Wugubule 11:4 - Luganuzi Luswanu Kuli Wanhu Wose 2002

⁴ Ne wahomelezi wawo wejete, yo mibici myejete ye mizeyituni, ne zitala zinyejete zono zimaga hali Muwaha Mulungu we yinze.

I CILAGANE CIPYA 1991

⁴ Ne wahomelezi wawo wejete, yo mibici myejete ye mizeyituni, ne zitala zinyejete zono zimaga hali Muwaha we yinze.

Wugubule 11:4 ပူးပေါင်းရင်းမြစ်များ

1 Watemi 17:1

Kwali no muwizi litagwa lyakwe Eliya, mulawa ku Tishibi mu yisi ya Gileyadi. Muwizi Eliya yakamulonjela mutemi Ahabu yakamutya, “Ane nghukulonjela mwi'tagwa lyo Muwaha Mulungu, u Mulungu mumi, u Mulungu wa Isilayeli, mono ane nghumwitumamila, nha vyono, kowa kusina buhe, hamba mvula yono yotonya, sunga yipulute myaka myejete, hamba midatu, sunga nene kanyhi kono nolotela.”

Zabuli 52:8

Ninga ane, nihwanile muzeyituni, wono wudedewaye mu Nyumba yo Mulungu. Nane nilwitumbilaga lusungu lwakwe, cibitilila ne cibitilila.

Wutuluce 8:22

Ninga ku yisi ya Gosheni kono wekaye wanhu wangu, ako langa mahazi si gokwinjila yaye. Nane nozinoza zizi, agwe ho wumanye vyono yo nene no Muwaha Mulungu, mono nghuzituma zizi mono yisi yiyi.

Isaya 54:5

Hambi u muwumbi wako, nha yo mulume wako, ne litagwa lyakwe yakucemwa Muwaha Mulungu we mihanga. U Muwaha Mulungu mono yelile wa Isilayeli yo kolokuponya, hambi mwene nha yo mutemi we yinze yose.

Yelemiya 11:16

Nane halulongozi, nawacemaga wene, u mubici wo muzeyituni wono wina mahamha gono gadedewaye, wono wulelile mikalo miswanu muno. Ninga aluno, ane nogakung'unhila mu moto mahamha gayo ne nyhinyinho mbaha, ne manhambi gayo gose gobeneka.”

Mika 4:13

Muwaha Mulungu yakutya, “Anye nyo wanhu wa Yelusalemi, ale, mubite mukawalipicize walugu wenyu, nane nomunozenyi muwe ne vilungo nhe nghambaku, yono yina mahembe ga cuma ne mabangho ga shaba. Nanye mogahoma makungugo menji no kugasumiza, ne sawo yawo yose yono wayituga kwe vilungo, ayo mondavizya nene, ane no Muwaha Mulungu we yinze yose.”

Luka 11:33

“Hasina munhu, lono yakoleleza tala, yakuyiwika kanyhi ha wuhundiko, hamba kuyigubiciza ne bakuli, langa wayiwikaga ha wuwiko wayo, wanhu wono wakwinjila mugati wawone wuzelu wayo.

Luka 21:36

Ninga mwikalaje meso mu mapango gose, mweze kulomba, ho mutuje vilungo vyo kusumila kugatiza gaga gose gono golowa, no kwima hali Mwana wo Munhu.”

Walumi 11:17

Heya, ninga imanhambi ganji go muzeyituni wa mu mugunda gadumulwa, ne hanhu hayo, ilinhambi lyo muzeyituni wa mu mbago likalumbicizwa. Nanye mo wanhu mono si muli Wayahudi, yo nyenye mono lyo linhambi lilyo lyo muzeyituni wa mu mbago, aluno mukuhanga ivilungo ne mele, vyo muzeyituni wa mu mugunda.

Wukumbucize wo Wulajilize 10:8

Na baho he 'tunda, Muwaha Mulungu yakawahagula wanhu wo mulango wa Lawi, wo wawe walanjilizi we Lisanduku lye Cilagane. Wamwitumamile nha wakohani. Kanyhi wawe kulavizya wulugutize mwitagwa lyakwe. Na wuwo wo mulimo wawo sunga nalu.

Wugubule 1:20

Ne nhunizo hundikwe ye zinyelezi zo mupunghati zono wuziwene mu muwoko wangu wo kulume, hamonga na hundikwe yo wuwiko wu wulya we zitala mupunghati za zahabu, nha yoyi, zi zilya i zinyelezi zo mupunghati, wo wamalayika we makanisa go mupunghati, na wulya u wuwiko mupunghati we zitala, go makanisa mupunghati.”