Wugubule 11:8 - Luganuzi Luswanu Kuli Wanhu Wose 2002

⁸ Ne mivimba yawo, yokwikala mu zibalabala ze likaya liwaha, ihanhu hono u Muwaha wawo yatumbicilwa mu musalaba, i litagwa lye colecezo ce likaya lilyo, yo Sodoma, hamba Misili.

I CILAGANE CIPYA 1991

⁸ Ne mivimba yawo yokwikala mu zibalabala ze likaya liwaha, ihanhu hono u Muwaha wawo yatumbicilwa mu musalaba, i litagwa lye colecezo ce likaya lilyo, yo Sodoma hamba Misili.

Wugubule 11:8 ပူးပေါင်းရင်းမြစ်များ

Mwamulizo 13:13

Ale, i wanhu wa kuko ku Sodoma, wali wanhu wabi muno, kanyhi wali wahodanji wawaha hali Mulungu.

Mwamulizo 19:24

Baho u Mulungu nayo yakawa kutonyeza cibiliti no moto mu Sodoma na Gomola ku wulawa ku wulanga.

Wutuluce 20:2

“Ane yo nene Muwaha Mulungu, u Mulungu wako, mono nakuwusa mu yisi ya Misili, kono wali wuli mu wuwanda.

Wutuluce 3:7

Nayo Muwaha Mulungu yakawa kumutya, “Gwe Musa, ane nakondya kuwuwona wugaye we wanhu wangu wa ku Misili, nicihulika ne cililo cawo, vyono wakusaka waponywe ku wulawa mu miwoko ye wemilizi wawo, wono wakuwetumya ciwanda wanda. Nane nizimanyile zose zo wugazwe wawo.

Isaya 3:9

No wuhijila-mbejele wawo, wukuwa kuwahomelela weneco. Sunga no wubi wawo, nha wuli calinze, nha vyono wanhu wa Sodoma wetuma. Holeka wokongomezwa, no wongomezwe wuwo, weletela weneco.

Yelemiya 23:14

Nghondya kuwawona sunga ne wawizi, wono wali mu Yelusalemi, nawo wakwituma vibi muno muno, hambi nha wakwituma zo wusenyha, akuno wakulonga zo wulambi, wakuwatonga wanhu ku wituma zimbi du. Na ku soko yiyo, holeka hasina hamba monga, mono yakusuma kuleka kwituma zimbi. Holeka ku lubavu lwangu, ane nghuwawona vyono wose wabi du, wehwanile ne wanhu wa Sodoma na Gomola.

Yelemiya 26:23

Nawo wakabita, wakamuleta Uliya kuli mutemi Yehoyakimu, nayo mutemi Yehoyakimu yakawa kumuwulaga, yakawa kuwuzika muwili wakwe mu vitenjelo vye wanhu wose.)

Ezekiyeli 16:46

“U lumbulyo muwaha, yo Samaliya, ku lubavu lwa kusumuka, hamonga ne vitumbi vyayo. Nayo u lumbulyo mudodo, yo Sodoma, hamonga ne vitumbi vyayo, ku lubavu lwa kutakama.

Ezekiyeli 16:49

Ninga hamba nhavivyo, nayo Sodoma, hamonga ne wanagwe we cicekulu, wakedunhumula muno ku soko ye zindigwa nyinji zono wali wena, hamonga no wikale wawo wo mulamu no wucehe. Ninga si wawalanjilila i waciwa na wono wali wena wanjile.

Ezekiyeli 23:19

Nayo yakacila muno konjeza zo wusenyha wakwe, yakakumbucila vilo vyo wuhinza wakwe, lono yetumaga metumo go wumalaya mu yisi ya Misili.

Ezekiyeli 23:27

Nane baho nhondo, ho nolowudumizya lukulu wusulumizi wo wusenyha wako, hamonga ne makani gako ge cikomaza, gono wetumaga ku wulawilila lono wali wukali ku Misili. Nagwe ku wulawilila baho, nhondo si kolovinugulila kanyhi meso, i vihwani, hamba kwihwesa kanyhi za ku Misili.”

Ezekiyeli 23:3

Nawo lono wali wakali wadodo, wekalaga ku Misili. Wakawuhodanga wunyacipale wawo, wakawa malaya.

Ezekiyeli 23:8

Nayo yajendelela no wumalaya wakwe, nha vyono yali yenha du kuko ku Misili, kono yawucila no wunyacipale wakwe. Hambi nha ku wulawa mu wuhinza wakwe, i walume nha wagonaga nayo, wakamutendela nhe wacekulu wamalaya.

Ezekiyeli 37:11

U Muwaha Mulungu yakanyitya, “Gwe go munhu, i wanhu wa Isilayeli, wehwanile ne mafupa gagano. Hambi wene nha wakutya vyono, cakondya kunyala, nalu ceza cisina witumbilo, kanyhi cafwila lukulu!

Amosi 4:11

“Nghawahodanga wanji muli'nye, nha vyono nayihodanga Sodoma na Gomola. Wawo wono wasigala muli'nye, wakawa nha cibici cinyanywe, cono ciponile ku wulawa mu moto. Ninga hamba simwambuyila yaye.” Vyo yakutya Muwaha Mulungu.

Matayo 10:15

Mbeka nghumutyenyi, Mwizuwa lye ning'aniza, ilikaya lilyo lyolotuga wulipicizwe wuwaha muno kuciza, si nho wulipicizwe wulya wono galipicizwa i makaya ga Sodoma na Gomola.”

Metumo ge Watumwa 9:4

Yakagwa hasi, yakahulika lizi likumutya, “Sawulo, Sawulo, alo nhawule wukungaza?”

Wahebelaniya 13:12

Yo soko, nayo Yesu, yagazizwa kunze ye likaya, sunga yakafwa, ho yaweze i wanhu so sakami yakwe mweneco.

Wahebelaniya 6:6

hanyuma kanyhi wakawa kuwubena u wihuwilo wawo! Si yosumika kuwagomola ho wanene kanyhi, vyono wakumutumbika kanyhi u Mwana wo Mulungu kejete, kanyhi wakumupela cevu ca cagalanze.

2 Petelo 2:6

Kanyhi Mulungu yakagalipiciza makaya ga Sodoma na Gomola, yakagaticimiza no moto tici-tici, yakaganoza gawe nha suguzi kuli wanhu wono siwamogopaga Mulungu.

Yuda 1:7

Kanyhi mukumbucile za ku Sodoma na Gomola, ne matumbi ga mu mhelo mhelo yayo, i wanyawusi wayo wanoza nha vyono wanoza wamalayika, weyinjiza mu wusenyha, na mu makani gono gasutane ne mumbwa, wakawa kutemezezwa u wulipicizwe wo moto we cibitilila, ho yiwe suguzi kuli wanhu wose.

Wugubule 11:13

Na mwi'daha lilyo, likaza yitulo yiwaha lye'si, ne libimha lye likumi lye likaya likagwa. Ne wanhu elufu mupunghati wakawulagwa ku soko ye litulo lilyo lye yisi. Ne wanhu wono wasigala, wakawa kogopa muno, wakamukumyo Mulungu wa ku wulanga.

Wugubule 11:9

Ne wanhu we zimbeyu zose, na we zinonga zose, na we makungugo gose, sunga na we mawala gose, wojendelela kuyilanga i mivimba yiyo, sunga vilo vidatu na nusu, hamba siwoyikombola mivimba yiyo ho yizikwe.

Wugubule 14:20

Zabibu zikawa kuminyilwa mu ciya cico co kukobonjela zabibu, cono cali kunze ye likaya, sakami yikalawila mu ciya cico, musululuzi mutali wukafika nha kilometa magana madatu, no wung'welele wo kubita hasi nha mita nyejete.

Wugubule 14:8

Malayika we kejete nayo, yakamutyatya yu yulya mulongozi yakutya, “Woyi, lyagwa! Heya, lyagwa nye, li Babiloni liwaha lyagwa! Li Babiloni lyono lyawang'wesaga divayi yalyo, wanhu wose we makungugo gose, divayi yono nghali, divayi yo wusenyha walyo!”

Wugubule 16:19

Ne likaya lililye liwaha likatemanulwa hali hadatu, ne makaya ga we makungugo gakagwa. Likaya liwaha lya Babiloni, Mulungu hamba si yalisemwa yaye. Yakaling'wesa i cikombe ce divayi ye likuwo lyakwe.

Wugubule 17:1

Yumonga wa muli wa walya wamalayika mupunghati wono wali wene mabakuli, yakanyiziza, yakanonjela yakutya, “Ta wuze! Nane nokulajila u wulipicizwe wono yapejigwe ayulyo u musenyha muwaha, i likaya alilya liwaha, lyono lizenjigwe behi ye makolongo menji.

Wugubule 17:18

“No mucekulu yuyulya mono wumuwene, lyo alilya likaya liwaha lyono liwatemile watemi wa kononze.”

Wugubule 17:5

Nayo yali yandicigwe litagwa lya fumbo mu cihanda co wusu wakwe, ne litagwa lilyo lyali, “Babiloni i liwaha, u nyina we wasenyha, na we makani gose ge cikomaza ga mononze.”

Wugubule 18:10

Nawo wolowa wemile kutali muno, wakugogopa i magazo gakwe, akuno wakutya, “Woyi he! Woyi, he kuli'gwe go Babiloni, i likaya litambule, kanyhi lye vilungo! Mwidaha lya saa monga du, u wulipicizwe wako wakondya kukuziza.”

Wugubule 18:18

nawo wali kuliwona lyosi lyo moto wono waliticimiza, nawo wakalila kwe'zi yiwaha muno, akuno wakutya, “Kukali nawa ne likaya lyono linha nhe likaya lilino liwaha!”

Wugubule 18:2

Nayo yakalonga kwe'zi yiwaha, yakutya, “Ligwa Libabiloni liwaha, lingwa! Aluno weza wuli wikalo we masetani hamonga ne myuhe yiyi, kanyhi weza wuli wikalo we zindeje zinyavu, kanyhi ze cikomaza muno.

Wugubule 18:21

Hanyuma malayika yunji mono yali vilungo muno, yakenula libwe yiwaha, lyono lihwanile nho luzala luwaha lo kusajila, nayo yakaligumila mwi'lenga akuno yakutya, “Nhavivyo ne likaya liwaha lya Babiloni vyo lyogumilwa no kwajililila lukulu, hamba kwijela yaye.

Wugubule 18:24

I likaya lilyo lya Babiloni likalipicizwa, ku soko vyono, mugati yayo, yejela i sakami ye wawizi, ne sakami ye wanhu wo Mulungu, sunga ne sakami ye wanhu wose wono wawulagwa kono'nze.