Wugubule 12:3 - Luganuzi Luswanu Kuli Wanhu Wose 2002

³ I citanjilo cinji kanyhi cikejela ku wulanga. Kukawa na nzoka mbaha, ndunghu, yono yina mahembe yikumi, ne mitwe mupunghati, ne mitwe yiyo yikawa yina mutwe, no mukumbo wayo.

I CILAGANE CIPYA 1991

³ I citanjilo cinji kanyhi cikejela ku wulanga. Kukawa na nzoka mbaha ndunghu yono yina mahembe ikumi ne mitwe mupunghati, ne mitwe yiyo yikawa yina mutwe no mukumbo wayo.

Wugubule 12:3 ပူးပေါင်းရင်းမြစ်များ

Isaya 27:1

Na mwi'zuwa lilyo, Muwaha Mulungu kolokwitumamila mumaje we lifwa, kwe vilungo vyakwe, kololilipiciza lilimu lyono likucemwa Lewiyatani, lizoka lyono libinzulaga, liwa kwinyongola, no kuliwulaga lizoka lyono likalaga mwi'lenga.

Isaya 51:9

Ale wusinhuce go Muwaha Mulungu wucitaze! Witumamile vilungo vyako nha vyono wavitumamila katali, wuciponye. Hambi nha yo gwegwe mono walitemanga vipiligwa-piligwa lizoka lya mwi'lenga lyono likucemwa Lahabu.

Isaya 9:15

I wakombi ne wanhu watambule, wawo wo mutwe. Nawo mucila, wo wawizi, wono wafundaga zo wulambi!

Danyeli 2:41

Kanyhi mu ndoto yako wawona vyono, i migulu ne vidole kululu vyali nusu cuma na nusu lilongo linamu. Nhunizo yayo, wutemi wuwo wolowa wugawanuce. Ninga wolowa ne vilungo vya cuma. Ku soko cuma cali cihangahanjile ne lilongo linamu.

Danyeli 2:42

Vidole kululu navyo, vyali nusu cuma, na nusu lilongo linamu. Nhunizo yayo, lubavu lunji lo wutemi wolowa ne vilungo, no lubavu lunji wolowa wutimbile.

Danyeli 7:20

Na kanyhi nghasaka ho manye za ga galya i mahembe yikumi, gono gali gali mu mutwe walyo, hamonga na ze lihembe lililya lyono lyakunghumuka no kulawila, no kuganoza mahembe ga galya madatu gagwe. Na vyono kanyhi, lyali lina meso no mulomo, kanyhi likikumya ko widunhumuzi muno muno. Na kanyhi lyali yilimu lya kogofya muno si nhe mayagwe.

Danyeli 7:24

Nago agalya i mahembe yikumi, wo watemi yikumi, wono wolotema mu wutemi wuwo. Ninga hamba nhavivyo, kolokuza mutemi yunji kanyhi, mono si yehwanile na wawo watemi walongozi. Nayo mutemi yuyo, kolowasuma i watemi wadatu.

Wugubule 12:1

Hanyuma cikejela citanjilo ciwaha ku wulanga. Baho hali hoyuli mucekulu mono yali yavwicigwe lizuwa, no mwezi wukawa wuli hasi ye magulu gakwe, no mukumbo we zinyelezi yikumi na nyejete, zikawa mucanyha mu mutwe wakwe!

Wugubule 12:13

Nalyo lizoka lyali lyeza manya vyono lyagumilwa hono hasi mono'nze, likanza kumusepa yu yulya mucekulu mono yalelo mwana we cilume.

Wugubule 12:17

Holeka lizoka lilyo likawa kumusimbila yuyo mucekulu, hodu likawa kwibitila, likawa kubita no kwihoma na wanji we mbeyu yo mucekulu yuyo wose wono wakukamisa malajilizo go Mulungu, kanyhi wehuwilwa mu mbeka yono yaziza muli Yesu.

Wugubule 12:4

Lizoka lilyo likazikwejenha zinyelezi za mu mwanya, libimha lye kadatu, no mucila walyo, no kuzigumila kono'nze. Nalyo likema behi no mucekulu yuyo mono yali yeza behi no kusawa mwana, liwikanizize lukulu ho limumele mwana yuyo, baho du lono yakulelwa.

Wugubule 12:7

Hanyuma kukawa ne milewo ku wulanga, Mikayeli ne wamalayika wakwe, wakawa wakwihoma na lilyo lizoka. Nalyo lizoka hamonga ne wamalayika walyo, vikehoma na Mikayeli ne wamalayika wakwe.

Wugubule 12:9

Holeka ilizoka lilyo liwaha, likagumilwa kunze. Ne lizoka lilyo, yo nzoka yi yilya ye katali, yono kanyhi yicemwaga Ibilisi hamba Setani, mono kawakongaga we yinze wose. Heya likagumilwa kono'nze hamonga ne wamalayika walyo wose.

Wugubule 13:1

Hanyuma, nghawona yilimu linji likulawa kwi'lenga. Nalyo lyali lina mitwe mupunghati ne mahembe yikumi, ne mahembe gose limonga limonga, lyali lina mukumbo. Ne litagwa lye nhovu kuli Mulungu, lyali lyandikwe mu mitwe yiyo.

Wugubule 13:2

Ne lilimu lilyo lyono nawona, lyali lihwanile nha suwi, ne migulu yalyo yikawa yihwanile nhe migulu ye dubu, no mulomo wukawa nha we simba. I lizoka li lilya, likalipela lilyo lilimu vilungo vyalyo, ne ligoda lyalyo lyo wutemi, hamonga no wuwaha winji.

Wugubule 13:4

Wanhu wose wakalihemba lilyo lizoka, vyono lyalipela lilimu lilyo vilungo vyalyo. Kanyhi wakalihemba na lilyo lilimu nha vivilya wakutya, “Alo nani'mbi kanyhi mono kowa yenha ililimu lili? Hamba nani kanyhi mono kosuma kwihoma nalyo?”

Wugubule 15:1

Hanyuma, nghawona citanjilo cinji ku wulanga, citanjilo ciwaha muno, kanyhi ca wizine. Baho hali na wamalayika wali mupunghati, wena magazo mupunghati ge ndumilizo. Ne likuwo lyo Mulungu lyomalicila mu magazo gago mupunghati.

Wugubule 16:13

Hanyuma nghawona myuhe midatu myavu yinha madelu, yikulawa mu mulomo wa lililya lizoka, na mu mulomo wa lililya lilimu, na mu mulomo wa yulya muwizi wo wulambi.

Wugubule 17:12

“Ne mahembe gagalya yikumi gono wugawene, wo watemi wono wakali si natema yaye. Ninga wopegwa vilungo vyo kutema saa monga du, hamonga na lililya lilimu.

Wugubule 17:16

Ne mahembe gagalya yikumi gono wugawene, hamonga ne lilimu lililya, vyose vyomusula yuyo musenyha. Nawo womusolela vinhu vyose vyono yena navyo, womuleka yali cipwi, kanyhi wololya nghuli yakwe no kumuticimiza mu moto.

Wugubule 17:7

Ninga malayika yakanonjela yakutya, “Alo, nhawule lu, wukwizina? Ale, ane nokulonjela i nhunizo ye zinghani ze cinyele zo mucekulu yuyu, na ze lilimu lilyo lyono limudinghuye, lyono lina mitwe mupunghati ne mahembe yikumi.

Wugubule 19:12

I meso gakwe gali genha lilambi lyo moto, nayo yali yavwalile mikumbo minji mu mutwe wakwe. Nayo yali mwandice litagwa lyono yunji wo wose si kosuma kulimanya, langa mweneco du yali wene.

Wugubule 20:2

Malayika yuyo yakalibata lizoka, alilya lizoka lye katali, yo Ibilisi, hamba Setani, yakawa kuliwopa myaka elufu monga.