Wugubule 11:2 - Luganuzi Luswanu Kuli Wanhu Wose 2002

² Ninga wulece kulipima libululu lyono lili kunze yo wuhembelo, hambi libululu lilyo, nha lyapegwa wanhu we makungugo ganji, wanhu wono wolikanyanjila i likaya lyono lyelile mu myezi makumi mane na myejete.

I CILAGANE CIPYA 1991

² Ninga wulece kulipima libululu lyono lili kunze yo wuhembelo, hambi libululu lilyo nha lyapegwa wanhu we makungugo ganji, wanhu wono wolikanyanjlia i likaya lyono lyelile mu myezi makumi mane na myejete.

Wugubule 11:2 ပူးပေါင်းရင်းမြစ်များ

Zabuli 79:1

Gwe go Mulungu, i wanhu wono si wakumanyile, wenjila mu yisi yako. Wayitipiza Nyumba yako yono Yelile. Wayileka Yelusalemi yeza matongo.

Isaya 48:2

Ninga hamba nhavivyo, mukali mukwilumba mukwiyitya nha vyono anye muli we likaya lyono lyelile, na kanyhi mumwitumbiye Mulungu wa Isilayeli, mono yakucemwa yo Muwaha Mulungu we mihanga.

Isaya 5:5

Alu, lecenyi ta nimulonjelenyi, nane vyono nowunoza, “Nowupambula mululu wayo, nigamwagule ne majinji gono gakuwa kuwucitila, nigalecele malimu ga mu mbago, gaze gawulye no kuwusambanjilanga.

Isaya 52:1

Gwe Yelusalemi, weze ne vilungo, wuwuvwale wuwaha wako kanyhi! Agwe 'gwe kaya lyono lyelile lyo Mulungu, wivwikaje kanyhi nhojo yako! Hambi i wanhu wono si wamumanyile Mulungu, nha si wolokwinjilila lukulu kanyhi mu milango yako.

I Cililo 1:10

Ne walugu wakwe wakamuhiziza sawo yakwe yose. Nayo yakawawona ne meso gakwe mweneco, vyono wakwinjila mu Nyumba yo Mulungu, mono Muwaha Mulungu yali yawalemeze we makungugo walece kwinjila.

Ezekiyeli 4:6

Nagwe kolo wazikondya zizo, wipitucizaje kanyhi, wugonele ku lubavu lo kulume vilo makumi mane, so wubi wa Yuda. Nayo yowa nhavivilya du, lizuwa limonga limonga, lyowa nha wo mwaka monga monga wo wulipicizwe wawo.

Ezekiyeli 42:20

Holeka lijinji lyose lyali lina mita magana mejete na makumi mahano mbavu zose. Nalyo lijinji lilyo, lyali lihatemanuye i hanhu hono helile, ne hanhu hono si helile.

Danyeli 12:7

Nayo malayika yuyo, yakenula miwoko yakwe yose ku wulanga, yakelahiza mwi'agwa lyo Mulungu, mono kekalaga cibitilila. Nane nghamuhulika yakutya, “Yowa myaka midatu na nusu. Na kolo wugazwe we wanhu wo Mulungu wapuluta, baho na zizi zose zolowa zakondya kwijela.”

Danyeli 7:19

Ninga hanyuma yayo, nane nghelowa nizimanye zinji kanyhi zi zilya ze lilimu lye kane, lyono si lyali lihwanile ne mayagwe gose. Lilimu lyono lyogofyaga, lyono lyabenanjiza zimhelembo zalyo kwe makombazala galyo ge shaba, hamonga ne meno galyo ge cuma, no kuvikanyanjiza ne migulu yalyo.

Danyeli 7:25

No mutemi yuyo, kolomutovula Mulungu Mono Yalawiliciye no kuwewonela i wanhu wo Mulungu. Mutemi yuyo kolojela yawakawaniziza i wanhu wo Mulungu, u wulajilize wo wuhembi wawo, hamonga ne zisikukuu zawo. Nawo i wanhu wo Mulungu wolowa hasi yo wulajilize wakwe, myaka midatu na myezi mutandatu.

Danyeli 8:10

Naco cihembe cico, cikawiluka muno, cikawa ne vilungo vyo kwihoma ne lipuga lya ku wulanga, nha cinji, zinyelezi, sunga likazigumila zinji ho hasi, likazikanyaga.

Danyeli 8:13

Hanyuma yayo, nghahulika malayika yakumuwuza malayika muyagwe, yakutya, “Alo zizi zono zijeye mu wugubulilwe, ho zojendelela sunga nili lo? Hamba wuwu wubi wono wukuwimila u wulavye we makumbiko, nawo wojendelela sunga nili? Ma, lipuga lya ku wulanga nalyo, hamonga ne Nyumba yo Mulungu, navyo ho vyojendelela kukanyanjilwa sunga nili?”

Danyeli 8:14

Nghahulika malayika muyagwe nayo yakupitula yakutya, “Nghani zizi, zojendelela du, sunga vipulute vilo elufu monga na yigana limonga na makumi mahano. Na mu vilo vivi vyose, howa hasina wulavye we vilavywa vye makumbiko ge hakali mitondo ne cinyamihe. Ale, Nyumba yo Mulungu nhondo, ho yokwezwa.”

Wuwale 14:34

Nanye motuga magayo ku soko yo wubi wenyu, mu myaka makumi mane. Nayo yowa, mwaka monga wukwinjila mwi'zuwa limonga, lya mu vilo vivilya makumi mane vyono mwetumamila, lono mwayitandilila yisi. Nanye ho mosuma kumanya i cambuzi co kunema 'ne!

Matayo 27:53

nawo lono wali wazuka, wakalawila mu vitenjelo, wakenjila mwi'kaya lyono lyelile, wakejela kuli wanhu wenji.

Matayo 4:5

Hanyuma Setani yakawa kumutegula Yesu sunga ko ku Yelusalemi kwi'kaya lyono lyelile, yakawa kumuwika ku cizuli ce litembe lye Nyumba yo Mulungu,

Matayo 5:13

“Anye mwinha muli mwino mu yinze! Ninga u mwino hono wususulice, wogomolezezwa na cici kanyhi ndaso yayo? Awo wukuwa si wukwiliye cinji kanyhi, langa wutagwaga kunze no kukanyanjilwa ne wanhu.

Luka 21:24

Wanji wowulagwa no mumaje, wanji wolosolwa mateka, wategulwe ku nghungugo zose, ne likaya lya Yelusalemi, lyolokanyagwa ne wanhu we makungugo ganji, sunga vipango vyawo vilawa fisilizwa.”

Wahebelaniya 10:29

Wulenyi, u munhu mono yakumubedula u Mwana wo Mulungu, no kuyibedegala i sakami ye cilagane co Mulungu cono ca mweza, u munhu yuyo mono yakumutovula u Muhe wo Mulungu, yimunojeye yapegwe wulipicizwe wuwaha nha cici?

Wugubule 11:11

Ninga vyaza kuwa vyapuluta vilo vivyo vidatu na nusu, u muhe wo wumi wukalawa kuli Mulungu wukawenjila wawo wawizi wejete, nawo wakenuka wakema wima, na wose wono wawawona, wakenjilwa no woga wuwaha.

Wugubule 11:3

Nane nowatuma wahomelezi wangu wejete, ho wayiganule i nghani yo Mulungu, mu cipango cico ce vilo elufu monga na magana mejete na makumi mutandatu, akuno wowa wavwalile vivwalo vye magunila.”

Wugubule 12:6

Yuyo mucekulu nayo, yakamanyhila ku nyika, kono Mulungu yali yamuwiciye hanhu ha wutule, hanhu hono kosuma kudimwa mu vilo elufu monga, na magana mejete, na makumi mutandatu.

Wugubule 21:10

Baho, malayika yakanhegulila mu Muhe ko kwitunda liwaha, kanyhi yitali, yakandajila i likaya lyono lyelile, yo Yelusalemi, nalyo likutima kulawa kuli Mulungu ku wulanga,

Wugubule 21:2

Nghaliwona likaya lyono lyelile, nalyo likutima kulawa kuli Mulungu kucanyha, nayo yo Yelusalemi 'mhya. Nalyo lyali iwikanizize lukulu nha bibi halusi muhambwe viswanu, mono yawikanizwe so mulume wakwe.

Wugubule 22:19

No munhu wo wose hono yacepule nghani yo yose mu zinghani zo wuwile zono zili mu citabu cicino, nayo Mulungu komuwusiza i ligawo lyakwe lyo mubici wo wumi, ne ligawo lyakwe lya mwikaya lyono lyelile, nha vyono zilolosigwe mu citabu cicino.