Wugubule 11:3 - Luganuzi Luswanu Kuli Wanhu Wose 2002

³ Nane nowatuma wahomelezi wangu wejete, ho wayiganule i nghani yo Mulungu, mu cipango cico ce vilo elufu monga na magana mejete na makumi mutandatu, akuno wowa wavwalile vivwalo vye magunila.”

I CILAGANE CIPYA 1991

³ Nane nowatuma wahomelezi wangu wejete, ho wayiganule i nghani yo Mulungu mu cipango cico ce vilo elufu monga na magana mejete na makumi mutandatu, akuno wowa wavwalile vivwalo vye magunila.”

Wugubule 11:3 ပူးပေါင်းရင်းမြစ်များ

Mwamulizo 37:34

Baho Yakobo yakavidemula vivwalo vyakwe ko wukalale muno muno, yakawa kuvwala ligunila mu ciwino. Yakamulilila mwanagwe Yusufu vilo vinji muno.

2 Samwili 3:31

Dawudi yakawa kumulonjela Yowabu, hamonga ne wanhu wakwe wademulanje myenda yawo, wavwale magunila, wamulilile Abineli. Na lono wabitaga mu mazishi, mutemi Dawudi, yali yalityatizye munyuma lisanduku lyono wali wadinghuliye muwili wa Abineli.

1 Watemi 21:27

Eliya yaza kukondya kuzilonga zizo, hodu Ahabu yakawa kuvidemulanga vivwalo vyakwe, yakavitaga, yakavwala magunila. Yakalema kulya ndigwa, yakawa kugona mu magunila, yakawa yakujenda yena wusungu no wukalale mu nhumbula yakwe.

2 Watemi 19:1

Mutemi Hezekiya, yali yeza kuzihulika zizo, hobaho, yakavidemulanga vivwalo vyakwe ko wusungu wuwaha muno, yakavwala yigunila, yakenjila mu Nyumba yo Mulungu.

1 Zinghomo 21:16

Nayo Dawudi yakamuwona malayika yemile, akuno yanyasuye no mumaje mu muwoko wakwe, yewikanize ho yayongomeze Yelusalemi. Hobaho Dawudi, hamonga ne walongola wose we wanhu, wono wali wavwalile vivwalo vye magunila, wakenama, no wusu wawo wukapamiza ho hasi.

Nehemiya 9:1

Mu mwezi wuwo, mwi'zuwa lye makumi mejete na yine, i wanhu wa Isilayeli wakekongholela hamonga, wakaleka kulya, ho walajile wukalale wawo so wubi wawo.

Jobu 16:15

“Nghalila, nghavwala magunila, nghawa kwivwagamika mu manghundi, nalemwa.

Zabuli 69:11

Nali neza kuvwala ligunila, ho ndajile wukalale wangu, wene wakasekanga muno sunga wakambedegala.

Isaya 22:12

Nayo Muwaha Mulungu we mihanga, yamucemenyi ho mulile ko wukalale, mucete mitwe yenyu, muvwale magunila.

Yelemiya 1:10

Nane i zuwali, nghukupela wulajilize kuli makungugo, hamonga ne matemi gose. Ho wusume kukula, no kumwagula, no kongomeza, hamonga no kuhodanga, ho wuzenje no kuhadika.”

I Cililo 2:10

Nawo i wanhu wakombi wa mu Yelusalemi, wekaye wanyamaye twii, akuno weyitiye manghundi mu mitwe yawo, wavwalile magunila. Nawo i wahinza, wenamizye mitwe yawo hasi.

Ezekiyeli 4:6

Nagwe kolo wazikondya zizo, wipitucizaje kanyhi, wugonele ku lubavu lo kulume vilo makumi mane, so wubi wa Yuda. Nayo yowa nhavivilya du, lizuwa limonga limonga, lyowa nha wo mwaka monga monga wo wulipicizwe wawo.

Danyeli 12:7

Nayo malayika yuyo, yakenula miwoko yakwe yose ku wulanga, yakelahiza mwi'agwa lyo Mulungu, mono kekalaga cibitilila. Nane nghamuhulika yakutya, “Yowa myaka midatu na nusu. Na kolo wugazwe we wanhu wo Mulungu wapuluta, baho na zizi zose zolowa zakondya kwijela.”

Danyeli 7:25

No mutemi yuyo, kolomutovula Mulungu Mono Yalawiliciye no kuwewonela i wanhu wo Mulungu. Mutemi yuyo kolojela yawakawaniziza i wanhu wo Mulungu, u wulajilize wo wuhembi wawo, hamonga ne zisikukuu zawo. Nawo i wanhu wo Mulungu wolowa hasi yo wulajilize wakwe, myaka midatu na myezi mutandatu.

Danyeli 8:14

Nghahulika malayika muyagwe nayo yakupitula yakutya, “Nghani zizi, zojendelela du, sunga vipulute vilo elufu monga na yigana limonga na makumi mahano. Na mu vilo vivi vyose, howa hasina wulavye we vilavywa vye makumbiko ge hakali mitondo ne cinyamihe. Ale, Nyumba yo Mulungu nhondo, ho yokwezwa.”

Yoweli 1:13

Ale, muvwale magunila, mulile, anye nyo wakohani mono mwitumaga ha cikumbicilo! Mubite mu Nyumba yo Mulungu mukalile cilo cose! Hambi nha heza hasina vilavywa vyo wuhemba ne divayi, vyono momulavizya Mulungu wenyu mu Nyumba yakwe.

Yona 3:5

Nawo i wanhu wa Ninawi wakehuwila i nghani yo Mulungu. Holeka wakawa kulamula nha vyono wanhu wose walece kulya, ne wanhu wose, ku wulawa wanhu mututu, sunga ne wadodo wose wavwale magunila, ho walajile nha vyono wakondya kunena.

Yona 3:8

Wanhu wose yiwanojeye wavwale magunila, sunga ne mitugo nazo nhavivyo. Kanyhi yiwanojeye wose munhu na lwakwe, yalombe ko winenenyhezi kuli Mulungu, no kupituka no kuleka metumo gakwe mabi.

Wuwale 11:26

Nawo wanhu wejete wa muli walongola wawalya we makumi mupunghati, Elidadi no muyagwe Medadi, wene si walawila mu nghambi ho wabite kwi 'Hema. Ninga hamba nhavivyo, muhe yawatimila nawo, nawo nhavivyo wakawa kwanza kuwila.

Matayo 11:21

“Woyi he, kuli'gwe go Kolazini, woyi he, kuli'gwe, go Betesayida. Hambi i mapoto gono ganozezwa kuli'gwe, hono gali ganozezwe ku Tulo na Sidoni, iwanhu wa mumo mhali wavwala katali vivwalo vye magunila, no kwibaka i mavu, ho walajile vyono wanena.

Matayo 18:16

Ninga hono yekale si yakuhulice ale, wumusolaje yunji yumonga, hamba wejete, muwe muli hamonga nagwe, na muwulanjize we wahomelezi wejete, hamba wadatu, zose ho zisume kunozelezwa.

Luka 10:13

“Woyi he nye kuli'gwe Kolazini! Woyi he nye kuli'gwe Betesayida! Hambi imapoto gono ganozwa mwenyu hono gali ganozwe mu Tulo na Sidoni, mhali wanhu wa kuko wavwale magunila, no kwikala mu mavu, wakulajila vyono wanena.

Luka 24:48

Nanye yo nyenye mono muli wahomelezi wa zizi.

Yohana 15:27

Nanye mukuhomelela izangu, vyono kuwulawa mwamulizo, mwikalaga nane.

Yohana 3:27

Yohana yakapitula yakatya, “Munhu si kosuma kuwa na cinji, hono yalece kupegwa no Mulungu.

Metumo ge Watumwa 1:8

Ninga mopegwa vilungo, kolo yakumuzizenyi u Muhe Mono Yelile, nanye mowa wahomelezi wangu mu Yelusalemi, na mu yisi yose ya Yudiya, na Samaliya, sunga ko ku mhelo ye yinze.”

Metumo ge Watumwa 13:31

Nayo mu vilo vinji, yakejela kuli walya wono wakazana nayo kulawa ku Galilaya sunga ko ku Yelusalemi. Na wawo, aluno wo wahomelezi wakwe kuli wanhu wa Isilayeli.

Metumo ge Watumwa 2:32

Yuyo Yesu, Mulungu yamuzukula, nase wose cili wahomelezi we nghani yiyo.

Metumo ge Watumwa 3:15

Mukawa muwulaga ayulya mono yo mwamulizo wo wumi. Ninga Mulungu yamuzukula, nase yo sese mono cili wahomelezi we nghani yiyi.

1 Wakolinto 12:28

Nayo u Mulungu yawika mwi'kanisa, walongozi, watumwa, we kejete, wawizi, we kadatu, wejizi, hanyuma yayo, yakawa kuwawika walya wono wena vipegwa vyo kunoza mapoto, kuponya, kutaza, walongola, na wono wakulonga nonga njenzi.

2 Wakolinto 13:1

Alu lo lwe kadatu lo kuza kwenyu. “I makamu go gose, gahulicizwe hamwande ye wahomelezi wejete hamba wadatu.” I Mandiko vyo gakutya.

Waefeso 4:11

Kanyhi yo mwene mono yawagawila iwanhu vipegwa. Wanji yakawawika wawe watumwa, wanji wawe wawizi, na wanji wawe waganula u Luganuzi Luswanu, na wanji wawe wadimi na wejizi.

Wukumbucize wo Wulajilize 17:6

Ninga hamba nhavivyo, yalece kuwulagwa, sunga hawe howali wahomelezi wejete hamba kuciza, wono womuhomelela. Ninga yalece kuwulagwa hono hawe ho yuli muhomelezi monga du.

Wukumbucize wo Wulajilize 19:15

“Wuhomelezi wo munhu monga, si wokwila yaye kumuhomelela munhu vyono yena masutya, langa sunga hawe na wuhomelezi wa wanhu wejete hamba wadatu.

Wugubule 1:5

kanyhi na ku wulawa kuli Yesu Kilisito, u muhomelezi mwihuwilwa, u mulongozi kuzukulwa muli wafu, mono yatemile i watemi we yinze. Mwene yacendile, na so isakami yakwe, yakaciwopola kulawa mu wubi wetu,

Wugubule 11:2

Ninga wulece kulipima libululu lyono lili kunze yo wuhembelo, hambi libululu lilyo, nha lyapegwa wanhu we makungugo ganji, wanhu wono wolikanyanjila i likaya lyono lyelile mu myezi makumi mane na myejete.

Wugubule 11:6

Wawo wena vilungo vyo kuwudindila wulanga, ne mvula ho yilece kutonya, mu cidaha cono wakuyiganula nghani yo Mulungu. Kanyhi wena vilungo vyo kuyihundusa i mivwilo yose ye malenga yiwe sakami, sunga ne vilungo vyo kusuma kuleta magayo ge liwala lyo lyose mono'nze, mwi'pango lyo lyose lyono weneco wendile.

Wugubule 12:6

Yuyo mucekulu nayo, yakamanyhila ku nyika, kono Mulungu yali yamuwiciye hanhu ha wutule, hanhu hono kosuma kudimwa mu vilo elufu monga, na magana mejete, na makumi mutandatu.

Wugubule 13:5

Hanyuma yayo lilimu lilyo likakombolwa ho lilonje makani ge nhovu nha vyono lyendile, limutovule u Mulungu, kanyhi likakombolwa ho liwe no wulajilize, myezi makumi mane na myejete.

Wugubule 19:10

Ale, nane nghagwa hasi funama ha magulu gakwe, nghuhila nimuhembe. Ninga mwene yakanonjela yakutya, “Leka! Ane nane nili mwitumami du nha gwegwe, hamonga ne wanduguzo, ase wose mono ciyikamisaga i mbeka yiyilya yono Yesu yayigubula. Muhembo Mulungu!” Hambi i mbeka yono Yesu yayigubula, nha yo yikuwamulicila wawizi.

Wugubule 20:4

Nghawona magoda ge citemi hamonga ne wanhu wono wali wagekaliye. I wanhu wawo, wakapegwa vilungo vyo kuling'aniza. Nghawona kanyhi ne zinhumbula za wono wadumulwa mitwe yawo ku soko yo kumuganula Yesu, na ku soko yo kuyiganula nghani yo Mulungu. Wawano wo wawo wono si walihemba lilimu lililya hamonga ne cihwani calyo, kanyhi hamba si wawicilwa citanjilo mu mahanda go wusu wawo, hamba mu miwoko yawo. Wakawumipa kanyhi, no kutema hamonga na Kilisito myaka elufu monga.