Wugubule 10:6 - Luganuzi Luswanu Kuli Wanhu Wose 2002

⁶ yakelahiza mwi'tagwa lyo Mulungu mono kekalaga cibitilila ne cibitilila, u Mulungu mono yawumba wulanga ne vinhu vyose vyono vili mumo, sunga ne yinze na vyose vyono vili mumo, ne lilenga na vyose vyono vili mumo. Malayika yakatya, “I cipango co wulindila muno, alu camalika!

I CILAGANE CIPYA 1991

⁶ yakelahiza mwitagwa lyo Mulungu mono kekalaga cibitilila ne cibitilila, u Mulungu mono yawumba wulanga ne vinhu vyose vyono vili mumo, sunga ne yinze na vyose vyono vili mumo, ne lilenga na vyose vyono vili mumo. Malayika yakatya, “I cipango co wulindila muno, alu camalika!

Wugubule 10:6 ပူးပေါင်းရင်းမြစ်များ

Mwamulizo 14:22

Nayo Abulamu yakamupitula yuyo mutemi wa Sodoma yakamutya, “Ane no muyago nghondya kwilahiza hali Muwaha Mulungu mono yawumba u wulanga ne yinze,

Wutuluce 20:11

Hambi Muwaha Mulungu, nha yawumba wulanga ne yinze, hamonga ne lilenga na vyose vyono vili mugati, kwa vilo mutandatu. Na mwi'zuwa lyo mupunghati yakawa kuceha. Holeka Muwaha Mulungu yakalilugutiza lizuwa lyo mupunghati yakalyeza.

Wutuluce 6:8

Nane nomutegulenyi sunga ko ku yisi yono nakondya kuyiwagula, ku so wihuwizo wono namwihuwiziza Abulahamu, na Isaka, na Yakobo, vyono nowapela. Holeka nane nomupelenyi nyenye yiwe sawo yenyu, ane yo nene Muwaha Mulungu.’ ”

Ezekiyeli 20:5

Wuwalonjele zono nghulonga. Vyono lono namuhagulila Isilayeli, nghawehuwiziza, kanyhi nghelajila kuli wene ku yisi ya Misili, nghawalonjela vyono, ane yo nene u Muwaha Mulungu wenyu.

Danyeli 12:7

Nayo malayika yuyo, yakenula miwoko yakwe yose ku wulanga, yakelahiza mwi'agwa lyo Mulungu, mono kekalaga cibitilila. Nane nghamuhulika yakutya, “Yowa myaka midatu na nusu. Na kolo wugazwe we wanhu wo Mulungu wapuluta, baho na zizi zose zolowa zakondya kwijela.”

Wuwale 14:30

Nali nihuwize vyono, anye wose mokwikala mu yisi yiyo, ninga luno, hasina hamba monga wa muli nyenye mono kosuma kwinjila mu yisi yiyo, langa Kalebi du na Yoshuwa, wo wosuma kwinjila.

Wugubule 1:18

Ane yo nene mono nili mumi! Nali fwiye, ninga'lu nili mumi cibitilila ne cibitilila. Nina wulajilize we lifwa sunga na wa mu yinze ye wafu.

Wugubule 12:12

Holeka musangalale anye nyo wulanga, hamonga na vyose vyono vili mumo. Ninga woyi he kuli'nye nyo yisi ne lilenga, hambi Setani nha kamuzizenyi akuno yena ne likuwo yiwaha, hambi nha yamanyile vyono vilo vyakwe vyono visigaye vyaza vicefu.”

Wugubule 16:17

Hanyuma, malayika wo mupunghati, nayo yakalijidile libakuli lyakwe mu mbeho. Ne lizi liwaha likahulikwa, likulawa mwigoda lyo wutemi, mu wuhembelo, likutya, “Yakondya kuwa!”

Wugubule 21:6

Hanyuma yakawa kunonjela yakutya, “Zose 'lu, zakondya! Ane yo nene wo Mwamulizo na wo Mudumo. Nayo mono yakaluce, ane nomupela co kung'wa bwete, ku wulawa mu mivwilo ye malenga go wumi.

Wugubule 4:10

awalya i wawaha makumi mejete na wane, nawo wakagwa ha mwande ya yuyo mono yekaye mwi'goda lyo wutemi no kumuhemba yuyo mono kekalaga cibitilila ne cibitilila, nawo wakuyiwika mikumbo yawo ha mwande ye ligoda lyo wutemi akuno wakutya,

Wugubule 4:11

“Agwe yo gwegwe go Muwaha nago Mulungu wetu, mono wunojeye lukumyo, ne lilumbo ne vilungo, hambi nha yo gwegwe muwumbi we vinhu vyose, na ku so wuhile wako, vyose vikawa, na vyose vyapegwa wumi no kuwumipa.”

Wugubule 4:9

Na lono viwumbwa vivilya vine vyembaga zinyimbo zo kumukumya, na ze cogopo, hamonga no kumulumba yuyo mono yekaye mwi'goda lyo wutemi, mono kekalaga cibitilila ne cibitilila,

Wugubule 6:11

Nawo wakapegwa yumonga yumonga civwalo cizelu, wakalonjelwa vyono walindile lindile hadodo, sunga kolo lyakondya kuficilicila i liwalo lye wetumami wayawo, kanyhi ne wandugu zawo wono wowulagwa nha vyono wawulagwa weneco.