Wugubule 12:9 - Luganuzi Luswanu Kuli Wanhu Wose 2002

⁹ Holeka ilizoka lilyo liwaha, likagumilwa kunze. Ne lizoka lilyo, yo nzoka yi yilya ye katali, yono kanyhi yicemwaga Ibilisi hamba Setani, mono kawakongaga we yinze wose. Heya likagumilwa kono'nze hamonga ne wamalayika walyo wose.

I CILAGANE CIPYA 1991

⁹ Holeka ilizoka lilyo liwaha, likagumilwa kunze. Ne lizoka lilyo, yo nzoka yi yilya ye katali, yono kanyhi yicemagwa Ibilisi hamba Setani, mono kawakongaga we yinze wose. Heya likagumilwa kononze hamonga ne wamalayika walyo wose.

Wugubule 12:9 ပူးပေါင်းရင်းမြစ်များ

Mwamulizo 3:1

Muli vilimu vyose vya mu mbago vyono u Mulungu yaviwumba, i nzoka yikawa yo sugu muno si nhe vilimu vyose. Holeka yikamulonjela u mucekulu yikamutya, “Ati, u Mulungu vyo yatya hongo, mulece kulya i mana ge mibici yose yono yili mu busitani?”

Mwamulizo 3:13

Nayo u Muwaha Mulungu yakamuwuza yuyo mucekulu, yakamutya, “Alu 'gwe, nghanici yiyi lu yono witumile?” Nayo mucekulu yakapitula yakatya, “Inzoka yo yinghonjile, nane niwa kulya.”

1 Zinghomo 21:1

Kanyhi Setani, yakawa mulugu kuli Waisilayeli, yakamubabula Dawudi, yakawawale Waisilayeli.

2 Zinghomo 18:21

Nalyo licisi likapitula likatya, ‘Ane nobita, nghawanoze wawizi wose wa Ahabu, walonje zo wulambi.’ Nayo Muwaha Mulungu yakalitya, licisi, ‘Ale wubite wukamukocekoce, nane nitumbiye vyono komusuma.’ ”

Zabuli 109:6

Wumuhagulile hakimu mono si yanojeye, wumulece yasitakwe na yumonga wa muli walugu wakwe.

Isaya 14:12

“Gwe go mutemi wa Babiloni, go nyelezi yono ying'alalaga hakali mitondo, alu hodu wagwiza ku wulawa ku wulanga! Ninga katali ho wali wugasumize makungugo, alu ninga wakondya kugwiswa sunga ho hasi.

Isaya 27:1

Na mwi'zuwa lilyo, Muwaha Mulungu kolokwitumamila mumaje we lifwa, kwe vilungo vyakwe, kololilipiciza lilimu lyono likucemwa Lewiyatani, lizoka lyono libinzulaga, liwa kwinyongola, no kuliwulaga lizoka lyono likalaga mwi'lenga.

Isaya 65:25

Na mu vilo vivyo, maminzi ne zingholo, zolowa kudimila hamonga, nago masimba, golowa kulya mahanze nhe zing'ombe, nago mazoka, golowa gasina citamisi cinji kanyhi. Na mu Sayuni, litunda lyangu lisiwanulwe, molowa musina kanyhi citamisi cinji co cose, hamba zimbi zo zose.”

Ezekiyeli 28:16

Nagwe, wali wuli mwipiganzi muno, mu mulimo wo kugula no kuguza. Ne nghani yiyi, yikakutegula ku wuhizi wo wituma wubi. Na ku soko yiyo, holeka nane nghakuswaswaniza wuwuce mwi'tunda lyangu lyono lyelile. Nayo malayika mono yakudimaga, yakakuwinjila kutali, ku wulawa mu mabwe go moto.

Matayo 13:39

No mulugu mono yagahadika gagalya i mabalwe, yo Setani. Ne ndudula nayo, wo u mudumo we yinze, ne waduduzi nawo, wo Wamalayika.

Matayo 24:24

Hambi nha wololawila walambi wenji, wono wokwicema weneco yo Kilisito, kanyhi ne wawizi wo wulambi. Nawo wawo wonoza mapoto mawaha, ne mezino gono gosuma kumwajilizenyi, na hono yisumice sunga ne wahagulwa wo Mulungu.

Matayo 25:41

“Ale, baho ho kowalonjela na awalya wono wali ku lubavu lwakwe lo kucekulu yawe kutya, ‘Ale, mbucilenyi anye mono mwalijitwa! Bitenyi mu moto we cibitilila wono wawicilwa Setani ne wamalayika wakwe.

Matayo 4:1

Baho Yesu yakawa kutongwa no Muhe sunga ko ku nyika ho yajelwe na Setani.

Matayo 4:10

Baho nhondo, Yesu yakamulonjela Setani yakatya, “Bita ko Setani! Hambi nha yandikwe vyono, ‘Komuhemba Muwaha u Mulungu wako, nagwe komwitumamila u mweneco yali wene du.’ ”

Matayo 4:5

Hanyuma Setani yakawa kumutegula Yesu sunga ko ku Yelusalemi kwi'kaya lyono lyelile, yakawa kumuwika ku cizuli ce litembe lye Nyumba yo Mulungu,

Matayo 4:8

Hanyuma kanyhi Setani yakamutegula Yesu sunga kwi'tunda litali, yakamulajila i matemi gose ga kononze hamonga ne zinhojo zayo,

Luka 10:18

Mwene Yesu yakawatya, “Namuwona Setani yakugwa yakulawa ku wulanga kotya limuli.

Luka 13:16

Alu yuyu, nayo mwana wa Abulahamu, mono Setani yali yamulemaze mu myaka yiyi yikumi na munana, wulenyi, si vyali viswanu kumuponya mu wutamwa wakwe wuwo mwizuwa lye Sabato?”

Luka 22:3

Setani yakamwinjila Yuda mono yacemwaga Musikaliyota, mono yali muyagwe na walya i watumwa we likumi na wejete.

Luka 22:31

“Simoni, Simoni wuhulicize, Setani yakomboywe ho yamupetenyi anye nha vyono munhu kapetaga wuhemba,

Luka 8:12

Zono zalagala mu nzila, zikulajila iwanhu wono wakuyihulika nghani, hanyuma Setani yakuza yakuyiwusa yiyo nghani mu zinhumbula zawo, ho walece kwihuwila no kupona.

Yohana 12:31

Alu co cipango co kuling'anizwa iyinze yiyi, alu muwaha we yinze yiyi kotagwa kunze.

Yohana 14:30

Si nomulonjelenyi muno kanyhi, hambi u muwaha we yinze yiyi nha yakuza, nayo hamba si kosuma cinji kuli'ne.

Yohana 16:11

wasutizye kuli ze ning'aniza yo Mulungu, ku soko vyono muwaha we yinze yiyi yaling'anizwa yakondya.

Yohana 8:44

Anye muli wana wo sogo yenyu Setani, no wusulumizi wa yuyo sogo yenyu, wo mwendile kuwituma. Mwene yali muwulaji kulawa mwamulizo, hamba si kemaga mu mbeka, vyono muli mwene, imbeka yili musina. Hono yakulonga wulambi, kalongaga i zakwe mweneco, nha vyono yenha, hambi nha mulambi, kanyhi yo sogwe yo wulambi.

Metumo ge Watumwa 26:18

Kowabunzulula i meso gawo, ho wasume kuwuka ku wutitu, ho wapitucile kuzelu, wawuce mu vilungo vya Setani, wamupitucile Mulungu, na so wihuwilo, ho watuje wunenelwe wo wubi, ho watuje wuhazi, hamonga na walya wono wakondya kuwa wanhu wo Mulungu.’

Metumo ge Watumwa 5:3

Ninga Petelo yakamuwuza yakutya, “Ati, Ananiya, alo so cici Setani yakumemizye nhumbula yako, ho wumukoce u Muhe Mono Yelile, ho wukacepule nusu ye zipesa zono wawuguza mugunda?

Walumi 16:18

Hambi iwanhu wono wenha wawo, nha si wakumwitumamila Mutwa wetu Kilisito, langa wakuzitumamila izinda zawo weneco du. Kanyhi so zinghani zawo, no wuganule wawo wo wupepeleze, wakuwa kuwakonga iwanhu we zinhumbula zimhelu mhelu.

Walumi 16:20

Nayo u Mulungu mono yo mwamulizo wo mulamu, sikocela kumuponda Setani hasi ye migulu yenyu. Ilihewa lyo Mutwa, wetu Yesu Kilisito, liwezane nanye.

2 Wakolinto 11:14

Kanyhi hamba si nghani ya wizine, hamba na Setani mweneco nha kenozaga kawa nha malayika wo wuzelu!

2 Wakolinto 11:3

Ninga nghogopa yilece kuwa nhe lizoka lyono ko wusugu walyo wo wulambi, likamukoca Hawa, i mahweso genyu gadahile kwajilizwa no kuwuleka u wihuwilwa wenyu we mbeka kuli Kilisito.

2 Wakolinto 12:7

Ninga ho ndece kwilumba so zinghani zizi zimbaha zono nagubulilwa, napegwa wusungu mu muwili wangu kotya yimiya, u mwitumami wa Setani, mono yakunhowa, ho ndece kwilumba kuciza.

2 Wakolinto 2:11

ho cilece kumupela Setani cilejeho co kucikonjela, hambi u wuhile wakwe nha ciwumanyile vyono winha.

2 Wakolinto 4:4

Wawo si wehuwiye vyono mulungu we yinze yiyino yawatajila wutitu mahala gawo, ho walece kuwuwona calinze u wuzelu wo Luganuzi Luswanu lo lukumyo lwa Kilisito, mono yo cihwani ce mbeka co Mulungu.

Waefeso 4:14

Ho cilece kuwa kanyhi nha wana, wono cowa kugumilwa no kupemheluswa ako na ako mu mbeho ye mejizo gono gakutulwa ne wanhu wakonji, ho wawajilize wanji ko wusugu.

2 Watesalonike 2:3

Mulece kukongwa na munhu wo wose mu nzila yo yose yilya. Hambi i lizuwa lilyo nha silyosuma kuza, sunga awulya u Wubezi Wuwaha wamule kuza, ayulya u Munhu mubi yamule kwijela mono u mudumo wakwe wo wajilile wo lukulu.

1 Timoteyo 2:14

Na kanyhi, Adamu yo si yakongwa ng'o, langa u mucekulu yo yakongwa, no kuwubena u Wulajilize wo Mulungu.

2 Timoteyo 3:13

Ninga i wanhu wabi ne wakonji, awo wojendelela kuwa wabi du, wakuwakonga wayawo, kanyhi sunga na weneco wakukongwa.

Wahebelaniya 2:14

Alu nha vyono yinha, i wana wawo nha vyono mwene yakuwacema, wo wanhu wono wena muwili ne sakami, nayo Yesu mweneco, yakawa nha vyono wenha wene, nayo yakasola i hwani yawo yakawa munhu. Yanoza nhavivyo, ho yiwe so wufwe wakwe, yamusumile lukulu Setani, mono yena i vilungo vye lifwa,

1 Petelo 5:8

Mwikalaje meso, kanyhi mweze musujile. Hambi umulugu wenyu Setani, yakupilima pilima nha simba yikukoloma, yikulondola yunji yimuhawanje.

1 Yohana 5:19

Cimanyile vyono ase cili wo Mulungu, hamba yiwe i yinze yose yili mu vilungo vya ayulya u Mubi.

Yuda 1:9

Hamba na Mikayeli Malayika u muwaha, si yanoza zono zinha zizo. Na muwiwanganile wawo u mwene na Setani lono wewanganilaga zo muwili wa Musa, Mikayeli si yejelela ho yamuhose Setani na nhovu, langa yamanya kutya du, “U Muwaha mweneco yakukalipilaje.”

Wugubule 12:12

Holeka musangalale anye nyo wulanga, hamonga na vyose vyono vili mumo. Ninga woyi he kuli'nye nyo yisi ne lilenga, hambi Setani nha kamuzizenyi akuno yena ne likuwo yiwaha, hambi nha yamanyile vyono vilo vyakwe vyono visigaye vyaza vicefu.”

Wugubule 12:3

I citanjilo cinji kanyhi cikejela ku wulanga. Kukawa na nzoka mbaha, ndunghu, yono yina mahembe yikumi, ne mitwe mupunghati, ne mitwe yiyo yikawa yina mutwe, no mukumbo wayo.

Wugubule 12:7

Hanyuma kukawa ne milewo ku wulanga, Mikayeli ne wamalayika wakwe, wakawa wakwihoma na lilyo lizoka. Nalyo lizoka hamonga ne wamalayika walyo, vikehoma na Mikayeli ne wamalayika wakwe.

Wugubule 12:8

Ninga lizoka likasumwa, no kuwulagwa, baho hakawa hasina kanyhi cilejeho co cose ku so lizoka ne wamalayika walyo co wikala ku wulanga.

Wugubule 13:14

Likawajiliza wanhu wenji wono wekaye mono'nze, ku so mapoto gago gono lyapegwa liganoze ha mwande ya alilya lilimu lilongozi. Nalyo lilimu lilyo likawalonjela wanhu wono wekaye mononze, wanoze cihwani, so kulipela yilumbo lilyo lilimu, lyono lyali lina likomele yiwaha muno, lyono lyatemangwa no mumaje, ninga alu likuwumipa kanyhi.

Wugubule 16:14

Ayi yo myuhe ye masetani, yono yinozaga mapoto. Yiyi myuhe midatu yo yiyo yono yiwabitilaga watemi we yinze yiyi yose, no kuwakonghola hamonga ho wehome wulugu wuwaha mwizuwa liwaha lyo Mulungu Mudaha vyose.

Wugubule 18:2

Nayo yakalonga kwe'zi yiwaha, yakutya, “Ligwa Libabiloni liwaha, lingwa! Aluno weza wuli wikalo we masetani hamonga ne myuhe yiyi, kanyhi weza wuli wikalo we zindeje zinyavu, kanyhi ze cikomaza muno.

Wugubule 18:23

No wuzelu we tala si wokwijela kanyhi mugati yako, hamba mazi ge wa bwana halusi na bibi halusi nago si gohulikwa muli gwegwe kanyhi. Ne wasuluza wako wali wo wawaha kononze kose, na ku soko yo wuhawi wako, i makungugo gose gakakongwa.”

Wugubule 19:20

Ninga lilimu lilyo likasolwa mateka, hamonga no muwizi wo wulambi, mono yanozaga mapoto ha mwande yalyo. (Na ku so mapoto gago, yasuma kuwajiliza wenji wono wali wena i citanjilo ce lilimu lilyo, kanyhi na wono wacihemba ne cihwani calyo.) Ne lilimu lilyo hamonga no muwizi yuyo, wose vyono wejete, wakagumilwa vyo womi du, mwilamba lyono lyakaga moto we cibiliti.

Wugubule 2:13

Manyile kono wikaye. Agwe wikaye ku wikalo wuwaha wa Setani! Ninga hamba nhavivyo, wukali wibatiliye litagwa lyangu, hamba si wakana u wihuwilo wako wa kuli'ne, sunga na mu vilo vya Antipa, muhomelezi wangu mwihuwilwa, lono yawulajilwa i hanhu hono kekalaga Setani.

Wugubule 2:24

“Ninga anye mo wanji mono muli kuko ku Tuwatila, mono si mukugatyatye mafundo gakwe yuyo Yezebeli, na kanyhi mono si mweyijiza cico cono wakucicema wakutya, ‘Ze cinyele za Setani,’ nghumulonjelenyi vyono si nomutwicenyi mutegulo wunji.

Wugubule 2:9

Nigamanyile magayo gako, kanyhi sunga no wuciwa wako, ninga imbeka agwe ho wuli mugoli. Kanyhi niwumanyile no wutovulwe wono watovulwa na walya wono wakwiyitya Wayahudi, ninga ho si Wayahudi we mbeka, langa yipuga lye Setani.

Wugubule 20:10

Na Setani mono yawakongaga, yakagumilwa mwi'lamba lyono likwaka moto we cibiliti, mumo mono molili alilya lilimu, hamonga no muwizi wo wulambi, nawo wowa kugazwa misi ne cilo, cibitilila ne cibitilila.

Wugubule 20:8

Nayo kolawila mu jela, kanyhi yamule kugakonga i makungugo gose gono geyagaye kono'nze kose, wo wutya, Gogu na Magogu. Setani kowakongholela hamonga ho wehome, nawo wowa wenji wenha musawawa wa mu Mwejelele we lilenga.

Wugubule 3:9

Alu wuhulicize! Nokuletela wanhu we lipuga lya Setani, wanhu wono weyitezaga Wayahudi, kumbe ho walambi. Alu wawo nowaleta kuli'gwe wakufugamile hamwande yako, ho wamanye vyono ane mbeka nghwendile agwe.

Wugubule 9:1

Hanyuma malayika we hano nayo yakayitowa ndulele yakwe. Nane nghayiwona nyelezi yono yali yigwiye mono yisi, yilawiliye ku wulanga. Nayo nyelezi yiyo yikapegwa funguwo ye likombo lyo wuninyina.

Wugubule 9:20

I wanhu wanji wono wasigala, wono si wawulagwa no wongomezwe wuwo, nawo hamba si wanena, no kuvileka vinhu vyono wali wavinozize kwe miwoko yawo weneco, langa wakajendelela du kuhemba masetani, ne vihwani vye zahabu, na vye fweza, na vye shaba, na vye mabwe, na vye mabici, vinhu vyono sivikusuma hamba kuwona yaye, hamba kuhulika, hamba kujenda.