Wugubule 12:7 - Luganuzi Luswanu Kuli Wanhu Wose 2002

⁷ Hanyuma kukawa ne milewo ku wulanga, Mikayeli ne wamalayika wakwe, wakawa wakwihoma na lilyo lizoka. Nalyo lizoka hamonga ne wamalayika walyo, vikehoma na Mikayeli ne wamalayika wakwe.

I CILAGANE CIPYA 1991

⁷ Hanyuma kukawa ne milewo ku wulanga, Mikayeli ne wamalayika wakwe, wakawa wakwihoma na lilyo lizoka. Nalyo lizoka hamonga ne wamalayika walyo, vikehoma na Mikayeli ne wamalayika wakwe.

Wugubule 12:7 ပူးပေါင်းရင်းမြစ်များ

Yuda 1:9

Hamba na Mikayeli Malayika u muwaha, si yanoza zono zinha zizo. Na muwiwanganile wawo u mwene na Setani lono wewanganilaga zo muwili wa Musa, Mikayeli si yejelela ho yamuhose Setani na nhovu, langa yamanya kutya du, “U Muwaha mweneco yakukalipilaje.”

Danyeli 12:1

Nayo malayika mono yali yavwalile myenda ye bafuta, yakanonjela nene Danyeli, yakatya, “Mwi'pango lyono kolokuziza Mikayeli u mulongola we Wamalayika, mono kawadimaga wanhu wako, baho lyolowa yipago lyo wugaye wuwaha muno. Wugaye wono wukali nejela mu madaha go gose, ku wulawa vyono lyamuliziza likungugo, sunga mu madaha gago. Na kolo likuza lidaha lilyo, i wanhu we nghungugo yako, wono matagwa gawo gandicigwe mu citabu co Mulungu, wose wolopona.

2 Petelo 2:4

Na lono wamalayika wetumila u wubi, u Mulungu si yawawonela lusungu yaye, langa yakawataga mu moto we Gehena, nawo wafunjigwe mumo walindiye Lizuwa lililya lyo wuling'anizwe.

Waefeso 6:12

Hambi u wulugu wetu nha si cikwihoma ne wanhu, langa cikwihoma ne litewa lyavu lya mu yinze ye cimuhe, cikwihoma ne watemi, ne wawaha na wono wena i vilungo, wono wayitemile i yinze yiyi ye citi.

Wugubule 20:2

Malayika yuyo yakalibata lizoka, alilya lizoka lye katali, yo Ibilisi, hamba Setani, yakawa kuliwopa myaka elufu monga.

Danyeli 10:21

Na lulu nhondo, nowa sina yunji mono kosuma kumhela wutazi, langa Mikayeli du, malayika mulindilizi we Waisilayeli, yuyo du yo komhela wutazi.”

Danyeli 10:13

Ninga malayika mulongola wo wutemi wa Pelisiya, yali yanyimiye vilo makumi mejete na cimonga. Ninga hanyuma Mikayeli, muyagwe ne walongola we Wamalayika, yakawa kuza kunhaziza, hambi nha nali nalekwa du nili wene mu yisi ya Pelisiya.

Wugubule 12:9

Holeka ilizoka lilyo liwaha, likagumilwa kunze. Ne lizoka lilyo, yo nzoka yi yilya ye katali, yono kanyhi yicemwaga Ibilisi hamba Setani, mono kawakongaga we yinze wose. Heya likagumilwa kono'nze hamonga ne wamalayika walyo wose.

2 Watesalonike 1:7

nayo komupelenyi wuceho anye mono mukugazika, na sese nhavivyo. Nayo kokwituma i nghani yiyo mwidaha lyono u Muwaha kolokwijelela kulawa ku wulanga, hamonga ne wamalayika wakwe wawaha,

2 Wakolinto 12:7

Ninga ho ndece kwilumba so zinghani zizi zimbaha zono nagubulilwa, napegwa wusungu mu muwili wangu kotya yimiya, u mwitumami wa Setani, mono yakunhowa, ho ndece kwilumba kuciza.

Wugubule 13:7

Kanyhi lilimu lilyo, likakombolwa ho vihome wulugu no kuwasumiza i wanhu wo Mulungu. Kanyhi likapegwa wulajilize muli wanhu we zimbeyu zose, na wose we ndelwa monga, na we zinonga zose, na we makungugo gose.

Matayo 16:27

Hambi u Mwana wo Munhu nha kolokuziza mu lukumyo lo Sogwe, hamonga ne wamalayika wakwe, na baho ho kolomulipila munhu wo wose nha vyono genha imetumo gakwe.

Matayo 13:41

U Mwana wo Munhu kolowatuma wamalayika wakwe, ho wawakongholeze kulawa mu wutemi wakwe, wose wono wambuzaga wanhu wetume wubi, sunga na wose wono wetumaga zo wavu,

Zabuli 78:49

Yalileka likuwo lyakwe liwazize, hamonga no wukali, ne simbili no wugaye, hamonga ne litewa lye wamalayika wawulaji.

Matayo 26:53

Wulenyi, si mumanyile vyono ndahile kumulomba Baba, nayo kosuma kundetela lwa kamonga, mapuga yikumi na mejete ge wamalayika?

Matayo 25:41

“Ale, baho ho kowalonjela na awalya wono wali ku lubavu lwakwe lo kucekulu yawe kutya, ‘Ale, mbucilenyi anye mono mwalijitwa! Bitenyi mu moto we cibitilila wono wawicilwa Setani ne wamalayika wakwe.

Matayo 24:31

Ne lizi yiwaha lye ndulele, lyolohulikwa, nayo kolowatuma i wamalayika wakwe, nawo wolowakonghola i wahagulwa wakwe ku wulawa ku zimbavu zose vyono yine ze yinze, kuwulawilila ku mudumo awu wo wulanga, sunga ko ku mudumo muyagwe.”

Isaya 55:4

Hambi nha namunoza Dawudi yawe mutemi, no mulongola kuli makungugo gose. Kanyhi muli mwene, mo nghalajilila vilungo vyangu kuli makungugo.

Isaya 34:5

Nayo Muwaha Mulungu yakondya kuwuwikaniza mumaje wakwe kuko ku wulanga, nawo woyitowa Edomu, i wanhu wono wawiciywe wongomele.

Wahebelaniya 2:10

Nayo yali yili ling'ani, vyono u Mulungu mono kaviwumbaga i vinhu vyose no kuvibatiliza, yo yamunoza Yesu yawe yakwilaniciye mu nzila yo wugazwe wakwe, ho yasume kuwaleta wana wenji ku lukumyo lwakwe. Hambi Yesu nha yo yakuwatonga ku mhonelo.

Wugubule 12:8

Ninga lizoka likasumwa, no kuwulagwa, baho hakawa hasina kanyhi cilejeho co cose ku so lizoka ne wamalayika walyo co wikala ku wulanga.