Wugubule 11:9 - Luganuzi Luswanu Kuli Wanhu Wose 2002

⁹ Ne wanhu we zimbeyu zose, na we zinonga zose, na we makungugo gose, sunga na we mawala gose, wojendelela kuyilanga i mivimba yiyo, sunga vilo vidatu na nusu, hamba siwoyikombola mivimba yiyo ho yizikwe.

I CILAGANE CIPYA 1991

⁹ Ne wanhu we zimbeyu zose, na we zinonga zose, na we makungugo gose, sunga na we mawala gose, wojendelela kuyilange mivimba yiyo sunga vilo vidatu ne pinga, hamba siwoyikombola mivimba yiyo ho yizikwe.

Wugubule 11:9 ပူးပေါင်းရင်းမြစ်များ

1 Watemi 13:22

Agwe kuwuya ne nyuma, kuwa kulya ndigwa i hanhu hono yali yakondya kukulajiliza nha vyono wulecele lukulu kuko kulya. Holeka ku soko yiyo, alu kowulagwa, no muwili wako, si kozikwa mu vitenjelo vya we mhuga yako yaye.”

Muganuzi 6:3

Munhu yadahile kuwa na wana yigana limonga, hamonga no wikale mononze myaka minji. Ninga hono munhu yuyo yalece kuyisangalalila mikalile yakwe, hamba kuzikwa mu citenjelo kwe lilumbo kose, mbeka, u mwana mono yaleligwe yafwiye, kowa yali ciba, si nha munhu yuyo.

Isaya 33:1

Woyi he kuli'nye nyo walugu wetu! Hambi nye nha mwagaluka kanyhi mukahiza. Ninga anye hasina mono yamugalukajenyi hamba kumuhizizenyi yaye. Ninga zinghani zenyu zizo zo wugaluci, hamonga no wuhizi, vyose vyoloduma lwa kamonga du. Hambi nanye nha molowa kwihiziza no kwikonga nyenye wose.

Yelemiya 7:33

Ne mivimba yiyo, yolowa ndigwa ye zindeje, hamonga ne malimu ga mu mbago. Na holowa hasina hamba munhu wo wose mono koziwinga yaye.

Matayo 7:2

hambi nha mu nghango yono mukuwaling'aniza wanji, nanye nha vyo moling'anizwa nhavivyo, ne cipimo ci cilya du cono mukucitumamila kuli wanji, co cipimo cico du cono u Mulungu nayo kolomupimilenyi na nyenye.

Wugubule 10:11

Hanyuma kanyhi nghalonjelwa nhavi, “Yikunojeye kanyhi wuyiganule nghani yo Mulungu kuli wanhu wenji, ne zinghungugo, ne zinonga, ne watemi.”

Wugubule 11:11

Ninga vyaza kuwa vyapuluta vilo vivyo vidatu na nusu, u muhe wo wumi wukalawa kuli Mulungu wukawenjila wawo wawizi wejete, nawo wakenuka wakema wima, na wose wono wawawona, wakenjilwa no woga wuwaha.

Wugubule 13:7

Kanyhi lilimu lilyo, likakombolwa ho vihome wulugu no kuwasumiza i wanhu wo Mulungu. Kanyhi likapegwa wulajilize muli wanhu we zimbeyu zose, na wose we ndelwa monga, na we zinonga zose, na we makungugo gose.

Wugubule 17:15

Kanyhi malayika yakanyitya nhavi, “Agalya malenga gono wugawene bahalya hono yali yekaye yu yulya musenyha, go makungugo, iwanhu we mawala gose ne zinonga zose.

Wugubule 5:8

Nayo yaza kucisola citabu cico du, avilya viwumbwa vine hamonga na walya wawaha makumi mejete na wane, wakagwa funama hamwande yo Mwana we ngholo. Nawo wose wali wena visumbi na bakuli za Zahabu, zono zali zimemile wuvumba, go malombo ge wanhu wo Mulungu.

Wugubule 5:9

Nawo wakemba u lwimbo aluno lupya. “Agwe yo gwegwe mono wunojeye wucisole citabu cico, no kubena vinamatizo vyayo. Vyono agwe wakondya kuwulagwa, wukamugulila Mulungu ne sakami yako, wose we zimbeyu zose, we zinonga zose, ne wanhu wose ne zinghungugo zose.