweneco kono aluno yemile hali u Mulungu ku soko yetu.

Wugubule 11:12

Hanyuma, ya zizo, wawo wawizi wejete, wakahulika lizi yiwaha likulawa ku wulanga, likuwalonjela likutya, “Nzonyi akuno kono canyha!” Nawo wakawa kubitila mwivunde kucanyha ku wulanga, akuno ne walugu wawo wakuwalanjilila du.

Wugubule 12:12

Holeka musangalale anye nyo wulanga, hamonga na vyose vyono vili mumo. Ninga woyi he kuli'nye nyo yisi ne lilenga, hambi Setani nha kamuzizenyi akuno yena ne likuwo yiwaha, hambi nha yamanyile vyono vilo vyakwe vyono visigaye vyaza vicefu.”

Wugubule 15:5

Hanyuma ya zizo, nghawona wuhembelo ku wulanga wudiguywe, wuli mwazi, na mugati yayo, molili lihema lyono likulajila vyono mbeka u Mulungu yali baho.

Wugubule 18:20

Ale, wusecelele go wulanga ku soko yo wuhodanjice wakwe. Nanye nyo wanhu wo Mulungu, musecelele, nanye nyo watumwa ne wawizi, musecelele nhavivyo! Hambi u Mulungu nha kalilipiciza ku soko ye metumo galyo, gono lyamutendelenyi nyenye!

Wugubule 21:3

Hanyuma kanyhi, nghahulika lizi yiwaha likalawilila he'goda lyo wutemi, likutya, “Lanje ta! U Mulungu kawunoza u wikalo wakwe muli wanhu. Nayo kokwikala muli wene, nawo wowa wanhu wakwe, nayo kowa Mulungu wawo.

Wugubule 4:1

Hanyuma ya zizi, nghalanga, nghawona mulango wono wuli mwazi ku wulanga. Ne lizi lililya lyono nalihulika hamwamulizo, lyono lyali nha mulilo wa ndulele, likatya, “Wuze ahano hono kacanyha, nane nokulajila zinghani zono zilejela hanyuma.”

Wugubule 4:4

Hakawa hogali magoda makumi mejete na mane gono gali galipilime ligoda lyo wutemi, na mu magoda gago, wali wekaye wawaha makumi mejete na wane, nawo wali wavwalile vivwalo vizelu, na mu mitwe yawo, wali wavwalile mikumbo ya zahabu.

Wugubule 5:13

Nghavihulika viwumbwa vyose vya ku wulanga na vya mono'nze, na vya kusi ye yinze, sunga na vya mu malenga, viwumbwa vyose du vya mono'nze, vikutya, “Kuli mwene mono yekaye mwigoda lyo wutemi, na kuli Mwana we ngholo, viweze wumoti, ne lilumbo, no lukumyo, no wuwaha cibitilila ne cibitilila!”

Wugubule 7:15

Holeka wukuwawona wali he'goda lyo wutemi lyo Mulungu. Nawo wamwitumamilaga u Mulungu mu wuhembelo wakwe, misi ne cilo, nayo mono yekaye mwi'goda lyo wutemi, kokoma lihema lyakwe muli wene ho yawadime.

Wugubule 7:9

Hanyuma naza kulanga, nghawona yipuga yiwaha lye wanhu si wakuwala, wanhu we zimbeyu zose, ne zinghungugo zose, na we zinonga zose. Nawo wali wemile he'goda lyo wutemi, na hali Mwana we ngholo, akuno wavwalile vivwalo vizelu, kanyhi webate ne manhambi ge mitende mu mawoko gawo.