Wugubule 10:3 - Luganuzi Luswanu Kuli Wanhu Wose 2002

³ Nayo yakawa kucema kwe'zi 'waha muno muno, nha simba yikukoloma. Nayo yali yeza kuzoza muno, mabalalusi mupunghati nago gakabocelela ko mulizo muwaha muno muno.

I CILAGANE CIPYA 1991

³ Nayo yakawa kucema kweʼzi waha muno muno, nha simba yikukoloma. Nayo yali yeza kuzoza muno, mabalalusi mupunghati nago gakabocelela ko mulizo muwaha muno muno.

Wugubule 10:3 ပူးပေါင်းရင်းမြစ်များ

Zabuli 29:3

Lizi lyo Muwaha Mulungu likuhulikwa mu malenga, u Mulungu wo lukumyo yakulavya mabalalusi, ne lizi lyo Muwaha Mulungu, likuhulikwa mwi'lenga mucanyha!

Zimbazi 19:12

Likuwo lyo mutemi, lihwanile ngholoma ye lisimba. Ninga wendezwe wakwe, winha buhe mu mahanze.

Isaya 31:4

Muwaha Mulungu yakanonjela yakatya, “Nawo wadimi hamba wazoze vyono wozoza, yowa nghani ya bwete du, hamba si wosumila lukulu kulyogofya lisimba, ho liyilecele nimu yono liyiwulaje. Holeka nane yo nhavivyo, hasina cinhu co cose cono cosuma kunyimila ane no Muwaha Mulungu we mihanga, ho ndece kulidima litunda lya Sayuni.

Isaya 42:13

Muwaha Mulungu kabitaga mu milewo yenha citung'ati. Mwene yewikanizize lukulu, kanyhi muhidimbazi ku milewo, katowaga ndulele yo wulugu, kalajilaga wusume kuli walugu wakwe.

Isaya 5:29

Ne wasilikale wawo, wowa kukoloma nha simba zono ziwulaje mhelembo, alu ziyidinghuye, zikulajila nha vyono, hasina munhu wo wose, mono kosuma kuziboka yaye.

Yelemiya 25:30

“Gwe Yelemiya, yikunojeye wuziganule zose zono nghulonjeye. Wuwalonjele wanhu wawa zizi zose. U Muwaha Mulungu kokoloma ku wulawa ku wulanga, nayo kokwinula muno lizi lyakwe ku wulawa mu wikalo wakwe wono welile. Kolowakolomela wanhu wakwe, kolozoza nha munhu mono yakukanyaga zabibu. Ne wanhu wose wa mono'nze, wolomuhulika.

Ezekiyeli 10:5

Ne cihumbi co mulilo we mabawa ge makelubi, cikahulikwa sunga mo mwi'kumbo lya kudeha. Hambi cihumbi nha cali cihwanile lizi lyo Mulungu Mudaha Vyose.

Hoseya 11:10

“Wanhu wangu wolonhyatya kolo nghukoloma nha simba kuli walugu wawo. Wolonyiziza musunho ku wulawa ku lubavu lwa kumwezi.

Yoweli 3:16

Muwaha Mulungu yakulonga ne lizi yiwaha ku wulawa mwi'tunda lya Sayuni, ne lizi lyakwe likudidima ku wulawa mu Yelusalemi, sunga ne yisi hamonga no wulanga navyo vikucicima, ninga mwene Muwaha Mulungu yo kowadima.

Amosi 1:2

Amosi yakatya, “Muwaha Mulungu yakukoloma kuwulawa kwitunda lya Sayuni, ne lizi lyakwe wulawa ku Yelusalemi. No wudimo weza musina, ne lihanze mwitunda lye kalimeli lyanyala.”

Amosi 3:8

Lono simba yikukoloma, nani 'mbi mono si kebatwaga no woga? Na lono Muwaha yakulonga, alo nani mono kosuma kuleka kuyiganula inghani yakwe?

Wugubule 14:2

Nghahulika lizi kulawa ku wulanga, lizi lyono lyali nha lizi lya malenga menji kanyhi kotya nha mabalalusi mawaha. Lizi lyono nalihulika, likawa kanyhi nhe watowa masumbi wono wakugatowa i masumbi gawo.

Wugubule 15:1

Hanyuma, nghawona citanjilo cinji ku wulanga, citanjilo ciwaha muno, kanyhi ca wizine. Baho hali na wamalayika wali mupunghati, wena magazo mupunghati ge ndumilizo. Ne likuwo lyo Mulungu lyomalicila mu magazo gago mupunghati.

Wugubule 15:7

Hanyuma ciwumbwa cinji ciyagwe ne viwumbwa vivilya vine vyumi, cikawapela wawalya wamalayika mupunghati, mabakuli ga zahabu gono gamemile likuwo lyo Mulungu, mono kekalaga cibitilila ne cibitilila.

Wugubule 4:5

I mamuli, ne lizi, hamonga ne madidimo mawaha, vyalawaga baho he'goda lyo wutemi. Sunga ne zitala mupunghati zo moto, nazo zakaga baho he'goda lyo wutemi. Ne zitala zizo, yo myuhe mupunghati yo Mulungu.

Wugubule 8:5

Hanyuma yuyo, yakasola cifusizo, yakacimemya moto wono yawusola mu cikumbicilo, yakacigumila kono'nze. Baho hakawa na mabalalusi, ne mazi, ne mamuli, sunga ne litulo lye yisi.